|
+ In nomine domini Dei salvatoris nostri Iesu Christi.
Imperantibus dominis nostris Romano et Michaele Andronico
necnon et Constantio Porfilogenito magnis imperatoribus, anno
quinto, die tertia mensis iulii indictione undecima, Neapoli.
Dispositum factum a me Vona filia quondam Petri qui vocatur Cofinella
habitator de loco qui vocatur Ponticcellum, relicta quondam
Iohannis qui vocatur Pullarulo, de omni mea hereditate seu
substantias de intus et foris qualiter inferius iudicavero firmu et stavile
permaneat in perpetuum. que dixi dispono primum omnium
ut ad meum transitu dent pro anima mea quidem Stephano et Iohanni
uterinis germanis previgni mei filiis suprascripti Iohannis Pullarulo
posteriori viro meo et illorum heredes, id est auri tari duodecim
voni de Amalfi per manum domini Iohannis presbiteri spiritali
sancti meo qui vocatur de Baiana et per manum Leone qui
vocatur de Cicino et coniungant ipsos duodecim tari cum illis auri
tari sidecim quos ego ligatos abeo et distribuant illos pro anima mea
in oc ordine: im primis suprascripto sancti et distributor meus detineat
sivi exinde tari duo; at Petro filio suprascripti Stephani dentur
exinde tare unum et dentur ad eum ipsi mei distributoribus sex bracia
de illu pannum meum cositum et una tinella mea de modia
dua; at suprascripto Stephano genitori suo dentur exinde tari
duos et sex braccia de pannum et una bellosa mea; at Gregorio filio
suprascripti Iohanni dentur exinde tari unum et sex braccia de ipsu
pannum meu; et at suprascripto Iohanni genitori suo dentur alia
sex braccia de pannum et una tractoria mea; et at Mira conius suprascripti
Petri dentur exinde tare unum et una camisa mea cosita;
et at Maria conius suprascripti Gregorii dentur exinde tare unum
et alia una camisa mea; et at Gemma filia suprascripti Iohanni dentur
exinde tare unum et una ligna mea cosita; et at Lucia filia suprascripti
Iohanni dentur una camisa mea et decem et octo braccia de
pannum; et at suprascripta Gemma et ad predicta Lucia uterinas
germanas dentur illu lectum meum ordinatum, in qua ego quiescunt,
et at Maru genitrice illorum conius suprascripti Iohanni dentur
unu pectine da linu pectinare et una caldariola et una sartagine et
una arcella et alia una ligna mea et una fleva da cingere et una tina
de modia septem et una tinella de modia dua et unu fistillum et una
birgara et una tabula et integra illa portionem mea que est quatra
que mihi pertinet de illa domum posita vero intus anc civitatem
Neapoli intus trasenda et curte commune iusta platea per qua
decurrit aqua de fistola regione Furcillense cum altibus et aspectibus
suis et cum introitum suum omnibusque eis pertinentibus et in
sua suique heredibus sit potestate faciendi que voluerit. at ponantur
me exinde in chartula ecclesie Sancti Georgii catholice maioris et
in chartula ecclesie Sancti Felici et in chartula ecclesie Sancti
Iohannis que appellatur in Curte et dent per unaquoque chartula
ana singulos tari et faciant mihi exinde illa septima; reliquum
vero qui exinde remanserint distribuant illos pro anima mea ubi ipsi
melius previderint. nam si tunc ipse Stephano et predictus Iohannes
uterinis germanis previgni mei vel illorum heredes qualibet dilatione
fecerint suprascripti mei distributores at dandum suprascriptos
duodecim tari pro anima mea qualiter superius legitur, tunc licentiam
et potestatem habeant suprascripti mei distributores vel persona
illa at cui istum meum dispositum in manus paruerit apprehendere
in omnem mea hereditate seu substantias de intus et foris ubi
ad eis placuerit et venumdare cuique voluerit, dum usquequod exinde
suprascriptos tari tollere baleant, et distribuant illos pro anima
mea ut super disposui et cuique illud vendiderint firmum et stavilem
permaneat im perpetuum. reliqua vero homni mea hereditate seu
substantias de intus et foris undecumque aut quomodocumque mihi
pertinet vel pertinentes fuerit per quobis modum post meum transitum
rebertant et sint de suprascripto Stephano et iamdicto Iohanne
uterini germanis faciendi que voluerit. dispono ut si aliquod abuero
de iure suprascripte Neapoli ecclesie post meum transitum sit ibidem
redditum; abeat sancta Neapoli ecclesia pro luminaria
absque iniuria aureum tremisse unum Neapolitanum. Si quis
autem de me vel de meis heredibus quobis tempore contra oc meum
dispositu ut supra prelegitur venire presumserit per se aut per summissis
personis, tunc componat pars infidelis et sui heredes appatrem
fidem serbante eiusque heredes auri solidos triginti bytianteos
et oc meum dispositum ut super legitur sit firma, scripta
per manus Petri scriptoris filius domini Iohannis primarii, qui
scripsit rogatus per indictione suprascripta undecima.
+ Hoc signum manus suprascripta Vona, quod ego qui suprascripto
pro eam subscripsi.
| |