|
+ In nomine domini quintodecimo anno principatus domni nostri gisulfi glorioso principe,
mense februario, decima indictione. Coram me rottelgrimo comite et iudice petrus filius quondam
iaquinti coniunctus est cum petro cognato suo filio quondam amati de loco agella, et ipse
petrus filius iamdicti iaquinti per combenientia, pro parte mirande uxori sue filia suprascripti
amati, tradidit ipsi petro cognato suo inclita medietate in parte meridie de toto uno solario
fabrito de casa fabrita, quod ipse filius iaquinti abet intus hanc salernitanam cibitatem subtus
et propinquo aqua, que dicitur palma, pertinente de ipso filio iamdicti iaquinti, venundedit
tres partes de suprascripta casa, in quo ipsa miranda quarta pars ei pertinebat per suum
scriptum morgincap ei datum a suprascripto viro suo. Cum omnibus intra ipsam traditionem
abentibus omnibusque suis pertinentiis, et cum vice de via sua, et cum vice de scalis fabritis
ipsius case ascendente et descendente cum omnibus illorum congruitatibus, iusta ratione. Ea
ratione, ut integra suprascripta traditio semper sit in potestate ipsius mirande et eredum eius;
et liceat illam et eius heredes de ea facere quod voluerint. Et per combenientia ipse filie
predicti iaquinti guadiam ipsi petro cognato suo pro parte ipsius mirande dedit, et fideiussorem
ei pro illius parte posuit seipsum; et per ipsam guadiam obligavit se et suos heredes semper
defendere ipsi mirande et illius heredibus integram suprascriptam traditionem ab omnibus
hominibus. Et ipse filius iaquinti tribuit licentiam suprascripto filio amati, ut quando ipsa
miranda et suos heredes voluerint, potestatem abeant suprascriptam traditionem per se defendere,
qualiter voluerint, cum omnibus muniminibus et rationibus quas de eo hostenderint, Et si, sicut
superius scriptum est, ipsi petrus filius iaquinti et suos heredes ipsi mirande et illius heredibus
non adimpleverint, et suprascripta vel ex eis quicquam removere aut contradicere presumpserit,
per ipsam guadiam obligavit se ipse filius iaquinti et suos heredes componere ipsi mirande
et illius heredibus triginta auri solidos costantinos, et suprascripta adimplere. Verumtamen hoc
memorare facio, ut ipsa miranda et suos heredes et homines quos voluerint, per ipse scalis
ascendere et descendere cum omnibus illorum congruitatibus, iusta rationem, potestatem abeant,
qualiter voluerint, et de ipsa traditione faciant ipsa miranda et suos heredes quicquit vellent,
et quod superius inter virgulis scriptum est, legitur: in parte meridie. Et taliter tibi iohanni
notario imperavi scribere.
+ Ego qui supra Rottelgrimus Comes et Iudex.
| |