|
+ In nomine Domini. Vicesimo sexto anno principatus
domni nostri Gisulfi gloriosi principis, mense iunio
quinta indictione. Ante me Petrum iudicem Vivo vicecomes
filius quondam Petri per convenientiam ad tenendum et
lavorandum tradidit Maraldo filio quondam Petri, habitator
de loco Metiliano ubi Paravisum dicitur, integram terram cum
silba et vacuo quam ei habere pertinet foris hanc Salernitanam
civitatem in latere montis Falerzi ubi proprio Caputaque
dicitur, que est per fines et mensuras iusto passu hominis
mensuratas: a parte meridiei finis ipsius Vivi sicut
media serra discernit, et passus quinquaginta; a parte
occidentis est finis ipsius Vivi et passus ducentos octoginta;
a parte orientis et passus centum triginta quattuor
et revolvit in ipsa parte occidentis iuxta res pertinentes
monasteri Sancte et individue Trinitatis passus quadraginta,
et ab inde ascendit per medium vallitellum set
non per totum in parte septemtrionis iuxta res ipsius monasterii
passus septuaginta sex usque mediam serram; ab
ipsa parte septemtrionis est finis res ipsius monasteri sicut
media ipsa serra discernit et passus octoginta duo. ea ratione
ut amodo et semper natos nascentes ipse Maraldus et
eius heredes integram suprascriptam traditionem cum vice de
via sua teneant et dominent, foveas et omnes suas utilitates
ibidem faciant qualiter voluerint iusta ratione, et ibidem resideant
intro reditum quod nunc ibi factum est et in antea
facturi sunt, et ubi meruerit infra ipsa traditione presenti
anno ipse Maraldus et suos heredes vineam et arbustum de
bono vitineo plantent et propaginent et surgant ita ut, completis
sex annis amodo numeratis, habeant ibidem bona vinea
plantata, propaginata, impalata, ligata et studiata et surta et
hoperata sicut de tantos annos locus ipse meruerit, et bonum
arbustum similiter habeant ibidem surtum et operatum et studiatum
sicut et locus ipse de tantos annos meruerit; et ubi
meruerit infra ipsa traditione poma plantent et surgant sicut
meruerit et a completis ipsis sex annis in antea omni
anno tempore congruo ipse Maraldus et suos heredes tota
ipsa vinea potent, propaginent, inpalent, ligent et zappent et
studient et cultent sicut meruerit similiter et omni anno
apto tempore totum ipsum arbustum scalcient, potent, propaginent
et concient et studient bonum sicut meruerit. et ubi
meruerit infra ipsa traditione arbores et vites de bono vitineo
plantent et propaginent et surgant sicut meruerit, et sic
tota ipsa vinea et integrum ipsum arbustum omni anno tempore
apto de super et de supter laborent et studient ut dictum
est, ut cotidie videatur ibidem bona vinea et bonum
arbustum surtum et operatum et qualiter im melius peragat et
non deterioret. et in reliquo quod de ipsa traditione a foras
ipsa vinea et iamdicto arbusto remanserit ipse Maraldus
et suos heredes ubi meruerit plantent et insitent zenzalas et
robiolas et granaccias ita ut, completis octo annis amodo
numeratis, habeant in eo bonum insitetum plantatum, surtum
et hoperatum de zenzalis et robiolis et granacciis sicut locus
ipse meruerit de tantos annos. et ab ipsis octo annis
completis in antea omni anno suo tempore totum ipsum
insitetum vigilent et custodiant et operent et ubi meruerit infra
eo plantent et insitent, ut semper pareat ibidem bonum
insitetum surtum et operatum et studiatum et qualiter im melius
proficiat et non depereat; et in cetero eo quod foris ipsa
vinea et iamdicto arbusto et predicto insiteto remanserit
de ipsa traditione habeant et faciant semper ibidem bona
silba, de qua omni anno tempore apto amodo et semper
ipse Maraldus et suos heredes potestatem habeant iusta
ratione lignamina et palos pro ipsa vinea quanta voluerint
abscidere et tollere. et omni anno tempore arearum
et vindemiarum amodo et semper ipse Maraldus et suos heredes
faciant scire ipsum Vivum et eius heredes ut illuc pergant
vel missum dirigant et de omni victo quod per annum
ibidem fecerint dent eis ibidem ad area terraticum secundum
consuetudinem ipsius loci, et tota ipsa vinea et ipsum arbustum
a quo vinum exinde facere potuerint coram illos iusta
ratione vindemient et poma que ibi fuerint suo tempore
colligant et tota ipsa vindemia ibidem ad palmentum coram
eos ut decet precurent et integram medietatem de omni vino
quod inde exierit et de ipse pomis eis dent, alteram medietatem
ex eo sibi habeant. et ipsam medietatem quam per annum
ipsi Vivo et eius heredibus de ipso vino evenerit ipse
Maraldus et suos heredes reponant illud in organeo a vino
quod eis adsignaverint, que per illos semper fiant bonum
conciatum et studiatum, et salbum faciant ipso vinum in
ipso horganeo intro reditum quo habitaverint, usque dum illud
inde tulerint absque de generatione et igne; et palmentaticum
omni anno per vindemie eis dent a quo vinum inde
exierit, sicut consuetudo est, et totum ipsum insitetum omni
anno tempore apto colligant et seckent et integram medietatem
de omnes insites et castaneas quas exinde per annum
collexerint bone secce eis dent, alteram medietatem sibi habeant.
