|
Iohannes Siculus filius quondam Gisulfi de Sellicto ... clarificavit
se per firmam cartulam emptam habere a quodam
Petro qui cognominatus est da lu Portu filio quondam Ursi
Atrianensis terram cum casa fabricata solarata et terram
vacuam intra hanc Salernitanam civitatem super et prope
portam quæ Elini dicta est per fines et mensuras, sicut ipsa
cartula continet, quam ex eo ipse Iohannes firmatam habet
scriptam per Iohannem notarium anno dominicæ incarnationis
millesimo septuagesimo secundo et tricesimo anno
principatus domni Gisulfi principis, mense decembri decima
indictione, in qua subscriptus est Sico comes et iudex.
et eandem emptionem se ipse Iohannes fecisse dixit pretio
dotis Callu primæ uxoris suæ, genitricis ipsorum Siphi et
Philippi.
| |