|
+ In nomine domini undecimo anno principatus domni nostri guaimarii filii domni guaimarii,
gloriosis principibus, mense ianuarius, duodecima indictione. Memoratorium factum a
me musandus benerabilis abbas monasterii sancte sufie, qui constructa est intus anc salernitanam
cibitatem, Eo quod ante subscripti testes, unam mecum adexet petrus adbocator
predicti monasterii, per combenientia tradidimus ad tenendum et laborandum grimoaldi filio
domni iohanni due clusurie de terris cum arbustis et castanietum, quod pars predicti
monasterii abet in locum silia ista parte flubio pecentino; prima ex eas pecia de ipsa clusuria
de terra cum arbustum per os fines et mensuras: a parte orientis fine nostri monasterii,
inde passi sexaginta quadtuor et gubita tres: a parte meridie fine nostri monasterii,
inde passi sexsaginta duo: a parte occidentis fine predicti monasterii, inde passi quadraginta
quadtuor, et avinde rebolbente in parte septemtrionis inde passi triginta duo et gubita
tres; ipsa secunda clusuria de terra cum castanietum per os fines et mensuras: a parte
meridie bia predicti monasterii, inde passi centum decem et nobem: a parte occidentis
fine bia predicti monasterii qui pergit ad iufuni, inde passi quadraginta sex: a parte
septemtrionis fine nostri monasterii, inde passi centum decem et nobem: a parte orientis
fine bia nostri monasterii, inde passi septuaginta: omnes suprascripta mensuras ad
iustum passum ominis fuerunt mensuratum. Et amodo et semper, natos nascentem, in suam
et de suis eredibus exet potestatem tenendum, dominandum, fobee et omnes sue utilitatis ibi
faciendum, et in ipsa priore clusuria de terra cum arbusto per totum et inclitum pastenare
arboribus et viti de vono vitineo, et totum surgere vonum, et perfectum arbustum per
annum ivi factum abeant, et bene paread lavoratum et surtum. Et per annum per vindemie
amodo et semper ille vel suos eredes faciant inde scire pars nostri monasterii, ut dirigamus
ibi missum nostrum, et ille vel suos eredes per annum per tempum totum ipsum
arbustum bindemiare, et omnes binum et pomam, quam exinde exierit, per medieta tem ivique
ad palmentum ipso vinum cum ipso missum nostrum dividant: ipso missum nostrum
tollad inde medietate, et ille vel suos eredes tollad inde ipsa halia medietatem, sortionem
de ipso vinum predicti monasterii reponad in organea ad sala de eodem loco iamdicti monasterii
pertinentem. Et ipsa organea per illum et eius eredes conciare et studiare bonam per
annum ad ipsa sala; ipso missum predicti monasterii, dum ibidem steterit pro recipiendum
ipso vinum, illis autem eum notrire secundum sua possibilitatem, et palmentaticum per
annum ad pars nostri monasterii deant; ipsa poma que ibi sunt, per annum per tempum
ille vel eius eredes colligere, et inclita medietatem ad pars predicti monasterii dare: de
predicta clusuria de terra cum casstanietum per ipse finis et mensuras tradidimus inde ei
tertiam partem in parte occidentis, due sorti inde reservavimus in parte predicti monasterii;
ipsam tertiam partem, quod inde ei tradidimus, amodo pastenare et operare perfectum arbustum,
ut omni tempore perfectum arbustum ibi abeant, et per annum bene paread lavoratum.
Et ubi potuerit et meruerit, faciant ivi insitetum perfectum. Et a quo vinum, vel
insites, seum castane per annum amodo et omni tempore inclita medietatem ipse casstanee
et insites secke ibi per tempum ad missum predicti monasterii dare, seu pomis que ipse ibi
pastenare debet. Et ipsa medietatem de ipso vinum similiter per annum cum ipso missum
predicti monasterii ibi ad palmentum dividant: ille tollad vel eius eius eredes de ipso vinum
medietatem, et missum nostri monasterii alia medietatem. Et ille vel suos eredes per
annum per tempum de vindemie portaret ipso binum ad ipsa sala et mittere in ipse bucti,
et omnia inde facere et adimplere ille vel eius eredes in pars predicti monasterii per annum,
sicut et de ipso alio binum que de ipsa priore clusuria legitur. Et de quod ibi seminaberit
per annum, inclita tertiam partem per tempum ibi ad missum nostrum dare. Et
ipso missum, et poma, et palmentaticum omnia ille vel eredes inde per annum adinpleant
in parte predicti monasterii, sicut et de ipsa priore clusuria que supra legitur, et tota
supradicta traditionem, quod superius legitur, ille vel eius eredes circoitum cludere bonum.
Et quale tempore ille vel eius eredes tota supradicta rebus tenere et laborare noluerit, aut
non potuerit, tunc ille vel eius eredes tota suprascripta rebus, quod superius ei tradidit,
surta, perfecta, operata, salba, et circoitum clusa bona remitterent ad potestatem predicti
monasterii, faciendum quod boluerit, et licead illum et eius eredes inde exsire cum omnia
sua causa movilia et pergad, ubi boluerit. Et si ille vel suos eredes fecerit culpam, unde
legibus in palatium cecidere debuerit, aut si de ac terra salernitanam exsierit pro aliubi
ad avitandu, tota supradicta res rebertar in potestatem predicti monasterii, faciendum
quod voluerit. Et si infra tres anni ille vel eius eredes rebersi ad avitandum fuerit, et
rebus ipsa illis laborata inbenerit, licead tollere omo qui ipsa rebus laborabit, totum ipsu
frudium et sic rebus ipsa remittamus ad potestatem ipsius grimoaldi et de eius eredes, ad
abendum et tenendum omni tempore ille vel eius eredes in supradicta ratione. Unde in
eo hordine per bona combenientia guadia ipse grimoaldus dedit michi et predictum adbocatorem,
et mediatorem nobis posuit petrus filius rackisi: et per ipsa guadia obligavit se
et suos eredes; quod si Verumtamen
de tota supradicta tradictione tantum tibi supradicto grimoaldi inde tradidimus, quantum
pertinet in predicto monasterio a parte quondam guaiferi filio guaiferi. Quot scrips
ego petrus notarius.
+ Ego alderisi notarius me subscripsi
+ Ego iohannes notarius me subscripsi.
| |