|
+ In nomine Sanctæ et individuæ Trinitatis. Robertus divina favente
clementia Normannorum, Salernitanorum, Amalfitanorum,
Apuliensium, Calabriensium adque Siculorum dux. Nos ab omnium
conditore dignas mercedes credimus accepturos, si sanctis ac venerabilibus
locis curam et sollicitudinem impenderimus et quod ab eoru
cultoribus postulati fuerimus in eisdem locis prout possumus
adimpleamus. idcirco amore et timore ipsius conditoris ac nostri
redemptoris compulsi, qui pro salute nostra carnem sumere et patibulum
crucis subire non dedignatus est ut nos a morte liberaret et
perpetuam vitam tribueret, et pro salute gentis ac patriæ nostræ et
per interventum domnæ Sikelgaite ducisse, dilecte coniugis nostræ,
concedimus in monasterio Sanctæ et individuæ Trinitatis quod
constructum est foris hac nobis a Deo concessa Salernitana civitate
in loco Metiliano, cui videlicet monasterio domnus Petrus venerabilis
abbas preest, securitatem et absolutionem in perpetuum sicuti
et abuit sub omnes principes nostri antecessores semper omnibus
hominibus eidem monasterio foris ac nostra civitate et deintus
pertinentibus eodem modo et hominibus Sancti Archangeli
et cenobii Sancti Magni et Sanctæ Marie de Gulia et omnibus cellis
eisdem monasteriis pertinentibus ut, remota omni requisitione
puplica vel condicione nostra fiscali, in potestate sint semper
prefati domni abbati et successorum eius et partium ipsius monasterii.
et liceat ei et successorum eius et partium ipsius monasterii
contra omnes etiam et contra nos nostrosque heredes illos legaliter
defendere et rationabiliter semper sub potestate predictis monasteriis
suis abere. et non liceat cuiquam de eius hominibus sine
voluntate predicti domni abbati et successorum eius de locis monasteriorum
vel pertinente eius in locum alium vel sub nostra potestate
transire vel transmutare; quod si aliquis presumserit, liceat
ipsi domno abbati et successorum eius et partium ipsius
monasterii per hanc concessionis nostre et confirmationis cartulam
ubique eos requirere et ad res monasteriorum revocare. et
non a Deo concessis nobis filiis nostris vel a vicecomitibus et
auctoribus nostre reipuplice quolibet tempore de ac nostra concessione
ulla contrarietas predictis monasteriis inferatur, quod si
aliquis presumserit obtestando contra eos in malum nomen
domni Dei omnipotentis et beate Marie semper virginis et apostolorum
Petri et Pauli, sicut ipse contrarius huic nostre concessioni
fuerit, sic sibi in hoc sæculo et sue anime in futuro sint
has beatorum personas quas prenotavimus, quin etiam et in hoc
sæculo pro karitate Dei et anime nostre obligamus nos et nostros
heredes decem libras auri pro tanta presumtione in recompensatione
peccati predicto monasterio volumus pro anima nostra persolvere.
qui vero infestator extra nos nostrosque aut diminutor
huius nostre concessionis fuerit et auri pena subiaceat et concessio
nostra in perpetuum firma permaneat; de presumptoris
damno due partes sint monasterio predicto, tertiam kamere
nostre. Testamentum itaque huius donationis scribere precipimus
tibi Ursoni nostro protonotario. Pro confirmatione et corroboratione
perpeti ac stabilitate iugi iussimus illut bullari nostri tiparii.
Anno dominiceæ incarnationis millesimo octogesimo, mense augusto
indictione tertia.
LS
| |