et dum per annum illuc steterint, ipse Vivus et eius
heredes et missi eorum pro ipsos terraticum et vinum et pomis
et insites recipiendum ipse Maraldus et suos heredes eos
nutriant secundum illorum fuerit possivilitatem; et tota ipsa
traditione per circoitum unde meruerit claudant et clausam
et salbam illam habeant semper sicut meruerit. et per convenientiam
ipse
A Vivus guadiam ipsi Maraldo
dedit et fideiussorem ei posuit
Iohannem filium quondam
Maraldi, et per ipsam
guadiam obligavit se et suos
heredes semper defendere
ipsi Maraldo et eius heredibus
totam et integram suprascriptam
traditionem cum vice
de via sua ab omnibus hominibus.
tantum quale tempore
a completis ipsis octo
annis in antea ipse Maraldus
et suos heredes suprascriptam
traditionem tenere noluerint,
remittant ipsi Vivo et eius
heredibus integram suprascriptam
traditionem salbam, ita
ut habeant ibidem bona vinea
surta et operata et bonum arbustum
surtum et studiatum
et bonum insitetum factum
et hoperatum et ipsa silba
salba et tota ipsa traditione
per circoitum unde meruerit
clausam cum ipsis reditis
et organeo a vino et palmentum
et labellum si ibi habuerint
totum iusta ratione
salbum et cum vice de
via sua ad faciendum quod
voluerint; et ipsi Maraldo et
eius heredibus licentia sit
exinde abstraere omnes res
suas et ducere eas ubi voluerint.
et si sicut superius
scriptum est ipse Vivus et
suos heredes ipsi Maraldo et
eius heredibus non adimpleverint
et suprascripta vel ex eis
quicquam removere aut contradicere
presumpserint, per
ipsam guadiam obligavit se
et suos heredes componere
ipsi Maraldo et eius heredibus
quinquaginta auri solidos
constantinatos et sicut superius
scriptum est adimplere.
suprascripto disturvato legitur
in uno loco et qualiter im
melius peragat et non de, et
in alio totam et integram
suprascriptam; et quod inter
virgulos scriptum est legitur
in uno loco de bono vitineo,
et in alio et tollere.
A1 Maraldus guadiam ipsi Vivo
dedit et fideiussorem ei posuit
Iaquintum consobrinum
fratrem suum filium quondam
Alfani, et per ipsam guadiam
obligavit se et suos
heredes amodo et semper
dare et adimplere adque persolbere
ipsi Vivo et eius heredibus
omnia sicut suprascriptum
est. tantum quale
tempore a completis ipsis
octo annis in antea ipse
Maraldus et suos heredes suprascriptam
traditionem tenere
noluerint, remittant ipsi
Vivo et eius heredibus integram
suprascriptam traditionem
salbam, ita ut habeant
ibidem bona vinea surta et
operata et bonum arbustum
surtum et studiatum et bonum
insitetum factum et operatum
et ipsa silba salba et
tota ipsa traditione per circoitum
unde meruerit clausa
cum ipsis reditis et organeo
a vino et palmentum et labellum
si ibi habuerint totum
iusta ratione salbum et cum
vice de via sua ad faciendum
quod voluerint; et ipsi
Maraldo et eius heredibus licentia
sit exinde abstraere
omnes res suas et ducere eas
ubi voluerint. et si sicut superius
scriptum est ipse Maraldus
et suos heredes ipsi
Vivo et eius heredibus non
adimpleverint et suprascripta
vel ex eis quicquam removere
aut contradicere presumpserint,
per ipsam guadiam
obligavit se suosque heredes
componere ipsi Vivo et illius
heredibus quinquaginta
auri solidos constantinatos
et sicut superius scriptum est
adimplere.
Et taliter tibi Iohanni notario scribere precepi. S.
+ Ego qui supra Petrus iudex. S.
| |