|
+ In nomine Domini. Vicesimo sexto anno principatus
domni nostri Gisulfi gloriosi principis, mense septembri
sexta indictione. Ante me Petrum iudicem Sergius filius quondam
Mansonis [Atrianensis et Leo filius] quondam Ursi
Atrianensis qui dictus est Longu et Manso qui dicitur de
Marenda filius quondam Mansonis Atrianensis coniuncti
sunt cum Amato presbitero filio quondam Constantini, et
ipsi Sergius et Leo et Manso pro parte eorum et pro
parte germanorum suorum et pro parte heredum quondam
Desidei et Ursi Atrianensis, per convenientiam, dum ydonei
interessent homines, tradiderunt ipsi Amato presbitero integram
ecclesiam pertinentem illorum et ipsorum germanorum
suorum et heredum ipsorum Desidei et Ursi, que construncta
est foris hanc Salernitanam civitatem in loco Beteri ubi a
lu Staffilu dicitur in onore beati Babtiste Iohannis, cum tota
et integra res staviles ipsi ecclesie pertinente, que est in eodem
loco Beteri, intra quam etiam ipsa ecclesia construncta
est, et cum tota res staviles quam ipsi ecclesie habere pertinet
foris hanc predictam civitatem in loco Metiliano, que
est terra cum arbusto et insiteto. et eam esse dixerunt per
fines et mensuras iusto passu hominis mensuratas: a parte
meridiei est finis via et passus quadraginta octo; a
parte occidentis est finis medium vallitellum et passus
quadraginta et coniungit in alio vallone unde aqua decurrit,
et revolvit in partem occidentis per medium ipsum
vallonem passus decem et octo, et revolvit in partem
septemtrionis passus quadraginta quattuor et medium
usque viam, et per ipsam viam revolvit in partem quasi
orientis passus nonaginta octo, et revolvit in partem
quasi occidentis per ipsam viam passus triginta, et dimittit
ipsa via et recte vadit in partem quasi meridiei usque ipsam
viam priorem finem, et cum rebus movilibus ipsi ecclesie
pertinentibus quibus nominative sunt hec: liber comitem
unum circoitum annium, antiphonarium de nocte betustum,
psalteria dua betusta, quaternos tredecim de legere de nocte,
manualem, quaternos alios quattuor de legere de sancti, rotulum
de benedictione cerei, curtinas duas, pannillos sericos
septem de altare, unum ex eis est inbistutu, planetas lineas
duas, una porfina et altera alba, admictora dua, orarii tres,
trelices tres inbistitura linea a cruce, manulem sericum unum
rotundo et alia pecia parba de serico pro manule super
calice, calices duos cum pateris de stagno, turibula erea dua,
bectem ferreum, squilla corrupta, altarem andantele, sindones
lineas duas s[...] asciam, tracturu da bucti, et integram casam
fabricatam in ipsa res de ipso loco Beteri prope ipsam
ecclesiam, intra quam habent alias res moviles, scilicet buctes
a vino quinque [...] de Mitiliano unam buctem, tine due,
scanna duobus, parium de pedistalli a mensa, et cum omnibus
aliis rebus movilibus et inmovilibus ipsi ecclesie pertinentibus
et cum vice de ipsis viis [et de aliis viis] suis. ea ratione
ut, amodo et dum ipse Amatus presbiter vixerit, integram
suprascriptam traditionem qualiter prescriptum est
teneat et dominet et regat et gubernet, foveas et [omnes suas
utili]tates qualiter voluerit iusta ratione ibidem faciat ille et
hominibus quibus ei placuerit et intro ipsam casam resideant
et habitent, et ipsa casa et iamdict[...]te ipsa ecclesia est
quando meluerit cooperire et conciare et per circoitum unde
meruerit claudere faciat bonum sicut meruerit, et ipsis rebus
stavilibus [omni anno amodo] et dum vixerit de super et de
supter tempore apto laboret et laborare faciat sicut meruerit,
et ubi meruerit arbores et vites de bono vitineo plantent et
propaginent et ubi meruerit insitet et per circoitum unde
meruerit claudat et vigilet, ut cotidie bonum pareat operatum
et clausum et salbum et surtum et qualiter in melius
peragat et non deterioret et illud vel ex eo aliis quibus voluerit
ad lavorandum det, ita ut cotidie bonum pareat surtum,
operatum et clausum sicut suprascriptum est. et ipsa ecclesia
