|
+ In nomine domini undecimo anno principatus domni nostri guaimari filio domni guaimari,
gloriosi principibus, mense octuber, duodecima indictione. Memoratorium factum a me
domnus musandus venerandus abbas monasterii sancte sofie, qui situm est intus ec cibes
salerno, Eo quod ante subscripti testes per convenientia, una mecum adesset petrus advocator
ipsius monasterii tradidit, ego rainaldi filio quondam iohanni, et maraldi, et maioni
germani filii quondam stephani de nuceria, de una pecia de terra cum arbustis de locum
lenzara in capite de curte maiore ipsius monasterii propinquo casa illorum, et est illut
unde ego ipsorum tradidit quod pertinet ipsius monasterii a quondam guaiferi filio guaiferi,
qui ipso monasterio construxit per as fines et mensuras: ab oriente fine de ipsa curte
maiore ipsius monasterii, et inde abet latitudo passi triginta sex. Et a pars sebtemtrionis
fine ipsius monasterii, et inde abet passi quadraginta unum et medium. Revolventem per
eadem fine ipsius monasteri in pars meridie, et inde abet per ipsa revolta passi sebtem.
Et iterum revolventem in pars occidentis similiter fine predicti monasterii, et inde sunt
longitudo passi sexaginta quadtuor. Et a pars occidentis fine flubio, unde aqua per tempore
decurrit, et inde abet per latitudo passi tridecim et palmum uno. Et a meridie fine
ipsius monasterii, et inde sunt longitudo passi sexaginta sebtem et gubita tria, et ab inde
revolventem in ipsa pars meridie per eadem fine ipsius monasterii nostri, et inde sunt per
ipsa revolta passi decem et octo minus uno gubito. Et iterum ab inde revolventem in pars
orientis similiter per eadem fine ipsius monasterii, et inde sunt usque ipsa priora fines
passi triginta duo, totum ad iusto passum omini est mensuratum. Ec vero de supradicta
pecia de terra, quod pertinet ipsius monasteri per supradicte finis et mensurie, sicut dictum
est, illut ego ipsorum rainaldi et maraldi et maioni tradidit. In oc ordinem, ut amodo
et semper tota et inclita supradicta tradictio ad illorum et de suis eredibus sint potestatis
tenendum et dominandum, et fobee et omnis sue utilitatis iusta rationem illis ibidem
faciant, et tota supradicta tradictio, que est terra cum arbustis vitatis, per omnis annum
abto tempore de super et de subtus illis lavorarent et operarent et cultarent vonum, et
ubi meruerit, arbores et vites ibidem plantarent, et pastenarent, et propaginarent, et studiarent
et surgant illut, sicut meruerit, vonum esse arbustum in ipso locum, ut per omnis
annum perfectum pareat operatum et cultatum de super et de subtus tota ipsa tradictio,
quatenus annualiter proficiat et non dispereant, et salbum illis nobis faciant, sicut meruerit
et iustum fuerit, et da ipse revolte in subtus usque ipso predicto flubio, quod supradiximus,
illis cludant et clusum illis abeant omni tempore; et per omnis annum per
vindemie per abto tempore faciant illis et illorum eredibus me scire vel successores meos,
ut ibidem dirigamus missum nostrum, et illis et illorum eredibus adiubarent ad conciandum
organea da vinum, quod pars ipsius monasterii nostri abet ad cellario nostro quod
abemus in ipsa curte maiore, et conciarent et studiarent vonum, sicut meruerit, organeum
in ipsum cellarium, sicut meruerit, et illis vel illorum eredibus per omnis annum illis vindemiarent
tota ipsa tradictio, et pomam si abuerit, illam colligant, et de omnis vinum et
pomam exinde annualiter inclita medietate per omnis annum inde deant ad ipsum missum
nostrum, et reliqua medietate inde illis abeant, et ipsa medietate de ipso vinum predicti
nostri monasterii, que ab illis ad ipsum missum nostrum benerit, per omnis annum
cum suo expendium illut portarent ad ipsum cellarium nostri monasterii et midtant illis
in ipso horganeum, quod illis conciaberint, ad faciendum exinde pars predicti nostri monasterii
quod voluerint; et de quod annualiter amodo et semper in predicta traditione seminaberint,
deant inde terraticum ad ipsum missum nostrum ibique in ipsa rebus secundum
consuetudinem de ipso locum; et usque dum annualiter ipso missum per ipsa vindemia
ibidem steterit, illis autem nutrirent, sicut iustum fuerit secundum suam possivilitatem,
et per omnis annum palmentatica ad ipso missum nostrum deant secundum consuetudinem
de ipso locum. unde in eo hordine per convenientia guadia nobis ipsi rainaldi et
maraldi et maioni dederunt, et mediatorem nobis posuerunt iohannes filius quondam venerardi
de locum nucerie; et per ipsa guadia obligaverunt se et suis eredibus. preter quale
tempore ipsa tradictio in predicto ordine illis tenere et lavorare non voluerint et sic inde
in pars predicti nostri monasterii illis adinplere, sicut supradictum est, tunc illis et suis
eredibus tota et inclita supradicta tradictio in iamdicto ordine lavorata et operata et cultata
et da ipse revolte in subto in pars occidentis clusa remidtant ad potestate nostri monasterii,
ad faciendum exinde quod voluerimus, et liceat illis inde exire cum omnis illorum
causa movilia. quod si etc. verumtamen
et oc recordamus, quia supradicta tradictio quod ego illorum tradidit ad tenendum
et lavorandum, ipse rainaldo teneret medietatem, et ipsi germani similiter reliqua medietate
omni tempore per supradicta guadia et obligata penam. et unc brebem scripsi ego
petrus clericus et notarius qui interfui.
+ Ego iohannes notarius me subscripsi
+ Ego ademari notarius me subscripsi.
| |