|
351
In Dei nomine. Anno ab incarnatione Domini millesimo c. xlvi, rege Cunrado, mense madii, indicitone viiii. Manifesta sum ego Berta uxor Preiteasini, qualiter cum licentia et consensu predicti viri mei et cum notitia et interrogatione Viviani iudicis, a quo inquisita et interrogata sum secundum legem, in cuius presentia et testium infrascriptorum professa sum me nullam violentiam pati, set mea spontanea voluntate, cum suprascripto viro meo, et ego iamdictus Preiteasinus cum iamdicta uxore mea, nos isimul tradimus, et iure donationis inter vivos perpetue et inrevocabilis concedimus tibi Ieronimo Dei gratia aretino episcopo, recipienti vice Dei et hospitalis faciendi in loco
dicitur Vinea regis iuxta stratam, idest integras omnes res nostras mobiles et stabiles seseque moventes ubicumque sint per loca et vocabula propria sive in civitate sive
extra civitatem. Excepimus et anteponimus domum nostram cum omni hedificio suo. Alias omnes res predicto Dei ospitali et eius rectoribus pro tempore, cum omnibus accessionibus earum rerum tradimus, et iure donationis inter vivos perpetue et inrevocabilis concedimus, et de nostro iure in ius et directum et usum predicti ospitalis et
pauperum infirmorum et aliorum supervenientium et rectorum eius pro tempore transferimus. Exinde autem recepimus a te Ieronimo Dei gratia aretino episcopo meritum
recepturi ab omnipotenti Deo vitam aeternam, quatenus ab hodierna die suprascriptus
p. 476
Dei locus et rectores pro tempore habeant et possideant sine nostra nostrorumque
filiorum vel herdum molestia vel litis causatione. Quod si in aliquo exinde vos presumpserimus molestare, contendere, minuare, aut per placitum vel extra placitum fatigare, aut si ab omnihus hominibus non defensaverimus, auctorizaverimus, ralentaverimus aut si apparuerit datum factumve a nobis huic nostre traditioni nociturum, tunc promittimus et obligamus nos et nostros heredes suprascripto ospitali et rectoribus eius pro tempore componere eas res in duplum, et insuper pene nomine argenti optimi libras triginta. Unde hec carta fieri rogata est. Actum iuxta civitatem aretinam in ecclesia sancte Ilarie feliciter. **Signa manuum suprascriptorum iugalium, qui hanc cartam fieri rogaverunt.
***Signa manuum Guidi Gotifredi et Viviani fili quondam Gerarducii et Luteri et Gerardini de Villalba et Guaski fili quondam Rolandi rogatorum testium.
† Ego VIVIAINUS iudex et notarius scripsi et complevi.
| |