|
+ In nomine domini dei salvatori ihesu christi anno ab incarnatione eius millesimo
centesimo trigesimo primo, die octaba mensis martii, indictione nona, amalfi. Ego quidem
gemma filia petri cantalena de transmonti a presenti die prumtissima volumtate tradere
et assignare visa sum vobis iohanni tecapanta filio gregorii de bicu et domne gemme iugalie,
Idest unum infantulum filium nostrum nomine iohannem quod michi procreavit petrus
de salerno. In ea videlicet rationem, ut ab odierna die et cunctis diebus bite vestre
servire et obedire vobis debeat, et omnem servitium et imperium quod at illum imperaveritis,
die ac nocte, longe et prope, per mare et per terram, totum vobis eos facere et
complere debeat predictus filius noster cum omni fide et prumptitate, seu sine fraude et
absque omni malignitate, et vos illum nutricare, et vestire, et calzare debeatis iusta ratione
et secundum vestram possivilitatem et facere ad eum debeatis benem, ut habeatis
de illum mercedem et nomen bonum; et si fugam vobis commiserit et in qualibuscumque
locis perrexerit, sibe in civitatibus, vel in castellis, aut in billis, potestatem habeatis vos seu
ipsi missi vestri cum hanc chartulam illum compreendere et destringere, et sub vestro illum
revocare debeatis servitio, seu misericorditer illum disciplinare debeatis secundum
meritum sue culpe. Quod si fugam vobis commiserit et at nos benerit, sibe in tota pertinentia
nostra vel ubicumque nos manserimus, nos vobis illum atducere atque revocare
debeamus per omnes vices sine vestra damnietatem vel amaricationem; pro eo quod dedistis
nobis modo auri solidos sex de tari, at obitum denique vestrum dare at illum debeatis
benedictionem auri solidos quattuor, et caldara, et sartaginem, et licticellum cum
panni da iacere et ipsi panni da vestire, quod sibi abuerit in ipsis diebus, et iam post
vestrum amborum obitum et cum suprascriptam benedictione liber et absolutus permaneat
predictus filius noster sine omni condicionem. Qui autem de nobis ambarum partes contra
hanc chartulam venire presumserit, componat at partem que firmam steterit, auri solidos
libra unam bytiantea, et hec chartula sit firma; si autem et michi marino filio stephani cannabaczuli
de pertinentia de ipso castello depini hec omnia placet, propter quod habeo concubita
predicta gemma, et firmo vobis, ut si ipse predictus infantulus vobis fugam commiserit
et at nos benerit, sibe in tota pertinentia nostra de predicto castello nostro depinu,
nos vobis illum atducere atque revocare debeamus per omnes vices sine vestra damnietatem
vel amaricationem per suprascriptam obligata pena
+ Iohannes filius domni musco de iohanne de parte testis sum
+ Pantaleo filius domni muski de domno constantino testis est
+ pantaleo filius domni iohanni de domno pulcharo testis est
+ Ego constantinus scriba filius domni iohanni curiali scripsi.
| |