+ In nomine domini dei salvatoris iesu christi. Anno ab incarnatione
Domini nungentesimo octoagesimo sexto. quam et quarto anno principatus
domini landenolfi excellentissimi principis mense aprelis quartadecima
indictio. Nec non et quinto anno domini adenolfi egregii Archipresulis.
quo deo favente sancte capuane sedis archipresul consecratus est: Sicut canonica
continet decreta. nulli licitum est ubicumque construere quecumque
oratoria. absque notitia et licentia archiepiscopi: cuius diocesim subiacent
nam omnis ecclesia cunctaque oratoria. in dicione debent esse archipresulis.
in cuius diocesim esse videntur. Quam ob rem nos prephatus adenolfus
archiepiscopus. tam archiepiscopali auctoritate fulti. quam precessorum
nostrorum secuti exemplar qui plurimas ecclesias liberas fecerunt. precatu
auloaldi archidiaconi nostri dilecti. Cum consensu sacerdotum ac levitarum.
ceterorumque ordinum clericorum. per hoc nostrum roboreum preceptum
concessimus ut ecclesia quam tu domina Aloara serenissima principissa. et
predictus dominus landenolfus magnificus princeps tuus filius vocabulo sancti
laurentii levite et martyris intus istam predictam capuanam civitatem a novo
fundamine construxistis. sit absolute libera amodo et deinceps. ab omni condicione
archiepiscopalis dominationis. quem ad modum nullo olim tempore
quilibet nostrorum successorum archipresulum. seu sacerdotum. vel cuiuscumque
gradus clericorum in illa dominandi licentiam habeat. vel censum
aliquem aut reditum exigat de ea. vel cunctis pertinentiis eius. nullique alteri
ecclesie subiaceat sed in sola vestra potestate heredumque vestrorum.
cum integris suis pertinentiis eam subditam esse censemus. eo quod in proprio
territorio vestro eam construxistis. Et si presbiter fuerit defunctus qui
eandem ecclesiam regere videtur quem vos ibidem ordinatum habetis. semper
ibi sacerdos talis ordinetur. qualem volueritis vos et vestri heredes.
Quam quidem nostre absolutionis ac libertatis emunitatem. a nullo ex nostris
removeri successoribus per deum omnipotentem simplum et trinum
eiusque omnes sanctos adiuramus. et presbiterum quem vos aut heredes
vestri ibi ordinaveritis. non habeamus nos aut successores nostri licentiam
excommunicare nisi per certam et appropatam culpam . et ut ab eis hoc libertatis
scriptum incunctanter credatur. sigillo nostro continente intus imaginem
sancti protomartyris stephani. et in gyro nomen eius affixisimus roboratum.
Quam videlicet libertatis absolutionem tibi iohanni subdiacono primicerio et
bibliothecario nostro scribere precepimus. nec non et propriis manibus sacerdotes.
reliquosque clericos nostros se subscribere iussimus. et pro confirmatione
supradictorum omnium secundum consuetudinem preceptorum manu
nostra subscripsimus. Actu Capuae in sacratissimo Archiepiscopatu feliciter.
+ ego qui supra auloaldus archidiaconus ex iussione domini adenolfi
archiepiscopi me subscripsi
+ ego petrus diaconus. ex iussione domini adenolfi archiepiscopi me
subscripsi.
+ ego leo diaconus ex iussione domini adenolfi archiepiscopi me
subscripsi
+ ego toto archipresbiter ex iussione domini adenolfi archiepiscopi
me subscripsi.
+ Ioannes presbiter et primicerius. ex iussione domini adenolfi archiepiscopi
me subscripsi.
+ ego bonipertus presbiter ex iussione domini adenolfi archiepiscopi me
subscripsi.
+ ego audoaldus subdiaconus ex iussione domini adenolfi archiepiscopi
me subscripsi
+ ego ioannes subdiaconus ex iussione domini adenolfi archiepiscopi
me subscribsi
+ ego leo subdiaconus ex iussione domini adenolfi archiepiscopi me
subscripsi
+ BENE VALETE
|