|
90
MCXII
A. D. 1049
+ In nomine domini Tricesimo anno principatus domni nostri guaimarii gloriosi principis,
et decimo anno ducatus eius amalfis et sirrenti, quam et septimo anno principatus
et ipsorum ducatuum domni gisulfi eius filii eximii principis et ducis, mense februario,
secunda indictione. Ego petrus filius quondam leoni clerici de locum nucerie, clarifico
me abere rebus cum arbusto vitato in locum tabellaria infra fine salerni, qui
est per has finis et mensurias: ab occidente abet passi viginti duo et medium: a meridie
abet passi quadraginta tres: ab oriente abet passi duodecim et medium; et rebolbente
in ipsa parte orientis passi duodecim, et inde rebolbente a parte septemtrionis passi
quinque et medium; et iterum rebolbente in pars occidentis, et coniungente in priore fine,
passi viginti sex, ad iusto passu hominis mensurati; et Congruum est mihi suprascripto
petro venumdare ipsa rebus; et ideo, sicut mihi congruum est mea bona boluntate, per hanc
cartulam quoram presentia amati iudicis, venundedi tivi iohannis castaldi filii quondam
desidei, pro parte paldulfi filii bone recordationis domni guaimarii principis et germani
suprascripti domni guaimarii invictissimi principis et dux, inclita suprascripta res per suprascriptas
fines et mensuras, cum omnibus infra ipsam rem abentibus, omnibusque suis
pertinentiis, et cum vice de via sua, ea ratione, ud semper ipse paldulfus et eius eredes
securiter abeant inclitam ipsam venditionem, et faciant de ea quicquit voluerint, et propter
confirmationem uius venditionis, a presenti suscepi a te predictus iohannes, pro parte
suprascripti paldulfo, statutum pretium auri tarenos bonos triginta in omni deliberatione.
Et per convenientia guadia tivi qui supra iohannes dedi ego predictus petrus, et cum
ipsam guadiam suscepisti pro parte suprascripti paldulfo, et fideiussorem tivi posui pro
eius parte meipsum, et per ipsam guadiam obligavi predictus petrus et meos heredes semper
defensare ipsius paldulfi et ad eius eredes inclita suprascripta venditione ab omnibus
hominibus et partibus; et quando ipse paldulfus et suos eredes per seipsis voluerint esse
defensores de suprascripta venditione, potestatem abeant, qualiter voluerint cum omnibus
muniminibus et rationibus, quas de ea ostendere voluerint. Et si, sicut superius legitur,
ego et meos heredes non adimpleberimus ipsius paldulfi et ad eius eredes, et suprascripta
vel exinde remobere aud contradicere presunpserimus, per ipsam guadiam obligo me predictus
petrus et meos eredes componere ipsi paldulfo et ad eius eredes quinquaginta auri
solidos constantinianos, et, sicut superius legitur, adimplere, et taliter scribere rogavi te
iohannes scriba.
+ Ego qui supra amatus iudex.
| |