|
407
C. In nomine sancte et individue Trinitatis. Enricus divina favente clementia romanorum
imperator augustus. Dignitas et excellentia romani imperii, que ab ipso pietatis
fonte manavit, pie semper agere consuevit, et imperatorem vel principem nichil
magis quam clementia decet, cuiuis consilia, cuius opera in omnibus et per omnia
dulcedine gratie semper deberet exuberare. Nos igitur nostrorum antecessorum divorum
augustorum regum et imperatorum honesta exempla sequentes, qui ecclesias Dei
imperio suo constitutas maiori affectu dilexerunt et congruis honoribus ditaverunt,
idem sapere, id ipsum et facere pio zelo intendimus, ipsaque loca divino cultui mancipata,
que et ecclesiastica disciplina commendat et religio sancta illustrat, non minori
gratia fovere amplecti et diligere decrevimus. Eapropter cognoscant universi fideles
imperii per Italiam constituti presentes et futuri, qualiter venerabilis Aretine ecclesie
prepositus Presbiter, unaque cum eo magister Guido canonicus presbiter nostre celsitudini
maiestatis adierunt, humili devotione pro se et pro tota ecclesia Aretina postulantes,
quatinus predicte ecclesie bona a nostris predecessoribus regibus et imperatoribus
collata et ecclesiam Aretinam omnesque canonicos eius cum omnibus bonis et
pertinentiis ipsorum, sub nostra tutela et protectione susciperemus, et nostro privilegio
munire et confirmare dignaremur, et universa bona, a ceteris fidelibus quolibet
iusto titulo acquisita vel data, nostro munimine eis roboraremus. Quorum iustis petitionibus
clementer annuentes, ecclesiam Aretinam omnesque canonicos eius, cum omnibus
bonis ac pertinentiis ipsorum, sub nostra tutela et protectione suscipimus, et ex
nostra imperiali benignitate eis concedimus et roboramus bona ecclesie iuste et legitime
collata, sicut in sequentibus per ordinem continetur. In primis plebem sancte
Marie in Gradibus cum omnibus suis pertinentiis, plebem sancti Quirici in Osenna
cum suis pertinentiis, plebem quoque sancti Viti in Corsignano, plebem sancti Victoris
in Rapolano, plebem sancti Iohannis in Vescona, et omnes plebes seu monasteria et
omnes ecclesias quas habent in comitatu senensi et fiorentino et clusino; plebem sancti
Stephani in Classe, plebem sancti Petri in Creti cum omni sua pertinentia; ecclesiam
sancte Marie in Petrogniano cum his que ad eam spectant, capellam sancti Angeli
in Castilione, plebem de Bacialla, capellam sancti Angeli de Fercione, et ecclesiam
sancti Angeli in Colonaria, et omnes ecclesias quas habent in episcopatu Aretino; campum
etiam de Longoria, campum de Piunta, campum de Graticiata, campum de Monlepupi,
campum de Prato, campum de Vitartale, et omnes terras quas cives Aretini iniuste retinent
sine eorum voluntate; et terram de hospitale sancti Angeli; quicquid habent etiam
in Montagnano et in Lucignano, Oliveto, Bulgari, Casavetere, Monzorno, Quarata et Calbenzano,
in Subiano, Caliano et in Nussa et eorum pertinentiis et curtibus, in Marcena
et curte sua; castellum de Valialla cum vico et pertinentia sua, molendina quoque que
habent in flumine Arni, et cetera molendina que habent vel adhuc iuste habituri sunt;
castrum et turrim de Classe, cum suis pertinentiis; castrum de Toppule, sicut eis ex
concambio cum camaldulensibus et abbate Camporegiani et a filiis Bernardini et nepotibus
eorum per emptionem et ab eisdem in Verazano et in Succiniano et Teclena
et eorum pertinentiis et curtibus iuste et legittime obvenerunt, ut per instrumenta
publica patet; Saxetum cum Maiano et suis pertinentiis; quicquid habent in Bivignano,
Carciano, Pratomaio, Durnula, Montealto, Vicione, Tegoleto, Poleciano, Arbororo, cum
eorum pertinentiis; que habent in Cesa, Vertigie, Foiano, Marciano; quecumque donavit
p. 23
eis Rolandinus Mambilie de Durna in Durna, Toppo, Pilli, Marciano et Puteo et
Nasciano et Vaccaricia et Vado Fierle et eorum pertinentiis, sicut eorum instrumentum
autenticum monstrat; quicquid habent in Anglare, Viaio, sancta Cruce, et quod
iuste acquisituri sunt; in comitatu quoque castellano, Ripuli, Pitiliano, Silice, et curte
de sancto Andrea; castrum de Milisciano cum eorum pertinentiis, et omnes terras
quas habent in comitatu aretino, castellano et clusino, vel in antea acquisituri sunt,
cum omni utilitate, videlicet pascuis, pratis, silvis, venationibus, fluminibus, rivis, aquis,
lamis, aquarum decursibus, piscationibus, ripaticis, teloneis, paludibus, terris cultis et
incultis, et cum ceteris omnibus emolumentis, que de predictis bonis iuste et rationabiliter
poterunt pervenire predictis canonicis et toti Aretine ecclesie, nostro imperiali
privilegio confirmamus, salva per omnia imperiali iustitia. Addicientes quoque ex gratia
concedimus, ut quicumque, spiritu Dei ductus, terras, casas, vicos, castella, prefatis
fratribus conferre voluerit, libera sit ei facultas donandi vel commutandi, salva uniuscuiusque
iustitia. De cetero imperiali edictu statuimus, ut nullus dux, marchio, comes,
vicecomes, nulla persona magna vel parva, nulla civitas, nulla omnino potestas
prefatos fratres eorumque colonos, nec ecclesias, nec capellas aliquo modo audeat molestare
vel disvestire vel inquietare, vel aliquam exactionem vel aliquod fodrum exigere
vel accipere, excepto solo misso nostro quem ad h[oc speciali]ter [des]tinaverimus.
Precipimus etiam ut neque episcopus, neque ipse prepositus vel alia quelibet persona,
aliquam potestatem habeat predicta bona ecclesie Aretine, que nunc habet vel in futurum
iuste acquisierit, vendendi, donandi, vel aliquo modo alienandi. Si quis vero
huius nostri precepti violator extiterit, sciat se compositurum auri purissimi libras
mille; medietatem camere nostre, et medietatem canonice Aretine ecclesie pro tempore
constitutis. Quod ut uberius credatur et ab omnibus semper inviolabiliter observetur,
presentem inde paginam conscribi et impressione sigilli nostri insigniri iussimus. Adhibitlis
idoneis testibus, quorum nomina hec sunt: Bonifacius Novariensis episcopus,
Amadeus Aretinus episcopus, comes Boppo de Werchein, comes Ludoicus de Otingen,
Comes Theodoricus de Hostade, Robertus de Durne, Arnuldus de Hornberc, Hermannus
de Catena, Walterius de Rinderbach, Ottobellus mediolanensis, Lotherius de sancto
Genesio, Gualfredus papiensis iudices sacri palatii et alii quamplures.
Signum domini Henrici sexti romanorum imperatoris invictissimi (M) .
Acta sunt hec anno ab incarnatione Domini M. C. lxxxxi, indictione x, regnante
domino HENRICO VI romanorum imperatore gloriosissimo, anno regni eius XXII, imperii
vero primo.
Datum per manum Henrici imperialis aule prothonotarii apud Senas, VIII idus octobris.
(Sd.)
| |