|
398.
|| Lucius episcopus servus servorum Dei dilectis filiis Caritati abbati monasterii
sancte Flore, eiusque fratribus tam presentibus quam futuris regularem vitam professis
in perpetuum ||. Effectum iusta postulantibus indulgere et vigor equitatis et ordo
exigit rationis, presertim quando petentium voluntatem et pietas adiuvat et iustitiam
veritas non relinquit. Eapropter, dilecti in domino filii, vestris iustis postulatinibus
clementer annuimus, et prefatum monasterium sancte Flore, in quo divino mancipati
estis obsequio, ad exemplar predecessorum nostrorum sancte recordationis INNOCENTII
et ALEXANDRI romanorum pontificum, sub beati Petri et nostra protectione suscipimus,
et presentis scripti privilegio communimus; statuentes ut quascumque possessiones,
quecumque bona idem monasterium in presentiarum iuste et canonice possidet, aut
in futurum concessione pontificum, largitione regum vel principum, oblatione fidelium
seu aliis iustis modis, prestante Domino, poterit adipisci, firma vobis vestrisque successoribus
et illibata permaneant. In quibus hec propriis duximus exprimenda vocabulis:
castrum sancte Flore cum capellis, que in eodem castro site sunt; capellam
videlicet sancti Anastasii, capellam sancti Angeli, capellam sancti Apolenaris et
capellam sancti Zenonis, et quicquid iuris habetis in ecclesia sancte Marie; monasterium
sancti Petri maioris in civitate Aretina, cum hospitio et omnibus pertinentiis suis;
adicientes ut vos, secundum antiquam et rationalem consuetudinem vestram, possitis
illud libere ordinare: capellam sancti Gregorii, et quicquid iuris habetis in capella
sancti Laurentini; monasterium sancti Michaelis de Monte Pincoli, cum capellis et aliis
suis pertinentiis; ecclesiam sancti Petri et sancti Tiburtii in Gargonsa cum pertinentiis
suis; plebem sancti Martini cum curte de Galognano et omnibus pertinentiis suis;
quicquid iuris habetis in plebe sancte Mustiole; quicquid iuris habetis in ecclesia
sancti Vincentii in Cortona; castrum de Quarata cum ecclesia sancti Andree et curte
sua; castrum de Sexto cum curte sua; castrum de Sarna cum ecclesia sancte Flore et
curte sua; quicquid iuris habetis in sancta Mama; castrum de Muglano cum ecclesia
p. 11
sancti Angeli et curte; quicquid iuris habetis in curte sancti Prosperi; quicquid iuris
habetis in ecclesia sancte Marie in Villa alba; castrum de Fontiano cum ecclesia sancti
Petri et pertinentiis suis; castrum de Rughitino cum ecclesiis et curte sua; ecclesiam
sancti Leonis cum pertinentiis suis; ecclesiam sancte Flore minoris cum medietate sue
curtis et curtis de Bulgari, cum omni iure quod habetis in ecclesia sancti Laurentii
et sancti Sebastiani; ecclesiam sancti Petri in Maiano, cum iure quod ibi habetis, et
quicquid habetis in Polliciano, Pilli et in Vico. Obeunte vero te, nunc eiusdem loci
abbate, vel tuorum quolibet successorum, nullus ibi qualibet surreptionis astutia seu
violentia preponatur, nisi quem fratres communi consensu vel fratrum pars consilii
senioris, secundum Dei timorem et beati Benedicti regulam providerint eligendum.
Sepulturam quoque ipsius loci liberam esse decernimus, ut eorum devotioni et extreme
voluntati qui se illic sepeliri deliberaverint, nisi forte excomunicati vel interdicti sint,
nullus obsistat, salva tamen iustitia illarum ecclesiarum a quibus mortuorum corpo[ra]
assumuntur. Decernimus ergo ut nulli omnino hominum fas sit prefatum monasterium
temere perturbare vel eius possessiones auferre, vel ablatas retinere, minuere,
seu quibuslibet vexationibus fatigare, sed omnia integra conserventur eorum pro quorum
gubernatione ac sustentatione concessa sunt usibus omnimodis profutura, salva sedis
apostolice auctoritate et diocesani episcopi canonica iustitia. Siqua igitur in futurum
ecclesiastica secularisve persona hanc nostre constitutionis paginam sciens centra eam
temere venire temptaverit, secundo tertiove commonita, nisi reatum suum digna satisfactione
correxerit, potestatis honorisque sui dignitate careat, reamque se divino
iudicio existere de perpetrata iniquitate cognoscat, et a sacratissimo corpore ac sanguine
Dei et domini redemptoris nostri Iesu Christi aliena fìat, atque in extremo examine
divine ultioni subiaceat. Cunctis autem eidem loco sua iura servantibus sit
pax domini nostri Iesu Christi, quatinus et hic fructum bone actionis percipiant, et
apud districtum iudicem premia eterne pacis inveniant. Amen amen amen.
(R) Ego Lucius catholice ecclesie (episcopus) ss. (M).
† Ego Petrus presbiter cardinalis tit. sancte Susanne ss.
† Ego Vivianus tit. s. Stephani in Celio Monte presbiter cardinalis ss.
† Ego Laborans presbiter cardinalis s. Marie Trans Tiberim tit. Calixti ss.
† Ego Pandus presbiter cardinalis tit. Basilice XII Apostolorum ss.
† Ego Iacinctus diaconus cardinalis sancte Marie in Cosmydyn ss.
† Ego Arditio diaconus cardinalis sancti Teodori ss.
† Ego Gratianus sanctorum Cosme et Damiani diaconus cardinalis ss.
† Ego Bobo diaconus cardinalis sancti Angeli ss.
† Ego Gerardus sancti Adriani diaconus cardinalis ss.
† Ego Octavianus sanctorum Sergii et Bachi diaconus cardinalis ss.
† Ego Soffredus diaconus cardinalis sancte Marie in Via Lata ss.
† Ego Albinus sancte Marie nove diaconus cardinalis ss.
† Ego Teodinus portuensis et sancte Rufine sedis episcopus ss.
† Ego Paulus prenestinus episcopus ss.
Datum Velletri, per manum Hugonis sancte romane ecclesie notarii VIII idus iulii,
indictione prima, incarnationis dominice anno M. C. lxxxii, pontificatus vero domini
Lucii pape III anno II°.
| |