|
+ In nomine domini octabo decimo anno principatus domni nostri guaimari glorioso
principe, filio quondam domni guaimari, mense octuber, quarta indictione. Memoratorium
factu a me musandus diaconus filius idem musandi, eo quod ante presentia domni adelferi
abbatis, qui est unum de dominii ipsius ecclesie, et ibique esset subscripti testes, per iussionem
ipsius domni abbatis ad tenendum et laborandum tradidit iohanni et petri germani
filii quondam iohanni lauretani media una pecia de terra cum arbustis, quod pars
ipsius ecclesie abet in locum nuceria ad barbacianu, propinquo ecclesia sancti polisti, quod
ego qui supra musandus diaconus illut in beneficium retineo a pars ipsius ecclesie qui
est per ec finis et mensurie: a meridie fine bia publica, inde passi quadraginta dui: a
pars occidentis fine similiter via, inde passi quadraginta: a sebtemtrione sicut media sepe
et sabuci discernit, inde passi biginti quadtuor et medium et cubito unum; abinde rebolbente
in pars sebtemtrionis sicut inde sabuci et media sepe discernit, inde passi quadtuor
et medium et cubito unum; abinde rebolbente in pars occidentis passi octo et cubito
unum; abinde rebolbente in pars sebtemtrionis, sicut sabuci discernit, inde passi duodecim;
abinde rebolbente in pars orientis per media sepe passi quadtuordecim; abinde rebolbente
in pars sebtemtrionis per media sepe inde passi quinquaginta sex: iterum et a pars sebtemtrionis
fine bia publica inde passi decem, et a pars orientis sicut media sepe discernit,
et sicut rebolbit ipsa sepe, inde passi centum decem et octo et cubito unum; abinde
rebolbente in pars occidentis, sicut sabuci discernit, inde passi sidecim; et abinde rebolbente
in pars meridie, sicut inde media sepe et sabuci discernit, et coniungente se in ipsa
via priore fines inde passi biginti octo, totum ad iusto passum omini mensuratum; de ec
vero predicta pecia de terra cum arbustis per iamdicta omnis mensuria inclita medietatem
in pars orientis ipsorum nominati germani ad tenendum et lavorandum tradidimus
tali ordine, ut amodo et semper, natos nascente, ad sua et de suis eredibus sint potestate
eos tenendum et dominandum, et fobee et omnis sue utilitatis iusta ratione ibidem faciant
et, ubi meruerit, per circoitum ipsum arbustum cludant, et semper clusum abeant, et ipso
arbustum temporibus suis potarent, propaginarent, et, ubi meruerit, arbores et vites infra
ipso arbustum ibi pastenarent et cultarent, et sic totum ipso arbustum laborarent et cultarent
de super et de subter, sicut locus ipse meruerit, quatenus proficiant et non dispereant;
et cum vindemie tempus fuerit, faciant illis vel suis eredibus me vel pars ipsius ecclesie
scire, ut dirigamus ibidem missum noster, et illis vel suis eredibus totum ipso arbustum
vindemiarent et totum ipso vinum ibique ad palmentum inter nos dividamus:
ipso missum nostrum tollat ipso vinum medietatem, et illis vel suis eredibus tollat reliqua
medietate, et ipsa nostra medietate, de ipso vinum vel suis eredibus, adducere usque
ad cellario, quod ipsa ecclesia abet in eodem loco nucerie a li pariti, et reponant illut in
organeum quod eorum adsingnaberimus, et ipsu organeum per illis siat bonum conciatum
et studiatum; et dum ibidem steterit ipso missum, illis eum notrire secundum illorum possivilitatem,
et si ibidem ecum abuerimus, illis vel suis eredibus darent ei manducare
erba et palea et ordeum, dum ibi steterit, ut sufficiant, et darent nobis palmentatico, sicut
meruerit; et que amodo et semper ibidem seminaberint, deant nobis vel ad pars ipsius ecclesie
terraticum secundum consuetudinem de ipso locum; et quale tempore illis vel suis
eredibus ipsa tradictione tenere et laborare non boluerint, illis vel suis eredibus inclita
ipsa tradictione lavorata et cultata, et, ubi meruerit, clusa remittant ad potestate ipsius
ecclesie. unde pro taliter ipsi germani per convenientia per iussionem ipsius abbati guadia
mihi qui supra musandi diacono dederunt, et mediatorem mihi posuit leo filius ursi
gaudiosi; et per ipsa guadia obligaberunt se et suis eredibus. Quod si taliter omnia suprascripta
mihi, vel ad pars ipsius ecclesie, non adimpleverit et aliquit inde contradixerit,
tunc per comvenientia per ipsa guadia componere obligaverunt se et suis eredibus
mihi, vel ad pars ipsius ecclesie, biginti auri solidi constantini, quod scripsi ego radoaldus
notarius.
+ Ego iaquintus
+ Ego iaquintus notarius me subscripsi.
| |