Home » Fonti documentarie » Codex diplomaticus Cavensis - 08 » 8.1344 » Pag 205 - 207

8.1344
205
207

205
+ Signum manus Domnae uxoris demortui
Ioannis filii Candidi beatae memoriae.
+ Signum manus Nicolai ipsius cognati.
+ Signum manus Leonis alterius
ipsius cognati. + Signum manus Nicolai
generi Agathae beatissimae memoriae. +
Signum manus Philippi de Scribitzi. Signum
206
manus Leopardi fratris consobrini
Theophanis presbyteri. + Signum manus
Leonis filii presbyteri Ursini beatae memoriae.
In nomine Patris, et Filii, et Spiritus
Sancti. Quoniam et spiritualibus et divinis
legibus obtemperantes, ecclesiasticum ordinem
ab omni molestia et damno immunem
praestare debemus, utpote qui res
nostras adauget, et magnam Dei misericordiam
et gratiam nobis conciliat; oportet,
ut qui sincero corde Deo placere student,
eumque rite colunt, ab omni periculo vindicentur.
Ideo et nos, qui signa venerandae
et vivificae crucis propria manu exaravimus,
toto animo, et puro corde offerimus
terras, quas de paterna haereditate
habemus, venerabili ecclesiae sancti et
gloriosi et magni et martyris Theodori,
et domino Theophylacto presbytero piissimo
praefecto monasterii de Cyr-Zosimo,
pro redemptione ac remissione nostrorum
peccatorum et parentum nostrorum, et ut
in omnibus diebus vitae suae nostri commemorationem
faciat. Sitae autem sunt
supradictae terrae iuxta venerabilem ecclesiam
S. Pancratii in loco, ubi dicitur
Appium, earumque fines sunt huiusmodi:
ut ascendit Serra Petrae Albae, et deflectit
ad rivum magnum, et rursus deflectit ad
saxum magnum, quod est in capite campi
Appii, et vadit ad vallem, iterumque iungitur
cum rivo Liandri et cum terris Liandri,
ut dictum est, quas qui antea habuerunt
eidem venerabili ecclesiae S. Theodori
207
obtulerunt, qui rivus interfluit inter
terras nostras et vestras, et iterum ascendit
et iungitur supra cum Petra Alba, et ut
vadit Serra, et deflectit et descendit ad
torrentem; ad meridiem nos ipsi suprascripti
finitimos habemus nosmetipsos Philippum
de Scribitzi, et Leonem filium presbyteri
Ursini, et Leopardum fratrem presbyteri
Theophanis. Et uno verbo declaramus
a presenti die nos extraneos esse
et exclusos a praedictis terris, easdemque
possidere te praedictum monasterii praefectum
modo et in omne deinceps futurum
tempus et in saecula saeculorum, et potestatem
habere, ut earum proprium dominum,
faciendi quodcumque volueris. Et
si aliquo tempore surrexerimus aut nos
ipsi suprascripti, qui venerandas et vivificas
cruces supra exaravimus, aut filii
nostri, aut aliquis de parte nostra, aut
quicumque alius, antestare debeamus, teque
defendere ab omni contraria persona:
et si hoc facere noluerimus, sed contravenire
proponamus, primum quidem tamquam
praevaricatores venerandae crucis
maledictionem habeamus a sanctis divinis
Patribus, et deinde solvere debeamus pio
Imperatori solidos centum, et nihilominus
ratum et firmum permaneat huius absolutae
et plenissimae oblationis a nobis in
praesentia testium factae instrumentum,
quod quidem scriptum est manu Chrysaphii
presbyteri et tabularii, anno 6571,
indictione I.
208
+ Ioannes presbyter Caphiri filius testis
propria manu subscripsi.
+ Nicolaus Sfuntzaris testis subscripsi.
+ Petrus filius Paschalis.
+ Basilius Tzocalo testis subscripsi.
+ Constantinus de Latronico testis subscripsi.
+ Leo consobrinus Capeteni testis subscripsi.
+ Chrysaphius de Cana testis subscripsi.
+ Nicolaus Odo testis propria manu
subscripsi.
Torna all'inizio