|
370
(Sn.) || In Dei nomine. Anno dominice incarnationis millesimo clxiiii, anno nono
in||perii Frederici serenissimi augusti, mense novembri, indictione tertiadecima. Cum ea
que geruntur variis nominibus contractuum denotentur, iccirco satis utile est quod geritur
litteris adnotari. Quapropter manifesti sumus nos Guickieri et Perino et Litardus
consules castri de Talzano, et Stephanus atque Ranucius et Parisius et Ratucius et Iacob
et Ubaldinus et Francesco cum esset controversia inter nos et dominum Amideum ęcclesię
sante Flore ex possessione et terra multa ultra Silicem, et predictam controversiam
dedissemus abbati Ugoni Campileonis, qui, abito consilio suorum bonorum hominum,
videlicet Neronis iudicis et Ciufi Gerardini et Carsidonii et Merisi et Christiani et predicti
Ratucci et Litardi et Perini, terminavit predictam terram iuxta Silicem; et unum
terminum mittere fecit ex ista parte iuxta Piscinam, et alium in summitate Furnelli, et
tertium in fossato qui dicitur Rio cavo; et prout terminatum ab eo fuit, finimus, transigimus
atque refutamus tibi suprascripto domino Amideo abbati recipienti vice predicte
ęcclesię; unde nobis nostrisque heredibus nullam reservavimus potestatem in hoc quod
terminatum est et vobis relinquimus, nec aliquid inde excepimus. Exinde autem recepimus
loco pretii id quod usque ad Silicem nobis reliquisti, quatinus ab hodierna die
habeas et possideas tam tu quam tui successores rem predictam prout terminata est,
sine nostra nostrorumque filiorum et heredum molestia vel litis contradictione. Quod
si in aliquo exinde contra suprascripta et contra vos presumpserimus agere, causari,
vel per placitum aut extra fatigare per nos vel per summissam aut summittendam a
p. 500
nobis persona, vel si omni tempore vos inde tacitos quietos seu indenpnes esse non
permiserimus, non solum qui contra suprascripta ex nobis ire temptaverit habeat maledictionem
omnipotentis Dei ac omnium sanctorum et sanctarum eius et cum Dathan et
Habyron sit deputatus et Iude traditori adsimilatus, set insuper conponat vobis duplum
querimonie, et insuper conponat vobis penam viginti librarum optimi argenti. Unde hunv
scriptum fieri rogavimus. Actum prope cerrum de Talzano feliciter.
**** Signa manuum suprascriptorum consulum Guickieri et Litardi et Perini
et suprascripti Stephani et Ranuccii et Par(i)sii et Ratucci et Iacob et Ubaldini et Franceski,
qui hunc scriptum fieri rogaverunt.
****** Signa manuum Ciufi Gerardini et Carsidoni et Merisci et Christiani
et Salvatici et Befolci et Rapocci et Rainaldi et Sentori rogatorum testium.
† Ego Ugo abbas monasterii Campileonis rogatu predictorum consulum et predictorum
bonorum hominum de castro Taltiani, qui predictam controversiam inter illos et predictum
abbatem mihi ad decidendam commiserunt, prout supra determinatum et denotatum
est, confirmo et ss.
(Sn.) Ego Niger iudex ac notarius scripsi et conplevi.
| |