|
+ In nomine domini sextodecimo anno principatus domni nostri Waimari gloriosi principis
fili quondam domni Waimari principis, mense december, secunda indictione. Memoratorium
factum a me adelferi clericus et abbas hecclesie sancti maximi, qui sum unum
de dominium ipsius hecclesie, eo quod ante subscripti idoneis hominibus, una mecum esset
amatus adbocatorem ipsius ecclesie, per comvenientia tradidimus ioanni filio ammori, qui
dicitur viscidu, per absolutione ipsius genitori suo, et ibi astantem et abalsami filius
quondam teoderici, qui sunt avitatori de locum nucerie, una pecia de terra cum quertietum
pertinentem ipsius hecclesie in ipso locum nucerie, ubi ad cancellata dicitur, qui
est per as finis et mensurie: a parte septemtrionis fine rebus predicte hecclesie, inde sunt
passi viginti duo et gubito unu: ha parte orientis similiter fine ipsius hecclesie, inde sunt
passi centum septuaginta: a parte meridie fine bia que pergit ad stabi, inde sunt passi
viginti duo et medium: ab occidente similiter fine rebus pertinentem ipsius ecclesie, inde
sunt passi centum septuaginta ses, et avinde revolbente in parte orientis per fine ipsius
hecclesie inde sunt passi viginti sex; et iterum rebolbente in parte septemtrionis per fine
iamdicte hecclesie et coniungente in ipsa priore fine inde sunt passi undecim, totum mensuratum
ad iuxto passum homini; hec vero supradicta pecia de terra cum ipso quertietum
per supradicte finis et mensurie inclitum illut ipsorum iohanni et balsami tradidimus
in tali ordine, ut amodo et usque quadtuordecim anni completi ad illorum et de eorum
heredibus sint potestatis illut tenendum, et fovee et omnes illorum utilitatis iuxta rationem
ibidem faciendum, et per omnes annum amodo et usque ipso constitutum abtis temporibus
illut studiare et seminare, sicud meruerit ipsi labori, et per omnes annum
per tempum de aire amodo et usque ipso constitutum faciant illis scire pars predicte ecclesie,
ut ibidem dirigad missum suum, et illis toti ipsi labori tritulare et procurare bonum,
sicut meruerit ipso bictum, et deant inde ad ipso missum terraticum per omnes
annum secundum consuetudinem de ipso locum; et dum ibidem steterit ipso missum, illis
autem illum nutrirent secundum illorum poxibilitatem, et ayrateca ei darent, sicud iustum
fuerit, et ipse quertie que ibidem sunt, salbe ille faciant, et curam et vigilationem inde
abeant, et per tempum, quando fuerit, clandes illis autem eam colligere et salbe ille faciatis;
et per omnes annum per tempum, quando meruerit, amodo et usque ipso constitutum
similiter faciatis scire pars predicte ecclesie, ut ibidem dirigad missum suum, et
omnes clandes quam inde exierit, dividati illut cum ipso missum per medietatem: ipso
missum detis inde inclita medietate, et vobis remanead ipsa alia medietate: similiter et
ipso missum nutrietis, sicud meruerit, et omines ad laborandum et ad colligendum ipse
clande ibidem mictatis usque ipso constitutum; ad completi vero ipsi quadtuordecim anni,
ut amodo se compleant, illis autem et suis eredibus remictant ad potestatem de pars predicte
ecclesie tota et inclita ipsa pecia de terra per supradictas fines et mensuras, et ipso
quertietum salbum, faciendum exinde pars predicte ecclesie omnia quod voluerit: tantum
ipsi omines qui modo abunt ipsa pecia de terra seminata, licentiam abeant illis inde excutere
toti ipsi labori oc annum absque omni contrarietate ipsorum iohanni et balsami et
de illorum eredes. unde in eo ordine per combenientia guadia nobis ipsi iohannes et balsamo
dederunt, tamen ipse iohannes per absolutionem ipsius genitori suo et ibi astante,
et mediatorem nobis posuerunt se ipsis per apposita omnes illorum causam, ad pingnerandum
legitimo et inlegitimo; et per ipsa guadia quod scripsi ego alderissi notarius.
+ Ego iaquintus
+ Ego iaquintus notarius me subscripsi.
| |