nocte ac die alluminet et alluminare faciat sicut decet,
et in ea cotidie dum vixerit nocturnis et diurnis horis Dei officium
peragat et peragere faciat sicut meruerit ecclesie villane
que similem possessionem habet, et omnes offertas et botationes
et sepulturas et quicquit in ipsa ecclesia introierit et [omnes]
fruges et fructus et dationes et quicquit de ipsis rebus
stavilibus amodo et dum ipse Amatus vixerit tollere et habere
potuerit, totum illud ipse Amatus sibi hab[eat] faciendum
quod voluerit et ipsis rebus movilibus ipsi ecclesie pertinentibus,
quibus superius nominate sunt, ipse Amatus presbiter
dum vixerit rationaviliter utatur et iusta ratione cum eis suas
utilitates faciat et eas iusta ratione salbas faciat. tantum, si
in ipsa ecclesia introierit animalia viva vel talem rem que ad
hornamentum de ipsa ecclesia fiat, ipse Amatus presbiter illud
regat et gubernet et suas utilitates iusta ratione cum
eo faciat sibi et illud salbum faciat sicut meruerit; et omni
anno amodo et dum ipse Amatus vixerit faciat laborem in
ipsa ecclesia valientem tarenos duos de moneta tunc in
hac civitate figurata. et pro censum de suprascripta traditione
omni anno in Nativitate domini et salbatoris nostri
Iesu Christi det ipsis Sergio et Leoni et Mansoni et ad ipsos
germanos eorum et heredum ipsorum Desidei et Ursi et heredum
eorum quattuor cubita cerei, ita ut habeant ex eisdem
cereis per annum ipse Sergius et Iohannes germanus eius et
eorum heredes tertiam partem, et ipsi Leo et Manso et
germanos eorum et illorum heredes aliam tertiam partem,
et heredes ipsorum Desidei et Ursi alteram tertiam partem.
et per convenientiam ipsi Sergius et Leo et Manso pro parte
sua et ipsorum germanorum suorum et heredum ipsorum
Ursi et Desidei guadiam ipsi Amato presbitero dederunt
et fideiussorem ei pro sua et illorum parte posuerunt Ursum
Atrianensem filium quondam Ursonis de comite Marino,
et per ipsam guadiam obligaverunt se et suos heredes
defendere ipsi Amato presbitero amodo et dum vivus fuerit
integram suprascriptam traditionem cum vice de ipsis viis
et de aliis viis suis ab omnibus hominibus et partibus et
non illam vel ex ea ei tollere aut contrare querant. ad hovitum
vero ipsius Amati presbiteri integram ipsam ecclesiam
et predictum porticum et suprascripta casa coopertas et conciatas
bonas et per circoitum unde meruerit clausas et salbas
et conciatas sicut meruerit et omnibus ipsis rebus stavilibus
bonis hoperatis et plantatis et insitatis et studiatis et surtis et
salbis et per circoitum unde meruerit clausis et omnes ipsas
res moviles iusta ratione salbas et illud quod in ipsa ecclesia
introierit, que ad hornamentum de ipsa ecclesia fuerit, salbum
et illud quod per annum ibidem laboraberit totum iusta
ratione salbum et cum vice de ipsis viis et de aliis viis
suis rebertar ad potestatem ipsorum Sergii et Leoni et
Mansoni et ad germanos suos et heredum eorum et ad ipsa
heredes ipsorum Desidei et Ursi, ad avendum ex eo ipse
Sergius et suprascriptus Iohannes germanus eius tertiam partem
et eorum heredes, et ipsi Leo et Manso et germani sui
et eorum heredes alteram tertiam partem, et ipsa heredes ipsorum
Desidei et Ursi aliam tertiam partem. et heredes ipsius
Amati et homines eorum liceat exinde abstraere omnes
res suas et ducere eas ubi voluerint, absque cuiuscumque
contrarietate vel requisitione. et si sicut superius scriptum
est ipsi Sergius et Leo et Manso et eorum heredes ipsi
Amato et eius heredibus non adimpleverint et suprascripta
vel ex eis quicquam removere aut contradicere presumpserint,
per ipsam guadiam obligaverunt se suosque heredes componere
ipsi Amato presbitero et eius heredibus quinquaginta
auri solidos constantinatos. Et taliter tibi Iohanni notario
scribere precepi, memorans illud quod disturbatum paruerit
superius legitur si sicut superius. S.
+ Ego qui supra Petrus iudex. S.
+ Ego Iohannes notarius me subscripsi.
| |