|
322
+ In nomine Domini. Anno millesimo octogesimo quinto ab incarnatione
domini nostri Iesu Christi, mense decembrio, nona indictione. Memoratorium
factum a nobis Urso et Madelfrido et Burrello, germanis filiis quoddam
Petri magistri, de hoc quod ante Iohannem gastaldum et iudicem aliosque idoneos
homines coniunximus nos ad legem cum Iohanne, filio cuiusdam Berenardi,
et causavimus cum eo dicendum ut ipse in terra nostra de loco Collina,
ubi Caprolanu dicitur et ubi Campo Nepotaru nominatur, *** fossata fecisset
et de rebus nostris de eodem loco sepes rupisset et arbores incidisset; ob hoc
querebamus ab eo responsum audire et legibus iustitiam ab eo recipere. Quod
ipse audiens respondit dicendum ut ipse haberet res in eodem loco, ideo quesivit
ut nos monstraremus ei ipsas res de quibus eum, ut dictum est, quesivimus,
cui nos respondimus dicendum ut ita faceremus; unde mox per iudicium
supradicti iudicis inter nos sumus guadiati ut ipse et nos pariter debeamus
pergere ad ipsas res unde supra eum quesivimus et nos debeamus illas
ei monstrare et ipse debeat illas videre, et inde reversi Beneventum coram
iudice debeat ipse respondere et stare nobiscum ad legem de illud unde supra
eum quesivimus, unde ille a parte sua de taliter se plicandum et sicut
dictum est ad ipsam rem unde nos eum quesivimus pergendum et illam videndum,
mediatorem nobis posuit Adelferium, filium cuiusdam Iaquinti, et nos
ei mediatores posuimus. Hoc brebe per demandationem supradicti iudicis
scripsi ego Iohannes notarius.
+ Ego qui supra Iohannes gastaldus et iudex.
| |