+ In nomine domini dei salvatoris nostri Ihesu Christi Imperante
domino nostro basilio magno Imperatore anno vicesimo hoctabo sed et constantino
frater eius magno Imperatore anno vicesimo quinto: die vicesima
quinta mensis februarii indictione prima neapoli: Certum est me stephanum
filium quidem domini iohannis monachi et quondam domine sillicte honeste
femine iugalibus una cum consensu et voluntate leoni et iohanni uterini
germani mei: A presenti die promtissima voluntate: Venundedi et tradidi
tivi stephano ferrario cui supra nomen latitio filio quondam stephani
ferrarii: Idest integra una corrigia mea de terra que nominatur at pratu
rotundum ad erenario posita in maranum una cum arvoribus et introito
suo et omnibus sivi pertinentibus pertinente mihi per parentorum meorum
et me in sorte tetigit . . . . . . . . et a germanas meas: coherente sibi ab uno
latere terra andreae presbiteri de maranu de alio latere coheret clusuria de
illi spicarelli et abet de longitudine passi octogintaocto pro unoquoque latere:
et de uno capite coheret via et abet ibi de latitudine passi . . . . . . .
usque: ad finem de fossato de ibsa clusuria de illi spicarelli: et ab alio
capite coheret terra de illi codaflammoli et abet ibi de latitudine passi tredecim:
memorati omnes passi mensurati sunt at passum ferreum sancte
neapolitane ecclesie: unde nihil mihi exinde intus memoratas coherentias
et intus memorati passi aliquod remansit aut reservavi: et a presenti die
integra memorata corrigia mea de memorata terra que nominatur ad pratu
rotundo ad arenario posita in memorato loco maranum una cum arboribus
et introito suo et omnibus eis pertinentibus quatenus per memoratas coherentias
et per memorati passi tivi ea insinuavi sicud superius legitur a me
tivi sit venundatum et traditum in tua tuisque: heredibus sint potestate
queque exinde facere volueritis av odierna die semper liberam abeatis potestate:
et neque a me memorato stephano una cum consensu et voluntate
memorati leoni et iohanni uterini germani mei neque a nostris heredibus
nec a nobis personis summissis nullo tempore numquam tu memorato stephano
ferrario cui supra nomen latitio aut tuis heredibus quod absit abeatis
exinde aliquando quacumque requisitionem aut molestiam per nullum modum
inperpetuum: Insuper et ab omni homine omnique persona omni tempore
ego et heredibus meis tivi tuisque: heredibus exinde in omnibus antestare
et defensare debeamus absque: omni tua heredumque tuorum damnietate:
propter quod accepimus a te exinde in presentis in omnem decisionem
seu deliberatione idest auri tari quinquaginta sicut inter nobis convenit:
quod si aliter provenerit de his omnibus memoratis que a me tivi venundatas
et traditas seu promissas leguntur aut quobis tempore contra hanc
chartulam venditionis ut super legitur venire presumserimus aut in aliquid
offensi fuerimus per quobis modum aut summissis personis tunc compono
ego et heredes meis tivi tuisque: heredibus auri solidos vigintisex bithianteos
et hec chartula venditionis ut super legitur sit firma scripta per manus
gregorii curialis et scriniarii scrivere rogatus et testes u subscriverent rogavimus
per memorata prima indictione +
hoc signum + manus memorati iohanni qui in omnibus memoratis
consensum dedit ego qui memoratos ab eum rogatus pro eum subscripsi +
et oc recordati sumus quia memorata terra que modo tenet memorato
andrea presbitero: pertinet de ecclesia sancti castrensi de marano ubi
custus esse videtur:
+ ego stefanus subscripsi et suprascripti tari recepi +
+ ego leo subscripsi +
+ ego mastalus Curialis: rogatus a memoratis germanis testis subscripsi
et memorati tari traditos vidi +
+ ego stefanus filius domini sparani: rogatus a memoratis germanis
testi subscripsi. et memorati tari traditos bidi +
+ ego petrus filius domini basilii rogatus a suprascriptis germanis testi
subscripsi et suprascripti tari traditos bidi +
+ Ego gregorius Curialis et scriniarius Complevi per memorata prima
indictione +
|