|
+ In nomine domini undecimo anno principatus domni nostri guaimari gloriosi principis,
mense februarius tertiadecima indictione. memoratorium factum a me iaquintus dictus, eo quod
ante presentia domni maioni archidiaconi et abbatis ecclesia sancti maximi que constructa est
intus anc salernitanam civitatem, et ibique esset subscripti testes, per demandatione ipsius domni
maioni archidiaconi et abbatis, ad tenendum et pastenandum arbustum tradidit ego una pecia
de terra bacua, quod pars ipsius ecclesie abet in locum nuceria ad turre mediana domnica,
quod ego in veneficium teneo, et est propinquo ecclesia sancti marcelli per ec finis et mensurie:
de capite a pars sebtemtrionis fine ipsius ecclesie sancti maximi, sunt inde passi octo: a
pars orientis sunt longitudo passi triginta octo et medium: a meridie fine bia publica, sunt
inde passi octo: a pars occidentis fine domnica, et coniungente se in ipsa priore fines sunt
inde passi triginta sebtem, totum ad iusto passum omini mensuratum. ec vero res per iamdicte
finis et mensurie totum et inclitum illut ad pastenandum arbustum tradidit leoni presbiteri greco
et theodosi similiter greco germani filii caloiuri presbiteri. unde pro taliter per demandationem
ipsius domni maioni guadia mihi ipsi leo et theodosi dederunt, et mediatorem mihi
posuerunt romoaldus notarius filius petri; et per ipsa guadia obligaverunt se et suis eredibus
tali ordine, ut amodo et usque duodecim anni completi ad sua et de suis eredibus sint potestate
eos tenendum et dominandum, et ibidem residere et abitare, et fobee et omnis sue utilitatis
iusta rationem ibidem facerent, et totum illut per ipse finis et mensurie et pastenare arbustum
de vono vitineo seu pomis, et quantum vinum vel frugens et quicquit annualiter amodo et
usque duodecim anni completi ibidem fecerint, totum sue sint potestatis faciendum quod voluerint,
et nullam sortionem inde ad pars ipsius ecclesie deant. preter omne annum usque ipso constitutum
deant mihi vel in pars ipsius ecclesie censum de ipsa terra unum pario de pulli voni.
ad completi autem ipsi duodecim abeant illis et suis eredibus in tota ipsa terra per ipse finis et
mensurie arbustum factum, lavoratum, et cultatum et surtum de super et de subter, sicut de tantos
annos locus ipse meruerit, ut vene paread factum; et in antea omni tempore, dum illis et suis
eredibus illut teneret, lavorare voluerint, totum sue sint potestatis eos tenendum et dominandum,
et fobee et omnis sue utilitatis iusta rationem ibidem facerent, et totum ipso arbustum per ipse
finis et mensurie eos lavorarent et cultarent de super et de supter, sicut meruerit, quatenus
proficiant et non dispereant; et quantum vinum vel frugens et quicquit annualiter ibidem
fecerint, similiter totum sue sint potestatis, faciendum inde omnia quod voluerint, et nullam
sortionem de ipso frugium deant mihi vel ad pars ipsius ecclesie, set omne annum, dum illut
tenuerint, deant mihi vel ad pars ipsius ecclesie ipso predictum censum; et quale tempore
da ipsi duodecim anni in antea rebus ipsa per ipse finis et mensurie tenere et lavorare
non boluerint, inclita ipsa rebus lavorata et cultata et clusa remittant ad pars ipsius ecclesie
potestate, et nullam sortione de ipsa rebus querant tollere vel abere, et licead illis inde
disturbare ipso reditum que ibidem abuerit, et excoteret inde omnis sua causa movilia, et portaret
illut ubi voluerit, sine contrarietate mea vel de pars ipsius ecclesie. quod si taliter omnia,
ut superius legitur, mihi vel ad pars ipsius ecclesie non adimpleverit et aliquit inde
contradixerit, tunc per ipsa guadia obligaverunt se ipsi germani et suis eredibus ad componendum
mihi vel ad pars ipsius ecclesie biginti auri solidos constantinos. et ego superius
dictus romoaldus notarius unc brebem scripsi.
+ ego dauferi
+ ego arechisi notarius me subscripsi
+ ego dauferius notarius me subscripsi.
| |