|
355
† Ieronimus Dei gratia aretinus episcopus dilecto in Xristo fratri Johanni sancti
Michahelis priori suisque successoribus in perpetuum. Officii nostri est aecclesiarum
utilitati salubriter providere et religiosorum virorum Deo famulantium quieti operam dare,
ne malorum vexationibus perturbentur, et a populo sibi commisso, qui multotiens huc
illucque periculose vagando diffluit, aliqua [sc]andala patiantur. Proinde, dilecte in Domino
frater Johannes, aecclesię sancti Michahelis prior, piis postulationibus tuis clementer
annuentes, prefate aecclesie sancti Michahelis populum eiusque populi rationabile et
ecclesiasticum beneficium concedimus atque omnimoda auctoritate firmamus. Quem tamen
populum propriis finibus annotare curavimus. [Ipse] videlicet qui nune est habitator
aut erit in suburbio ex ut[ra]que parte strate a domo sive classaria olim filii Tiribaldi
dicta, qua itur ad sanctum Petrum minorem, usque ad domum sive classariam olim
dicta Moronti, qua itur ad predicte aecclesię molendinum, et a domo sive classaria olim
Ardimanni Villani dicta, qua itur ad sanctum Bartholomeum, usque ad domum sive
classariam olim Aretii Captapanis dicta, qua itur ad molendinum supradicte aecclesię
patronorum videlicet filiorum seu nepotum Rainerii Geizi. Oleum quoque sanctum infirmorum
et sepulturam prdictorum parrochianorum eorumque qui se ad predictam
aecclesiam in ultimo testari voluerint, et cuncta quę canonici officii sunt, preter baptismum,
tam in solempnitatibus quam in festivis et cotidianis diebus tibi tuisque [suecesori]bus
predicteque aecclesie nichilominus concedimus. Statuentes ut quascumque
possessiones, quecumque bona modo predicta aecclesia sancti Michahelis possidet aut in
antea largitione principum, donatione pontificum, oblatione fidelium, vel alia quecumque
iusta ex causa canonice acquisierit tam tibi quam tuis posteris successoribus firma illibataque
permaneant, et nulla aecclesiastica secularisve persona aliqua exatione seu vexatione
predictam aecclesiam fatigare presumat. Quecumque igitur nostri episcopatus
persona contra hec supradicta studiose egerit, usque ad dignam satisfationem excommunicationi
subiaceat. Cunctis autem supradicte aecclesie sua iura servantibus sit pax domini
nostri Iesu Christi. AMEN.
† Ego Ieronimus Dei gratia aretinus episcopus ss. hac nimirum conditione, ut
prefata ecclesia S. Michaelis sub regimine et dispositione prioris camaldulensis
semper maneat.
† Ego Ubertus Dei gratia Aretine ęcclesię archidiaconus ss.
† Ego Ugo presbiter domini episcopi camerarius ss.
| |