|
(Cartula) scripta per Iohannem notarium anno prephate
dominice incarnationis millesimo septuagesimo primo et vicesimo
nono anno principatus suprascripti domni Gisulfi,
mense ianuario nona indictione. Qualiter ante ipsum Siconem
iudicem ipse Vivus coniunctus fuerat cum Durante filio
Gaidonis, et ipse Vivus clarificaverat se habere duas pecias de
terris foris hac civitate, unam in loco Transboneia ubi Planellu
dicitur, que erat cum viscilieto et vinea per fines et
mensuras iusto passu hominis mensuratas: a parte orientis
finis qualiter ibat per mediam vallem per quam via ducebat
et ascendebat et recte ibat per mediam aream que dicebatur
da Planello et dimittebat eam et ibat et descendebat
in parte meridiei et coniungebat in medium vallitellum qui
erat inter hanc terram et alias res ipsius Vivi et aliorum, et
per medium ipsum vallitellum descendebat et dimittebat eum
et ibat in parte occidentis secus alias res ipsius Vivi usque
lapidem inmobilem et ab eodem lapide ibat in ipsa parte occidentis
secus ipsas res ipsius Vivi usque septemtrionali angulo
de plesco qui dicitur da lu Corbu, et erat per totum
istud passus centum sexaginta octo; et ab ipso plesco ascendebat
et ibat in parte septemtrionis per medium serronem
et ibat usque serra que dicitur da Mandrella, et ab ipsa serra
ascendebat in ipsa parte septemtrionis usque medium serronem
qui est inter hanc terram et res pertinentes monasterio
Sancte Marie de loco Ercle; et ab ipso serrone descendebat
per mediam serram et coniungebat in priore fine. altera
erat cum insiteto ubi Planellum dicitur per fines et mensuras
suprascripto passu mensuratas: a parte occidentis finis
via et passus quinquaginta duo et medium; a parte meridiei
passus octoginta; a parte orientis finis media
serra et passus alii octoginta; a parte septemtrionis passus
quinquaginta. et sicut ipsi Vivo congruum fuerat, bona
sua voluntate, per convenientiam, per ipsam cartulam tradiderat
ipsi Duranti pro parte ipsius Gualterii integras ambas
suprascriptas pecias de terris per iamdictas fines et mensuras,
cum omnibus que intra eas erant cunctisque earum pertinentiis
et cum vice de viis suis et cum moniminibus ex eis
continentibus. ea ratione ut semper esset in potestate ipsius
Gualterii et heredum eius ad faciendum ex eo quod vellent sicut
ipsa cartula continet, in qua ipse Sico iudex subscriptus
est.
| |