|
375
Cum ea que inter aliquos aguntur facile aboleri contingat, tum tempois prolixitate,
tum desidia et negligentia interveniente, merito ea que inter dominum Priorem sancti
Petri minoris et missos eiusdem ecclesie et filios Tancredi Rigilende(?) et Rainolfum et
Guirtium et eius filium acta sunt, placuit in scriptis redigere ad perennem memoriam
retinendam, post litem et controversiam motam a prefato Priore contra predictas personas
coram consulibus Aretine civitatis, videlicet Ro(lando) Viviani et Albricolo Ug(uicionis),
Gui(donis) Terni et Tuscano Saxoli et Rolando Loteri de petia una terre
posita in loco qui dicitur Morello. Predicti consules fecerunt iurare duos testes ydoneos
dicere veritatem quantum scirent; qui terminaverunt et per pedes suos designantes terminos
in terra prefate ecclesie et predictarum personarum fixerunt; et iurati dixerunt
se vidisse per xl annos sine molestia usquam ibi uti; terminos fixerunt prefatam terram
pro ecclesia sancti Petri fore detentam. Hoc facto, filii Tancredi et Rainolfus et Guirtius
et filius finierunt, refutaverunt omne ius et usum quemcumque in predicta terra habebant,
aut habere visi sunt, sub pena C solidorum, aquiliana stipulatione et acceptilatione
interveniente, in presentia Bostole et Arengarii et Petri magistri et Adalberti.
MCLXVII, mense februario, domino Federico imperatore semper augusto residente.
Ego Rainerius iudex interfui, et ab utraque parte rogatus, hoc instrumentum refutationis
scripsi et complevi.
| |