17
+ Anno ab incarnatione domini nostri ihesu christi Millesimo centesimo
sexto decima octavo die adstantis Mensis aprilis Nona Indictione.
Ego Adenulfus divina disponente clementia terre maioris abbas una cum
congregatione monachorum nobis verende subdita damus et constituimus
hominibus castelli nostri sancti severini habitatoribus consuetudinem qualiter
servire debeant. Concedimus itaque omnibus eis qui servire debent
tam presentibus habitatoribus quam advenientibus in eodem sancti severini
castello ut nullus eorum amplius det pro data nisi qui habuerit unum par de
bubus det in nativitate domini viginti denarios et viginti denarios det in pasca.
et qui habet unum bovem det in nativitate decem denarios et in pasca decem.
et qui habet iumentum unum similiter. et qui habet iumentum unum et
bovem unum det sicut ille qui habuerit duos boves. et qui habuerit duos
asinos det in nativitate quatuordecim denarios et in pasca similiter. et qui
habet asinum unum det in nativitate denarios septem et in pasca septem.
foditor vero det in nativitate denarios quattuor et totidem in pasca. Ne amplius
det pro data minus quomodo convenerit. et unusquisque eorum det
sex operas ad metendum. et sex ad seminandum qui habuerit unum par de
bubus. et qui habuerit iumentum unum det quattuor operas ad seminandum.
et qui habuerit unum par de bubus det pro terratico duos modios grani et
duos modios ordei. et qui habet unum bovem det unum modium grani et
unum modium ordei. et qui habet iumentum similiter. et qui habuerit duos
asinos et pro terratico quattuor tertiarios de grano et totidem de ordeo. et
qui habuerit unum asinum det duos tertiarios de grano et duos ex ordeo
et pro unaquaque petia de vinea det sex quartaras de vino. et si quis ex
eis interfecerit maialem det spallam unam et qui maialem non habuerit
det gallinam unam. et qui habuerit porcarum et quindecim porcos det porcum
unum de uno anno et qui habuerit pecorarium et quindecim peccora det
unum pecus. hec est enim consuetudo qualiter hec omnia reddere debent.
sed si minus convenire potuerint conveniant. Precipimus etiam ut nullus
hic habitantium exhereditetur preter si quis fecerit homicidium. aut volendo
18
incendium vel adulterium cum femina coniugata aut fecerit traditionem
senioris vel capitale furtum id est si . . . casam
alienam furtive infregerit vel furati bovem aut asinum vel equum aut
iumentum aut aliquam rem valentem sex solidos vel qui feminam per vim
fornicatus fuerit de his omnibus qui probatus fuerit. sit in nostra potestate
faciendum quod nobis placuerit secundum legem et iubemus ut si aliquis appellatus
fuerit de aliqua re non imponatur ei pugna neque ferrum neque
aquam calidam vel frigidam. neque testimonia reddantur in hac terra sed per
evangelium se purificet secundum consuetudinem istius loci. et nullus preter
convictos in supradictis criminibus scilicet furto et ceteris in hac terra capiatur.
nisi si quis non potuerit iustitiam facere vel noluerit aut fideiussorem
habere minime potuerit vel noluerit tunc si res non habuerit quibus possit
costringi a nostris ministris in hac terra capiatur et distringatur donec iustitiam
fecerit vel concordiam. et nullus ordinatus tollat cuilibet nostrorum iumentum
vel equum per fortiam. et iubemus ut pro aliquo foris facto preter
de supranominatis amplius componat quam. solidum. unum. minus quomodo
convenerit. sed tamen si quis adeo fuerit superbus quod iactaverit se non dimittere
pro solido uno quin verberetur aliquem qui hoc fecerit componat sicut
pro homicidio. Quod si aliquis ex hac terra exire volueritde situ ejus suo
vel ordinato solidum I. pro exitura et secure vendat vel donet omnia sua vel
quicquid voluerit sine nostra contradictione aut nostrorum. et nullus de hic
habitantibus per vim in hostem mittatur. et Precipimus ut nemo ex eis pro
grano vel vino suo vel causa sua si foras portaverit plazzam tribuat. et si
quis ordin . . . alicui tulerit imponat pro maiori pretio nisi pro quanto
pignoraverit. et unde lex precipit iurare . . . hominibus iuret sibi
sextus. et ubi precipit iurare cum sex iuret sibi tertius et ubi precipit iurare . . .
solus et nemo nostrorum cogatur a senioribus vel ordinatis de
hac terra exire ad iustitiam faciendam . . . venerit ut homines
hic habitantes vinum ex suis vineis non habuerint unde dare possint . . .
tribuant. et si quis ordinatus aliquid accrediderit donec in ordinatione fuerit
si ipse non persolverit . . . ordinatus fuerit postquam exierit de suo
cogatur solvere vel concordiam querat ut a creditore sit quietus et . . .
debito nostro quod deinceps fecerit reprisalia in hac terra facta fuerit
19
nos eam redimamus pretio vel concordia postquam notum hoc fuerit nobis
per dies octo et ego non capiam aliquem de huius terre habitatoribus
nec faciam capere et si aliquis aliter eum ceperit faciam eum deliberare meum
ad posse sine fraude et sine pignore dando nisi voluerit salvo ordine. meo
et precipimus ut nullus de habitantibus huius terre foris iuretur.
|