|
+ In nomine domini Dei eterni et salbatoris nostri Iesu Christi.
Anno ab incarnatione eius millesimo septuagesimo octabo,
temporibus domini nostri Robberti gloriosissimi ducis, mense martio
prima indictione. Ante me Siconem iudicem Iohannes clericus
et abbas ecclesie Sancte semperque virginis Dei genitricis Marie pertinentis
sibi et aliorum heredum domni Iohannis principis, que
constructa est intra hanc Salernitanam civitatem inter murum et
muricinum, per convenientiam dum idonei interessent homines, pro
parte suprascripte ecclesie tradidit Alfano clerico et medico filio
quondam Arechisii terram cum casa lignea solarata cum meniano et
scala lignea pertinentem ipsius ecclesie a super et prope ipsam ecclesia,
que est per fines: a parte occidentis finis platea super
quam ipsum menianum et in ea ipsam scalam factum et posita est;
a parte meridiei finis alteram plateam; a parte orientis finis
ipsius ecclesie; a parte septemtrionis finis aliorum; et qualiter
conciata et edificata est et qualiter illam nunc ipse Alfanus retinere
videtur. ea vero ratione ut integra ipsa traditio qualiter suprascriptum
est et cum vice de ipsis plateis amodo et usque viginti duos annos
completos sit in potestate ipsius Alfani et homines quos voluerit
eam tenendi et dominandi, foveas et omnes illorum utilitates iusta
ratione ibi faciant tam ille seu et homines quos eis placuerit. item
et ipse abbas pro iamdicte ecclesie parte tradidit ipsi Alfano in beneficio
integram aliam terram cum casa fabricata solarata cum totum
alium hedificium, qualiter eum insimul cum ipsa terra cum casa
fabricata retinere videtur per brebem ab ipsa ecclesia Nicolaus qui
appellatur de Iuramaria filius quondam Iohannis et Maria genitrix
ipsius Nicolai usque viginti nobem annos completos quos ipsum
brebem continet et ipsum brebem est scriptum per Iohannem notarium
octabodecimo anno principatus domni Gisulfi, mense
iunio duodecima indictione, in quo subscripti sunt Iohannes abbas
et Petrus presbiter et Landolfus notarius et alii, et per ipsum
brebem ipsi Nicolaus et Maria et illorum heredes daturi sunt
pro tributo ipsius traditionis partibus ipsius ecclesie per omnes ipsos
viginti nobem annos octo aureos tarenos bonos ut per caput vadat.
in tali vero ordine ipse abbas istam alia suprascripta traditio ipsi
Alfano tradidit, ut a conpletum constitutum quod ipsum brebem
continet in antea usque conpletos ipsos viginti duos annos sit in
potestate ipsius Alfani vel et homines quos ei placuerit illam tenendi
et dominandi, foveas et omnes illorum utilitates iusta ratione
ibi faciant et habeant tam ille seu et omines quos voluerit; et si
in ipsis traditionibus aliquit necessu fuerit conciandi, ipse Alfanus
illud faciat conciare qualiter voluerit iusta ratione, et quicquit
censu ex eadem prima traditione amodo et de ipsam alteram
posteriorem traditionem ab ipso constitutum conpletum ipsius
brebem in antea et usque conpletos ipsos viginti duos annos
tollere et abere potuerit, ipse Alfanus illud sibi habeat et faciat
quod voluerit. et amodo et usque conpletum ipsum constitutum
ipsius brebi ipse abbas et successores eius et pars ipsius ecclesie
faciant ipsos Nicolaum et Mariam et illorum heredes dare ipsi Alfano
ipsos octo tarenos bonos quos per ipsum brebem per omnem
annum daturi sunt, ad faciendum ex eis ipse Alfanus quod voluerit;
et pro ipse traditionis amodo et usque ipsos viginti duos
annos ipse Alfanus officiet in ipsam ecclesia rationaviliter. tantum,
si intra ipsos viginti duos annos ipse Alfanus permanserit fori
hanc civitatem duos annos, non sit ex oc culpavile et, si ultra
ipsos duos annos foris anc civitatem permanserit, tunc quot
annos super ipsos duos annos steterit per unumquemque annum
ipse Alfanus det ipsi abbati vel successoribus eius aut parti ipsius
ecclesie quattuor tarenos bonos tunc formatos in ac civitate;
conpletis vero ipsis viginti duos annos ipse Alfanus integris
psis traditionibus salbe iusta ratione remittant partibus ipsius ecclesie,
et tunc liceat ipsum Alfanum seu et omines quos ibidem abitantes
fuerit abstraere de ipsis traditionibus omnes rebus illorum
et ducere ubi voluerint. nam, si intra ipsos viginti duos annos contigerit
ut ipse Alfanus de hoc seculo decesserit, tunc heredes ipsius
Alfani seu et homines quos in ipse traditionibus habitantes fuerit
exire inde cum omnibus rebus suis et ire ubi voluerint, et tunc integram
ipsam primam traditionem salba iusta ratione et integram
ipsam aliam traditionem qualiter suprascriptum est, si tunc illam
ipse Alfanus sue potestati retinuerit, similiter salba iusta ratione
perveniant ad potestatem partibus ipsius ecclesie. et per convenientiam
ipse abbas guadiam ipsi Alfano dedit et fideiussorem
ei posuit Iohannem clericum filium quondam Iaquinti
presbiteri et abbati et per ipsam guadiam ipse abbas obligavit
se et successores suos et pars ipsius ecclesie defendere ipsi Alfano
integram ipsam traditionem qualiter suprascriptum est amodo et
usque conpletos ipsos viginti duos annos seu et defendere ei
integram ipsam aliam traditionem a conpleto ipsum constitutum
quod ipsum brebem continet in antea usque conpletos ipsos viginti
duos annos ab omnibus hominibus. et si sicut superius
scriptum est ipse abbas et successores eius et pars ipsius ecclesie
ipsi Alfano non adimpleverint et suprascripta vel ex eis quicquam
removere aut contradicere presumserint, per ipsam guadiam
obligavit se suosque successores et partem suprascripte ecclesie
componere ipsi Alfano triginta auri solidos constantinatos.
Et taliter tibi Iohanni notario scribere precepi. S.
+ Ego qui supra Sico iudex.
+ Ego Romoaldus notarius me subscripsi.
+ Ego Iohannes notarius me subscripsi.
+ Ego Iohannes abbas.
+ Ego Audoaldus presbiter et primicerius.
| |