|
+ In nomine domini vicesimo sexto anno principatus salerni domni nostri guaimarii
gloriosi principis, et sexto anno principatus eius capue et ducatus amalfis, et quinto anno
ducatus eius sirrenti, et secundo anno suprascriptorum principatuum et ducatuum domni gisulfi
eximii principi et duci filii eius, et secundo anno ducatus illorum apulie et calabrie,
mense martius, quintadecima die intrante duodecima indictione. Declaro ego leo atrianensis
filius quondam ursi, quoniam ante os dies per firma cartula ante presantia Amati
iudici bendiderunt michi urso presbiter et maraldus germani filii quondam iohanni piciniulo
inclita terra et casa illorum de intus anc salernitanam civitatem in bico et a super
ecclesia sancte treufimen, que est per hec tinis et mensuria. A parte orientis fine bia, inde
pedes sedecim. A septemtrionis pedes duodecim et medium. A parte occidentis pedes decem
et septem. A meridie pedes quattuordecim mensuratum iusta pedes manus hominis. Iamdicta
terra et casa per iamdictas fines et mensuras inclitam illam ipsi germani michi bendiderunt
cum omnia intro se abentibus et suis pertinentiis et cum bice de via sua, et qualiter
illos modo conciata et edificata est, ad faciendum inde ego et meos eredes omnia quod
voluerimus, sicut ipsa cartula continet, que scripta est per petrus notarius, et in ea testatum
ipsum amatus iudex. Et congruum est nobis amodo inclita ipsa terra et casa, qualiter
conciata et edificata est, illas tradere ipsorum ursi presbiteri et maraldi. Tali tinore,
ut amodo et usque unum annum et mensibus sex ut amodo se compleant, ad illis et ad
illorum eredibus sint potestatis eos tenere et dominare, et in ipsa casa residere et abitare
cum ominibus eorum, et omnis illorum utilitatis iusta rationem ibidem facere et nullam
rationem inde nobis dare, quia sic inter nos stetit et complacuit. Ad completi autem ipso
unum annum et mensibus sex, ut amodo se compleant, liceat ipsi urso presbiter et maraldus
de ipsa terra et casa exire cum omnis illorum mobile, et ire ubi boluerit, absque
omni mea et de meis eredibus contrarietatem, et inclita ipsa terra et casa per suprascriptas
fines et mensuras salba, et conciata, quale illas eorum modo tradidi, remittere illis
et suis eredibus ad potestate mea et de meis eredibus, faciendum inde omnia quod voluerimus
in omni ordine et ratione sicut ipsa suprascripta cartula continet, que de ipsa
terra et casa da illorum partibus firmatam retineo. Unde in eo ordine per vona conbenientia
guadia michi ipsi urso presbiter et maraldus dederunt, et mediatore michi posuerunt
marinus qui dicitur de viba; et per ipsam guadiam etc. Statuta multa centum
auri solidorum constantinianorum. Quod scripsi ego petrus notarius.
+ Ego truppoaldus notarius me subscripsi
+ Ego petrus me subscripsi.
| |