Christe fave.
salvatoris nostri ihesu christi imperante domino
nostro Costantino magno imperatore anno tricesimo quarto sed et romano
magno imperatore anno vicesimo primo die vicesima sexta mensis augusti
indictione quintadecima neapolis: Horta est itaque intentio inter nos
petrum humilem presbiterum et abbate monasterii beatissimi ianuarii sacerdotis
et christi martiris seu agrippinis confessoris christi situm foris
ad corpus: et te videlicet campulo filio quidem domini iohannis et
stephano filio quidem iohannis: De intentionem quam inter nos abuimus
pro fundum qui fui quidem palumvi et iohannis genitori et filio de loco
qui vocatur amulianum territorio liguriano et de campu qui vocatur de
nalare in eodem fundo coniunta quamque et de alium campu qui vocatur
presteriolu seu et de campu qui vocatur de caucuursu simulque et de
campu qui vocatur giniole et de campum qui vocatur maiene nec non et
de campu qui vocatur cesadonati et campu qui vocatur teboriola seu et
de campu qui vocatur botronianum et alium campum qui est secus ecclesia
distructa bocabulo sancti ianuarii seu et de campu qui vocatur tebora
item et de campu qui vocatur castanietum cum terra qui dicitur cesula in
eodem coniuncta: De qua te quesivimus dicendo pars mea quod in nominatum
fundum et in nominate terre vestre ibi abuit nominato sancto
meo monasterio intus nominate terre vestre: pars autem vestra nominati
campuli et stephano respondebat dicentes absit quia veritas non est
quod in nominatum fundum et in nominate terre tu aut nominatus sanctus
vester monasterium ibi infra coherentie nostre quantum ipse chartule
nostrae continet ibi vos terre non abuistitis ipse monasterium per quadragintam
annos quando lavoratum fuit: et dum multum litigium exinde
abuissemus iudicatum est inter nos ut iuraret persona tua nominati campuli
mihi et dicere quia infra nominate terre vestre et intus ipse coherentie
quantum ipse chartule vestre continet ibi non abuissemus infra nominatos
quadragintam annos quando lavoratum fuit et nos poneremus vobis
exinde anc securitate: quod et factum est et ecce in presenti recepi a persona
tua nominatum sagramentum dicente mihi ut superius asseruistis et definivimus
exinde vobiscum et cum heredes vestros in omnibus et amodo
et semper numquam presummo ego aut posterus vel nominatus sanctus
meus monasterium vobis vestrisque heredibus exinde de nominatum fundum
et de nominate terre aliquando tempore querere que per nullum modum
in perpetuum quia ita nobis iudicatum est: Si autem quobis tempore contra
hanc chartulam securitatis ut super legitur ego aut posteris meis vel nominatus
sanctus meus monasterium venire quesierimus per quobis modum
aut summissis personis tunc componimus vobis vestrisque heredibus auri
libra una bytiantea et hec chartula ut super legitur sit firma scripta quoque
per manum iohannis scriptoris discipulo domini gregorii curiali per
supercripta quintadecima indictione +
+ ego gregorius monachus subscripsi +
+ petrus presbyter et abbas subscripsi +
+ ego leo filius domini boni rogatus a suprascripto petro abbate testi
subscripsi +
+ ego theodorus filius domini stephani militis rogatus a suprascripto
petro abbate testi subscripsi +
+ Ego leo filius domini anastasii rogatus a suprascripto petro abbate
testi subscripsi +
+ Ego gregorius curialis post subscriptionem testium complevi et
absolvi die et indictione nominata quintadecima +
|