|
426.
(Sn.) In Dei nomine. Anno dominice incarnationis M . C . lxxxxvii, Henrico imperante,
mense ianuario, indictione XVª. Manifesti sumus nos Frangelasta, Griffolinus et
Teuço filii olim Ranucii de Durna, atque Rolandinus filius quondam Vinceinimici, qualiter
per hanc cartam restitutionis et refutationis restituimus et refutamus tibi Prespite(ro)
proposito canonice sancti Donati, recipienti vice ipsius canonico, scilicet quicquid Rolandinus
olim Mambilie habuit vel tenuit et nos habemus a rivo Querceti versus Durnam,
in Durna et eius curte ac pertinentiis suis, et in Malfiano, exceptis duobus hominibus de
Malfìano qui remanent ad preceptum episcopi A(madei). Item restituimus et refutamus
tibi iuspatronatus ecclesiarum de Durna et Malfiano et ecclesiarum sancti Quirici Campiliani
et plebis de Toppo. Item restituimus et refutamus tibi quicquid olim dictus
Rolandinus habuit et tenuit in Toppo, Vaccareccia et Padule, cum ratione et usu quem
habuit in flumine Clani et valle de Fierla, et si aliquod allodium; immo illud allodium
quod habuit ultra rivum Querceti: feodo vero solummodo, si ibi est, nobis retento; et
excepto feodo abbatie de Pino preter patronatum ecclesiarum. Item itemque restituimus
et refutamus tibi, ut dictum est recipienti nomine canonice, scilicet duas portiones
totius quod Rolandinus iamdictus habuit in Pilli et eius curte, excepto feodo
Marchionum, quod probatum fuit esse tertia portio; et excepto feodo sancte Flore. [It]em
restituimus et refutamus tibi duas portiones totius quod habuit in Marciano et eius
curte dictus Rolandinus, excepto feodo episcopi; et quicquid habuit et tenuit in Puteo,
Nasciano et Colleguineldi, excepto feodo episcopi. Que omnia supradicta a nobis tibi
restituta et refutata canonici dicte canonice non alienabunt, idest non alienare debebunt,
vel libellabunt vel in feodum dabunt alicui, sine parabola nostra, nisi nobis et
heredibus nostris. Et nos similiter tantummodo de portione nostra quam habemus in
dictis locis non alienabimus vel non libellabimus, neque in feodum dabimus alicui
alii nisi inter nos. Et illud quod fuit Rolandini Mambilie, quod Soffredus et eius
uxor Mambilia habent, nec vos nec nos debeamus acquistare sine parabola vestra nos,
et vos acquistare non debeatis illud sine parabola nostra; quatinus ab hodierna die
p. 48
habeas tam tu prepositus et possideas, nomine dicte canonice, quam tui successores,
predicta a nobis tibi restituta et refutata, sine nostra nostrorumque heredum molestia
vel litis repetitione, acepto a te merito secundum legem et prout convenit. Quod si in
aliquo ex predictis presumpserimus agere, causari, vel per placitum aut extra fatigare
per nos vel per summissam a nobis personam, aut si omni tempore vos tacitos et
quietos aut indempnes inde esse non permiserimus, aut si apparuerit datum factumve
a nobis huic rei nociturum per aliquod ingenium quod homo in se cogitare potest,
tunc obligamus nos et nostros heredes ac promittimus tibi et tuis successoribus componere
penam C marcarum argenti; et pena soluta, remaneant firma suprascripta.
Unde hanc cartam fieri rogavimus. Actum in comitatu aretino et iuxta abbatiam de
Pino feliciter.
Preterea dicti viri et prepositus convenerunt inter se et stantiaverunt, quod custodiam
turris Durne facerent communiter, et facerent custodire secundum portionem
contingentem unicuique eorum, scilicet parti; set cum uni soli parti ipsa turris fuerit
necessaria, ea pars tunc custodire illam debeat communibus expensis. Item si aliqua
pars illorum voluerit edificare turrim in dictis castris, debebit alteram partem inquirere;
et si illa voluerit, cum ea debebit cummuniter facere. Quod si illa, idest altera pars,
noluerit, ipsa que voluerit possit postea in suo turrim edificare.
* Signum manunm Nerbotti de Sterpolo, Rainerii Rainerii, Vitalis, Bimbi, Offreducii,
* ducii, Siçonis, Deustesalvi, Pançii, Bonaionte, Rainaldi, Roccii et Bartholi rogatorum
* testium.
* Item, in presentia et testimonio dictorum testium, P(resbiter) prepositus, cum
* auctoritate A(madei) episcopi aretini et cum canonicis Christoforo primicerio, Genoese
* camerario, Gregorio, magistro Guidone de Ficareto, Gerardus plebano de Ficareto
* et Rainerio, concesserunt et dederunt in feodum dictis filiis Ranucii et Vinceinimici,
* recipientibus etiam nomine fratrum suorum, ac illorum heredibus, quicquid
* prefata canonica habebat in Fontiano, scilicet homines cum tenimentis suis,
* et in Pilli ac eorum curtibus, quod pertinebat ad villicationem de Fontiano, exceptis
* personis filiorum olim Servodei de Viaplana; cum rebus quas habebant in
Polciano et eius curte; et omni anno vel annualiter debebunt, scilicet prepositus et
canonici, dare illis viris et eorum heredibus de camera xx soldos. Et insuper dimiserunt
illud totum feodum a rivo Querceti versus Civitellam, et feodum de Marciano
et illius curte, et de Puteo et Colleguineldi et Nasciano, et sine fraude debebunt
ìllos idem adiuvare. Pro dicto vero feodo unus maior filii Ranucii et unus major
filii Vinceinimici debent iurare fidelitatem canonice; et si aliquis illorum obierit
alius maior el alii omnes iurabnnt canonice non lollere nec contendere illud podere
ipsi, quod fuit olim Rolandini Mambilie, restitutum, ut dictum est. Et si aliquis abstulerit
canonicam adiuvabunt ad readquirendum et postea retinendum, excepto
contra imperatorem et suos nuntios et episcopum, et ab illis precibus, sine fraude
et malitia; et canonici in dictis locis similiter illos viros adiuvabunt et adiuvare
debebunt de podere ipsorum virorum.
(Sn.) Ego Rolandus iudex, huic etiam offitio ab imperatore delegatus, scripsi
atque complevi.
| |