+ In nomine domini dei salvatoris nostri Ihesu christi mense martio
indictione octava in cenovio nostro incliti martiris santi potiti de territorio
speluncano. Ideoque nos frater benedictus umilis abbas de monasterio
suprascripto cum deliberatione etiam boluntate fratrum de monasterio
nostro dodamus et concedimus tibi antonelo franco et heredibus tuis usque
ad terminum de biginti novem annos casalinum unum cum orto suo situm
in casale nostro degiara cum finibus suis bidelicet ab una parte habet
casalinum saverii bidaldi quem tenet ab suprascripto nostro cenovio
ad anubale census et ab alia parte habet casalinum de petro sosio quem
bero ipse tenet et da isso cenovio suprascripto ab alia parte abet fructariam
gianele bidue quod etiam abet ab dicto cenovio in alia bero parte
est via puvlica item concedimus tibi et suprascriptis heredibus tuis frutariam
208
inclitam nostram cum ipsa inclita fonte quod abed interius et cum
onibus fructetis intus abentibus cum istis combentione inter nos pertratata
quod tu debeas sine qualibet controbersia infra totum integrum terminum
de quatuor anos plantare issos ducentos arbores citrangulatos et
de aliis arboribus acrimonis sicut cum magna fidelitate et bona conbentione
inter nos habuimus in suprascripto cenovio nostro Idem bero inclita
frutaria habed comfines ab una parte bia puplica et ab alia vero habed
ortus magistri leonis ferrarii quod habet a suprascripto nostro cenovio
ab alia etiam parte habet ortu de opicino gufarelo quod plus tenet a
suprascripto cenovio in alia bero parte habed fructaria de ioane afriganu
quod abuit isse similiter et ab suprascripto nostro monasterio ad anuo censu
ubi nos etiam concedimus moticum de aquam sicut deflubit de issa
suprascripta inclita fonte monasterii nostri que surgit intus supra fructariam
nostra et tu qui supra Antonelus et heredes tui in omni anno deviatis
redere et deportare in suprascripto cenovio nostro in festo incliti
martiris potiti de mense ianuarii pro issa casalinu cum orto libras decem
de cera noba et pro fructaria de fonte debere deportare cum beiculis suis
medietatem onium fructuum suptus et supra ad suprascriptum cenovium
nostrum Ut autem hec nostra concessio sit firma et stabilis hoc instrumentum
suprascriptis testibus roboratum fieri fecimus scriptum per manus
Agabiti diaconi.
+ Ego benedictus umilis abbas subscripsi.
+ Ego presbiter iacobus morenus testis.
+ Ego tucius malalaicus testis
+ Ego petrus boniferus de giara testis
+ Ego Agabitus diaconus complevi et absolvi.
|