|
+ In nomine Domini. Vicesimo septimo anno principatus
domni nostri Gisulfi gloriosi principis, mense ianuario
septima indictione. Ante me Iohannem iudicem Adelarius
filius quondam Romoaldi et mulier nomine Gemma,
uxor sua filia Petri filii Iaquinti, coniuncti sunt cum
Theodaro filio Basilii aurifici et ipsi vir et uxor clarificaberunt
se abere rebus foris anc Salernitanam civitate ubi Traverse
dicitur, que est terris cum vineis et silbis et sunt pecias
duas: prima pecia est terra cum vinea in locum Transboneia
ubi Traverse dicitur subtus et prope ecclesia Sancti Petri de
eodem loco quam dixerunt esse per fines et mensuras: a
parte orientis est finis via que vadit per media serra montis
inde passus sedecim; a parte septemtrionis est finis
aliorum et passus triginta; ab inde revolvit in partem septemtrionis
per finem aliorum et recte mensurati iuxta sepe
que ibi est passus viginti et medium, et revolvit in partem
occidentis iuxta rebus ipsius ecclesie et iusta fine aliorum
usque via que ducit ad mare et passus septuaginta
octo; a parte occidentis est finis ipsa via inde passus viginti
quinque; a parte meridiei est finis aliorum et passus
quinquaginta octo, et revolvit in partem meridiei
per finem aliorum passus decem et octo et medium et revolvit
in partem orientis per finem aliorum passus
quinquaginta quinque et coniungit cum ipsa via que vadit
per media ipsa serra priore fine. ipsa alia pecia de terra
cum silba de ipso loco Transboneia ubi Traberse dicitur, que
est in ipso monte, est per fines et mensuras: a parte occidentis
est finis ipsa via que vadit per ipsa serra, inde passus
quadraginta octo; a parte quasi septemtrionis est finis
aliorum et passus triginta duo; a parte quasi orientis
est finis Leoni Cancellario quod ei datum fuit per ipsum
Adelarium, inde passus septuaginta octo et revolvit in
partem quasi meridiei per ipsam finem passus septuaginta
usque via et vadit in partem meridiei per ipsa via passus
quinquaginta; a parte meridiei finis ipsorum viri et
uxoris passus centum quadraginta quattuor usque ipsa via
priore fine. de suprascriptis rebus dixerunt pertinere ipsi
Gemme quartam partem a parte suprascripti viri sui et ipsi
Adelario reliquis tribus partibus et volebant illud communiter
venumdare suprascripto Theodari. et obserbans ea que in
Langobardorum regum edicto scripta sunt de muliere que
res suas consentiente viro suo vendere voluerit, fecerunt notitiam
ad duos parentes ipsius mulieri et in presentiam ipsorum
parentum et mea ipsa Gemma violentiam se pati non reclamabit
nisi voluntate sua suprascripta quarta sua se dixi
venumdare ut hoc quod vendiderit stabile debead permanere,
et ego in ac cartula manum ponam et Romoaldum scriba
cum notitiam ipsorum parentum et mea hanc cartulam
scribit. quo ita factum, sicut ipsi Adelarium et Gemma congruum
fuit, illorum voluntatis, per convenientiam, per anc
cartulam venumdederunt ipsi Theodari integris suprascriptis
ambobus peciis de terris cum v[inei]s [et silbis per suprascriptis
fini]s et mensuris iusto passu ominis mensuratis,
cum omnibus intro se habentibus omnibusque suis pertinentjiis
et cum vice de ipsis viis. ea ra[tio]ne ut semper suprascripta
venditio sit in potestate suprascripti Theodari et eredum
eius et licead illum et heredum eius de ea facere quod
voluerint. et propter confirmationis uius venditionis ipsi vir et
uxor communiter susceperunt a suprascripto Theodarum
aureos solidos centum quadraginta octo, quorum quisque
abebat aureos tarenos ex presenti moneta quattuor in omni
deliveratione. et per convenientiam ipsi vir et uxor, Adelarius
et Gemma, communiter guadiam ipsi Theodarum
dederunt, tamen ipsa Gemma cum voluntate predicti viri
sui cum cuius voluntate omnia que in ac cartula scripta et
scribenda sunt feci et fideiussorem ei posuerunt Petrum filium
quondam Ademarii qui fuit notarius, et per ipsam
guadiam obligaberunt se et illorum eredes semper defendere
ipsi Theodarum et illius eredes integra suprascripta venditione
ab omnibus ominibus et partibus et tribuerunt ei licentiam
ut, quando ipse Theodarus et eius eredes voluerint, suprascriptam
venditione per se defendere potestatem abeant
qualiter voluerint cum omnibus muniminibus et rationibus
quas de ea ostenderint. et si sicut superius scriptum est ipsi
vir et uxor, Adelarius et Gemma, et illorum eredibus suprascripti
Theodari et eius eredibus non adimpleberint et suprascripta
vel ex eis quicquam remobere aut contradicere presumserint,
per ipsam guadiam obligaberunt se ipsi Adelarius
et Gemma et illorum eredibus componere ipsi Theodari
et eius eredibus centum auri solidos constantinatos et suprascripta
adinplere. et ne nocead illud quod superius disturbatum
est legitur Petrum filium quondam Ademarii qui fuit
notarius. Et taliter tibi Romoaldo notario scribere precepi. S.
+ Ego qui super Iohannes iudex.
| |