|
328
Dei nomine Anno ab incarnatione domini nostri Iesu Christi millesimo centesimo tricesimo, residente papa Innocentio at regnante rege Lothario, sexto kalendas octubris, indictione viii. Quoniam rerum gestarum memoriarn aboleri facile contingit tum temporis prolixitate et imbecillitate naturę, tum desidia et incuria alicuius neglegentis et incuriosi hominis, idcirco ea, quę acta sunt inter Azonem monachum camaldulensem et Henricum prepositum canonicę sancti Donati, est visum esse utilius litteris denotare, quam solummodo memorię commendare. Et ideo ego Henricus prepositus et gubernator suprascriptę Dei ecclesię et canonicę, cum non mea culpa res maxme et valde utiles suprascriptę canonicę fere omnes pignori sint posit et quodammodo deperditę, nisi a creditoribus luerentur, cum res mobiles nullę superessent nobis, et immobilium nullę, quę minus utiles essent, cum etiam quasdam utiliores nostrę eeclesię et canonicę in commutationem pro infrascriptis rebus recipere debemus, cum consensu et vountate nostrorum fratrum disposuimus quandam curtem nostram nomine Modionam et Corsignano et Sparena tradere et commutare ecclesię sancti Salvatoris sitę in heremo camaldulensi. Quapropter manifestus sum ego Henricus prepositus, qualiter bona et propria voluntate do, trado atque iure commutationis concedo tibi donno Azoni monacho recipienti vice venerabilis Azonis prioris camaldulensis et eccesię sancti Salvatoris sitę in heremo camaldulensi, idest integram curtem nostram nomine Modiona et Corsignano, et Sparena, aut quicquid habemus et detinemus vel alius detinet pro suprascripta canonica, vel si non tenemus, iure tamen tenere debemus, sicut currit rivus Arclanus ab alpibus usque ad Arnum fluvium, et sicut ab introitu Arclani in Arnum. Arnus currit usque ad alpes per omnes alpes usque in Romaniam, sive in plano sive in collibus, sive in montibus inveniatur. Excepta villa, quędicitur Angaruna, et excepto, quod habemus in sancto Marco. Predictam itaque terram nostram, cum omnibus accessionibus suis et cum omnibus, que supra se et infra se habet cum casis, vineis, arboribus, et residentibus, cum pratis, aquis, palludibus, silvis, fontanis, aquarumque usibus, terram denique cultam et incultam, et ius omne, aut quicquid nobis in suprascripts locis pertinere poterat iure vel titulo vel aliquo alio ingenio vel modo tibi suprascripto Azoni monacho recipienti vice domni Azonis prioris camaldulensis et sancti Salvatoris siti in heremo camaldulensi do committo, atque iure commutationis pro utlitate notrę eclesię perpetualiter concedo, et de nostro iure in vestrum ius transfero; et exinde vice suprascriptę Dei ecclesię et fratrum ibidem Deo servientium, te suprascriptum Azonem monachum ad proprium investio, et corporalem investitorem do Ugonem primicerium noster ecclesię. Exinde autem rccepimus in commutationem, quod habemus in curie de Piscinale, et quicquid habemus in plebe sancti Stephani sita Classe, et alias quasdam res, quarum nomina longun est enarrare, quatenus ab hodierna die suprascripta Dei ecclesia sancti Salvatoris et domnus Azo prior cum suis in predicto officio successoribus sine mea michique in prepositura et officio meo succedentibus molestia vel litis causatione. Quod si in aliquo exinde vos presumpserimus molestare, contendere, minuare, aut per placitum vel extra placitum fatigare per nos vel summissam a nobis personam, aut in posterum submittendam, aut si ab omnibus hominibus non defensaverimus, auctorizaverimus, warentaverimus, aut si apparuerit datum factumve a nobis huic nostrę commutationi nociturum; tunc obligo me et meos successores in officio, suprascriptę Dei cclesię sancti Salvatoris, et domno Azoni priori et eiusdem loci et suis successoribus in predicto officio componere eas res in duplum, sicut tunc fierint melioratę sub estimatione pretii, et insuper penę nomine argenti optimi libras centum, et post pena solutam valeat hec carta, et liceat vobis eam in iudicio ostendere, et cum ea loco auctoris vestram causam agere et legitime diffinire. Unde hec carta commutationis fieri rogata est. Actum iuxta civitatem Aretinam in ecclesia sancti Michahelis feliciter.
† Ego Buianus aretinus electus aretine canonice previdens utilitatem confirmo et sub
scribo, et refuto scutellas et omne ius pro me et meis successoribus.
† Ego Rainerius diaconus et canonicus ss.
Ego Ildebrandus archidiaconus atque canonicus ss.
Ego Maianus canonicus et presbiter ss.
Ego Homodei canonicus et diaconus ss.
Ego Henricus aretinorum fratrum minister pro utilitate nostrę ecclesię hanc cartam fieri rogavi et ss.
Ego Gressa ss.
Ego Dominicus presbiter et canonicus ss.
Ego Iohannes canonicus et presbiter ss.
Ego Ierardus presbiter et canonicus ss.
Ego Girardus presbyter canonicus ss.
Ego. Ugo canonicus et primicerius interfui et ss.
† Ego Pepo canonicus et subdiaconus ss.
Ego Iohannes canonicus ss.
*****Signa manuum Pagani fili quondam Aritii et Rigoli Iohannis Fusci et Lodomeri et Bruneti filii quondam Gerardi et Rigoli Paganelli rogatorum testium et Ildebrandini de Falciano et Ardimanni de sancto Paulo.
Ego Gerardinellus subdiaconus et canonicus ss.
Ego Rodolfus presbiter et canonicus ss.
Ego Vivianus iudex et notarius scripsi et complevi.
Insuper comitissę dedimus libras quadraginta; Ugolino, Palmolę unum equum per quattuor libras; Drudulo viginti soldos; Rodulfino de Biblena viginti soldos.
| |