|
+ In nomine domini domno basili dibina gratia imperator augusto, deo propitius, sexagesimo
anno imperii eius, et cum eo regnante domno constantino frater eius, sanctissimis
imperatoribus nostris, mense ianuario, quintadecima indictione. Ego mulier nomine alferada
filia quondam landoni, qui sum commorantes intus cibitate luceria et uxor scilicet
gutti filii iohanni, declaro enim me pertinentem michi abere a landenolfus verus germanus
aliquanti ordines de vinee in excla illa pars flubio salsula, in vicum qui dicitur ad
ipse vinee, que hisdicta vinea michi vindere congruum est, et michi exinde mea congruitate
perficiendam. Set audientes nos ea que inferius lex langnobardorum de mulieribus
continet, ut si qua mulier res suas venundare voluerit, non in absconso set in presentia
iudici, seu duo vel tres parentes suos secum abeat, Ideo feci exinde notitiam predicto gutti
viri mei quam et cotunei filio simeoni et petri filio iohanni clericus verus germanus meus,
ut michi predicte mulieri iusta legem fieret consentientes; at illi michi consentientes fuerunt.
Interea una cum ipsis et cum eodem vir meus, presentia magelfrit iudicis et aliis
nobiliores hominibus qui hic subter conscripti sunt, ibimus, et hanc causam eis per hordinem
intimabimus, atque prefato iudici obsecrabimus, ut michi predicte mulieri iusta eadem
legem preberet licentiam vindendi. Predictus iudex, dum me vidit, diligenter me inquisibit,
ne forte ab ipso viro meo, aut a quabis ominem, aliquam pateret violentiam. Ego
vero vona mea indicabi esse volumptate absque ulla violentia. Predictus iudex, dum absque
ulla violentia nos esse conspexisset et vona mea agnobisset volumptate, ideo michi firman
vindendi tribuit licentiam. Post namque accepta licentiam ab eodem iudice et iusta legem
michi consentientem ipse vir meus, quam et iamdictis parentibus atque consentientibus
meis, qui una nobiscum manum imposuerunt, sic nobis congruum et abtum esse videtur,
vona etenim nostra volumptate per hanc quoque videlicet cartulam vindedimus tibi radelpoti
filio quondam guautii integram et funditus ipsa iamdicta vinea que abet fines. De
prima pars, quod est a fine tuaque comparatori, inde sunt ad iustum mensuratum hominis
mediocris persona, qualiter in ipsa porta uius predicte cibitatis consignatum est,
numero passi quadraginta duo: De secunda namque pars, quod est a medio limite et fine
tuaque comparatori, inde sunt passi viginti: De tertia vero pars, quod est a fine ipsa via
puplica que vadit infra ipse vinee, inde sunt passi quinquaginta uno: De quarta autem pars,
quod est a fine ipsa trasita de ipse vinee et ipso puteo et fine ipsa vinea iohanni filii iohanni,
inde sunt usque in prioras fines passi quattuordecim. Inter iste namque finis et
mensure, que superius cernitur de fine in finem, quantum infra claustrum est de ex eodem
vinea, unde nec nobis, nec ad eredibus nostris, verum etiam neque ad nullum quempia
hominem ibi aliqua portio reserbabimus requirendi; Set qualiter edificiata est ea vinea,
una cum mediis limitibus, et cum viis et anditis suis, et cum legitima ingressa et
regressa sua, et cum integra sorte de ipso puteo, et cum inferius et superiusque suis, et cum
suis omnibus pertinentiis integra, velut prelegitur, ipsa iamdicta vinea venundedimus tibi
cuiusdicto radelpoti emptori nostro possidendum. De quo pro constaviliscendam tibi atque
confirmandam hanc nostram vinditionem manifesti sumus, quod a presentem recepimus a
te predictum emptorem nostrum duo aurei solidi soterici voni per caput; finitum est enim,
ea videlicet ratione, ut amodo et semper eadem nostra vinditionem integra, velut prelegitur,
abere et possidere baleatis et faciatis exinde, quemammodum tibi, vel ad tuis eredibus
placuerit, sine nostra et de nostris eredibus requisitionem. Unde guadia tibi dedimus
et mediatorem tibi posuimus falco filius iaquinti, et obligamus nos et nostros eredes
vobis cuiusdicto emptori nostro vestrisque obligamus eredibus, ut hanc nostram vinditionem
integra, velut prelegitur, nos vobis ab omnibus hominibus ab omnibus partibus antistare
et defendere debeamus; quod si noluerimus, aut si nos ipsis per quabis ingenium
hanc nostra vinditione vobis retornare aut remobere quesierimus, primis omnium questio
nostra inanis et tacita sint, et decem aurei solidi constantini nos et nostros eredes vobis
cuiusdicto emptori nostro vestrisque eredibus componere obligamus, et in antea taciti et
confusi maneamus per invitis per supradictam rationem, et per supradicta guadia et iamdictum
mediatorem, qui se tribuit vobis ad pignerandum omnia pignera sua legitima et inlegitima,
tamdiu, donec per invitis adimpleamus vobis iusta uius textum cartule, et hanc
cartulam nostre vinditionis aput vos omni tempore firmam et stabilem permaneat. Quem
te deusdede diaconum et notarium hanc cartulam nostre vindictionis asscribere rogabimus,
Actum in civitate luceria, Qui et interfui Mense et indictione superscripsi feliciter.+ Ego qui supra agelfrid iudes
+ Ego poto teste
+ Ego adelmanno teste sum.
| |