|
+ In nomine domini vicesimo secundo anno principatus domni guaimari gloriosus princeps,
mense ianuario, septima indictione. Memoratorium factum a me gentile filio iohanni
clerici clarefacio me, qualiter iam ante os annos in bicariationis ordine traditum abuimus
una terra casalina cum una cisterna at adelferi germanus meus, ubi modo casa confictam
abet et intus est residentes trasactibo nomine, ad faciendum exinde omnia que ei placuerit
bolumtate, et posteaquam illum ei in bicariationis tradidimus, a nobo fundamine ipse
predictus adelferi germanus meus ipsa cisterna intus in ipsa casa sua cum suo expendium
illam conciabi, et at culmen illam perdussit, et de aqua illam implebit, et omnem
utilitatem ibidem factu abet. Modo bero ego qui supra nominatus gentile coniuntus sum
per bonam combenientia cum supradictus adelferi germanus meus intus cibitate diannese
ante subscripti testes et per ipsam bonam combenientia, que inter nos stetit, accommunabimus
inter nos ipsa predicta cisterna cum supradictus adelferi germanus meus, quod abuit
intus in ipsa iamdicta casa sua in eo ordine, ut communiter illam abeamus et dibidamus
omni tempore ipsa aqua de ipsa cisterna per medium. Iterum et ego supradictus gentile
bona mea bolumtate et per bonam combenientia, que inter nos stetit, per unum baculum
da manu mea pro ipsa iamdicta accommunatione de supradicta cisterna, quod nobis in communiter
remisit ipse predictus adelferi germano meus, proinde tradidimus at supradictus
adelferi germano meus et remisimus ei in communiter mecum abendum una alia cisterna
mea, quod abeo intus in ipsa casa mea que a nobo fundamine illam constructam abuimus
et cum omnem vestrum expendium illam conciemus ipsa iamdicta cisterna, sicuti
meruerit, ut bene intra se aquam recipiat, absque damnietatem de ipsa aquam et clabem
recipiat absque damnietatem de ipsa aquam, et clabem ibidem et masclo ponamus, et communiter
ambe ipse cisterne abeamus omnibus temporibus; et quando nobis necesse est at
auriendum aquam de ipsa cisterna predicti adelferi, potestatem abeamus ibidem pergere
et faciamus ipse predictus adelferi et suis heredibus, quia bolumus aurire aqua de ipsa
cisterna, et ipsis supradicti nullam contrarietatem nobis faciat, neque at nostris heredibus
iterum, et ipse predictus adelferi et suis eredibus taliter, sicut iam dudum dissimus, noscire
similiter faciat, quando at auriendum benerit de ipsa cisterna nostra aqua, et nos
ei nulla contrarietate faciamus, ut nulla damnietatem inter nos abeamus, ut potestatem
abeamus inter nos in iamdicte cisterne introiendum et exiendum nos et nostris eredibus
at auriendum aqua. Unde pro nostra securitate ipse supradictus adelferi una cum iohanne
filio suo guadia michi, cui supranominati gentile, dederunt et mediatorem michi posuerunt
guido filium sicelfrit, ut si omnia, que superius legitur, nobis per ordine adimplere noluerit,
aut si aliquit contrarietatem nobis ibidem fuerit, sic obligaberunt se ipsi supradicti
adelferi et iohanne filio suo, et suis filiis vel heredibus, ad componendum nobis nominati
gentile et at nostris heredibus biginti solidi aurei constantini, et per inbitis nobis adimpleat
omnia que superius legitur. quod in eo ordine ego nardus clericus et notarius hunc
brebem scripsi et interfui.
+ Ego sassus presbiter.
| |