204
+ Ego ROGERIUS calabriae comes et siciliae anno ab incarnatione
domini. M.° nonagesimo quarto. indictione prima: ad sanctam dedicationem
sancti templi ad honorem dei. et sanctae Mariae virginis et sancti iohannis
baptiste consecrati: veniam aliquorum meorum peccatorum promerendus:
perrexi; Qua quidem deo dicata. et a panormitano archiepiscopo. et a melitensi.
et tropiensi. neucastrensi atque cathanensi episcopo reverentissime consecrata:
ego Rogerius calabriae comes et siciliae. pro dei amore. et animae
meae remedio. et pro salute animae Roberti guiscardi fratris mei et gloriosissimi
ducis apuliae et calabriae. et pro remedio animarum fratrum meorum.
atque omnium parentum meorum. et uxorum mearum; predictae consecratae
aecclesiae. et fratribus ibidem deo servientibus Domno videlicet Brunoni et
domno lanuino et ceteris horum confratribus et horum omnium successoribus:
dedi aecclesiam sanctae mariae de arsafia cum omnibus suis pertinentiis
ubicumque sint. ut aecclesia de heremo et predicti fratres in perpetuum
illam quiete habeant. sine omni calumnia. sicut libere ac quiete
ego illam tenui. omni remoto tremari et plathario. et horum omnibus
remotis infestationibus. Insuper dedi predictae aecclesiae et fratribus duos pecorarios.
unum qui moratur ad stilum cuius nomen arcudius. et frater:
abbatis sancti georgii. Alterum qui manet in uno casale de geratio. qui vocatur
costaniblat. Et ad stilum. X. villanos quorum haec sunt nomina. Basilius
machedo cum fratre suo lentith. Basilius de comitu. Guithos. Georgius
ardavastus. Theodorus frater eius. Elias Poliactos. Gregorios monachel. Nicolaus
bugotias. Haec autem donaria: aecclesiae predictae de bosco et fratribus
ibi deo servientibus. dedi adelaide coniuge mea consiliante et laudante
et concedente. Iofrido filio meo. Predictis. V. episcopis. Iosberto de
luciaco. Pagano de gorgis. Rogerio bonnello. Malgerio filio meo. fulcone
cappellano meo qui haec scripsit. hoc autem datum: testimonio supterscriptorum
testium. Si vero persona aliqua. filius meus aut aliquis heres hoc
meum quassare temptaverit donum et privilegium: mihi vel posteris meis
centum libras auri persolvat: et nisi ad condignam venerit satisfactionem
205
fratrum ibi deo servientum: perpetuae subiaceat dampnationi. Postquam vero
factum: hoc privilegium: ego idem comes. R. poliactos quia monachus erat:
de servicio predictorum fratrum removi donans illis pro eo galat cum filiis
et suis hereditatibus in perpetuum.
|