|
+ In nomine domini quintodecimo anno principatus domni nostri guaimari glorioso
princeps filius quondam guaimari principis, mense aprelis, prima indictione. In sacro salernitano
palatio cum residere supradictus gloriosus princeps secundum gloriose dignitatis
sue, et ante illius presentia hastare hego grimoaldus comes et iudex cum plures aliis
noviliores homines, in eadem presentia benit infantulum infra etate nomine iohannes filius
quondam visantii, et cum eum benit mulier nomine pinta qui aloara bocatur, filia quondam
leoni amalfitanum, qui est genetris ipsius infantuli et uxore fuit iamdicti visantii. Et
ipse infans ante supradicta gloriosa potestas cepit sua necessitate intimare dicente: domne,
ipse genitor meus mihi devitum ad salbandum dimisit, unde a creditoribus et fideiussoribus
nimium obpreensu et angustiatu sum, et non abeo pretium hunde ipsum devitum retdant.
Propterea venit ante tua presentia notitiam inde faciendum, hut per tua notitiam tantum
de rebus meis dare possam, quantum ipso devitum est quod ego dare debeo, ut mihi maior
damnietas propter onore solidorum non accrescat; ipse vero gloriosus princeps interrogavit
ipsum infantem, quantum esset ipso devitum dare boleret ipse iohannes dixit, qui est
infante, ipso devitum esset solidos centum, et boleret pro ipso devitum dare inclita medietate
de omnis terris et casis sue de intus hanc salernitanam civitatem, et inclita medietatem
de omnis rebus sua stavilem a foras hanc civitatem de locis felline et airole
vel ubicumque de ipsa rebus sua inbentus dederit, sive quod ei pertinet per successione
a supradictum genitorem suum vel per qualecumque ratione, et accipere inde ipsi centum
solidos, quod devitor est dandum. Ipse vero gloriosus princeps propter deum et anime sue
mercedem de sua presentiam direxit missum iaquintus, persona deum timentem, qui hoc
opus sapienter consideraret, ut ad ipsum infantulum aliqua damnietas contra ratione,
aut per neglegentia minime perbeniat. Et dum ipse iaquintus super ipse terris et casis
de intus hanc salernitanam civitatem et super rebus ipsa ha foras hanc civitatem perrexit
et inde rebersus est, ante supradicta gloriosa potestas narravit, ut studiose ipsa medietatem
de ipse terris et casis et de ipsa rebus providissent et estimasset, set non esset
balientem ipsi centum solidos, quod ipse iohannes infantem devitor est dandum: ipsa aloara
in eadem presentia dixit, ut illam pro ipso filio suo pro ipso devitum dare inclita medietatem
de quarta sua, quod ei pertinet per scriptum morgincap, quod eidem aloare emisit
ipse visantius in die nuptiarum sue copulationis. Ipse autem gloriosus princeps talia haudientem,
solutione illorum dedit talia faciendum; et, dum per plures diebus causam ipsam
dibulgaberunt, nemo erat qui illut in tantum pretium emere boleret. Nobissime autem
benit in eadem presentia petrus filius quondam pandoni, qui uxorem abet rodelgrima
germana ipsius iohanni infantuli et filia predicte aloare. Et dixit ipse petrus, pro qua sic
videret angustiatos pro ipso devitum ipsi mater et filius, quamvis non esset balientem ipsi
centum solidos ipsa rebus, si benumdederit ei ipse iohannes infante ipsa medietate de ipse
terris et casis et de ipsa rebus, et ipsa haloara ipsa medietate de ipsa quarta sua, ille
daret eorum ipsi centum solidi, quod ipse iohannes devitor est dandum; ipsa vero mulier
aloara nomine in presentia suprascripti gloriosi principis, et secum abentem tres propinquiores
parentes suos, me supradictus grimoaldus comes et iudex rogavit, ut ipsa medietatem
de iamdicta sua quarta bindere boleret ipsius petri; et ipsi parentes illius in ipsa
binditione manus posuerunt et se ipsa vinditrice fecit, et ipse iohannes filius et mundoalt
suum inde ei consensit, ut ipsa binditione stavilem sit, et ipse petrus dixit, ut ipsa emtione
facere boleret pro se et pro vice ipsius rodelgrime uxori sue. sic itaque acta, nos superius
nominati iohannes et aloara, mater et sicut nobis congruum est, per hanc cartulam
ante supradicta gloriosa potestatem et ante ipsum iudex ego nominatus iohannes benumdedit,
adque ad semper abendum confirmavi tivi supradicto petri tota et inclita ipsa medietatem
de iamdicte terris et casis meis de intus hanc salernitanam civitatem, et inclita
medietatem de ipsa rebus mea ha foras hanc civitatem de ipsis locis felline et airole, vel
ubicumque de rebus mea inbentus dederit, quod mihi undecumque aut quomodocumque
fuit et est pertinentes abere, inclita medietatem exinde cum medietatem de monimen mea
inde continentem: ego supradictus iohannes tivi iamdicto petri benumdedi pro vice tua et
pro vice de ipsa uxore tua, et ego iamdicta aloara benumdedi tivi iamdicti petri pro parte
tua et de ipsa uxore tua tota et inclita medietate ipsa quarta mea de ipsa mea quarta,
qualiter mihi pertinet per ipsum meum scriptum morgincap, quod ipse vir meus mihi
inde emisit in die nostre copulationis, inclita medietatem exinde tivi nominati petri benumdedi
pro vice tua et de ipsa uxore tua, cum omnia intro se abentibus et suis pertinentiis,
et cum vice de bie et andita sua, et cum medietatem de monimen mea inde continentem.
Nos supradicti iohannes et aloara, sicut dictum est, tivi nominati petri benumdedimus,
ad securiter et firmiter amodo et semper vos supradicti petrus et rodelgrima, vir et uxor,
et vestris eredibus cunta supradicta nostra binditione, qualiter superius legitur, vobis
abendum, dominandum , possidendum et omnia exinde faciendum quod bolueritis; unde
pro confirmandam et staviliscendam vobis supradicta nostra binditione, nunc a prentis
recepimus exinde a te supradictus petrus statutum pretium auri solidos de tari boni numerum
centum ana quadtuor auri tari boni per solidos, finitoque pretium ipsum aput nos,
de qua nos supradicti mater et filius guadia tivi supradicto petri dedit et mediatore tivi
posuimus landenolfus comes filius quondam rodelgrimi comiti; et per ipsa guadia obligamus
nos et nostris eredibus amodo et semper defensandum vobis supradicti petri et rodelgrime,
vir et uxor, et vestris eredibus cunta supradicta nostra binditione da omnes
homines omnique partibus: preter, quando per vos ipsis bolueritis inde auctores fieret,
vestre sit potestatis, qualiter bolueritis vos et vestris eredibus, cum quale monimen et
ratione inde abueritis, et per vos ipsis illut vobis defensetis. Nam, quando nos vel nostros
eredes inde auctores quesieritis abere, nos autem et nostris eredibus iamdicta binditione
vobis vestrisque eredibus defensemus, sicut superius legitur. Et si taliter illut vobis non
defensaberimus, aut si nos vel nostris eredibus quomodocumque per qualecumque ratione
quesierimus illut vel exinde vobis tollere aut contrare, vel quolivet causationes inde vobis
preposuerimus, et suprascripta vel exinde contradixerimus, tunc per ipsa guadia componere
obligamus nos et nostris eredibus vobis vestrisque eredibus duocentos auri solidos
constantinos et, sicut dictum est, illut vobis defensemus, et questio et causatio nostra et
de nostris eredibus adversus vos et vestris eredibus semper sit inde tacita et bacua; hec
autem supradicta vinditione medietatem abeatis tu supradictus petrus et tuos eredes, faciendum
quod bolueritis, et alia medietatem exinde abeatis tu iamdicta rodelgrima et
tuos eredes: tantum ipsa medietatem de ipsa quarta quas superius ego supradicta aloara
vobis benumdedi, diebus bite mee reserbavi ad mea potestatem, ad frudiandum nomine,
te de ipso frudium omnia facere quod boluero; nam non in quacumque alia parte illut
vel exinde dandum aut alienandum per nulla ratione, et post meum ovitum tota et inclita
ipsa medietatem de ipsa quarta meaque aloare reserbatur ad potestatem vestramque viri
et uxori et de vestris eredibus, ad abendum illam semper post meum obitum, sicut superius
illam vobis benumdedi, per supradicta guadia et obligata pena, quia omnia suprascripta
feci per bolumtatem supradicti iohanni filius meum, in cuius mundium sum et
una cum illum, sicut superius legitur, de quibus due cartule de uno tinore inde scribere
fecimus; ista quod retinet ipse petrus cum ipsa uxore sua, et alia simile quod retinemus
nos iamdicti mater et filius. Et taliter scribere rogavimus te ademari notarius actu salerno.
+ Ego qui supra grimoalt comes et iudex.
| |