|
418.
|| In nomine sancte et individue trinitatis. Filippus divina favente clementia dux
Tus || scie. Dignitas et excellentia ducalis offitii pia semper agere, et ecclesias Dei suo
munimine defendere et manutenere consuevit, et ducem vel aliquem alium in magnam
dignitatem positum, nichil magis quam clementia decet, cuius consilia, cuius opera in
omnibus et per omnia dulcedine gratie semper debet exuberare. Nos igitur patris et
fratris nostri divorum augustorum imperatorum honesta exempla sequentes, qui ecclesias
Dei imperio suo constitutas maiori affectu dilexerunt et congruis honoribus ditaverunt,
idem sapere, id ipsum et facere pro çelo in nostro ducatu intendimus, ipsaque
loca divino cultui mancipata, que et ecclesiastica disciplina commendat et religio sancta
illustrat, non minori gratia fovere amplecti et diligere decrevimus. Eapropter cognoscant
universi fideles ducatus nostri per Tusciam constituti presentes et futuri, qualiter
venerabilis Aretinę ecclesię prepositus Presbiter, unaque cum eo Christoforus primicerius,
Gregorius canonicus nostrę celsitudinem maiestatis adierunt, humili devotione
pro se et pro tota ecclesia Aretina postulantes, quatinus predictę ecclesie bona a regibus
p. 39
et imperatoribus collata, et ecclesiam Aretinam omnesque canonicos eius, cum
omnibus bonis et pertinentiis ipsorum, sub nostra tutela et protectione susciperemus,
et nostro privilegio munire et confirmare dignaremur, et universa bona a ceteris fidelibus
quolibet iusto titulo acquisita vel data nostro munimine eis roboraremus. Quorum
iustis precibus clementer annuentes, ecclesiam Aretinam omnesque canonicos eius, cum
omnibus bonis ac pertinentiis ipsorum, sub nostra tutela et protectione suscipimus, et ex
nostra ducali benignitate eis concedimus et roboramus bona ecclesię iuste et legittime
collata, sicut in sequentibus per ordinem continetur. In primis plebem sancte Marie in
gradibus, cum omnibus suis pertinentiis; plebem quoque sancti Viti in Corsignano, plebem
sancti Victoris in Rapolano, plebem sancti Iohannis in Vescona, et omnes plebes seu monasteria
et omnes ecclesias quas habent in comitatu senensi et florentino et clusino; plebem
sancti Stephani in Classe, plebem sancti Petri in Creti, cum omni sua pertinentia; ecclesiam
sancte Marie in Petrogniano, cum his que ad eam spectant; capellam sancti Angeli
in Castelione, plebem de Bacialla, capellam sancti Angeli de Fercione et ecclesiam sancti
Angeli in Colonaria et omnes ecclesias quas habent in episcopatu Aretino; campum
etiam de Longoria, campum de Piunta, campum de Graticiata, campum de Montepupi,
campum de Prato, campum de Vitartale, et omnes terras quas cives aretini iniuste detinent
sine eorum voluntate; et terram de hospitale sancti Angeli; quicquid habent
etiam in Montagnano et in Lucignano, Oliveto, Bulgari, Casavetere, Monzorno, Quarata
et Calbenzano, in Subiano, Caliano et in Nussa et eorum pertinentiis et curtibus, in
Marcena et curte sua; castellum de Vaialla, cum vico et pertinentia sua; molendina
quoque que habent in flumine Arni, et cetera molendina que habent vel adhuc iuste
habituri sunt; castrum et turrim de Classe cum suis pertinentiis; castrum de Toppole,
sicut eis ex concambio a camaldulensibus et abbate Camporegiani et a filiis Bernardini
et nepotibus eorum per emptionem, et ab eisdem in Verazano et Succiniano et
Teclena et eorum pertinentiis et curtibus, iuste et ligittime obvenerunt, ut per instrumenta
publica patet; Saxetum cum Maiano et suis pertinentiis, quicquid habent in
Bivignano, Carciano, Pratomaio, Durnula, Montealto, Vicione, Tegoleto, Policiano, Arbororo
cum eorum pertinentiis; que habent in Cesa, Vertige, Foiano, Marciano; quecumque
donavit eis Rolandinus Mambilie de Durna in Durna, Toppo, Pilli, Marciano
et Puteo et Nasciano et Vacaricia et Vado Fierle et [eorum per]tinentiis, sicut eorum
instrumentum autenticum monstrat; quicquid habent in Anglare, Viaio, sancta Cruce, et
quod iuste acquisituri sunl; in comitatu quoque Castellano Ripulì, Pililiano, Silice et
curtem de sancte Andrea, castr[um de] Milisciano, cum eorum pertinentiis, et omnes
terras quas habent in comitatu Aretino, Castellano et Clusino, vel in antea acquisituri
sunt, cum omni utilitate videlicet pascuis, pratis, silvis, venationibus, fluminibus, rivis,
aquis, lamis, aquarumque decursibus, piscationibus, ripaticis, teloneis, paludibus, terris
cultis et incultis, cum ceteris omnibus emolumentis que de predictis bonis iuste et rationabiliter
poterunt pervenire predictis canonicis et toti Aretinę ecclesię, nostro ducali privilegio
confirmamus, salva per omnia ducali iustitia. Addicientes quoque ex gratia concedimus,
ut quicumque, spiritu Dei ductus, terras, casas, vicos, castella prefatis conferre voluerit
libera sit ei facultas donandi, vendendi vel commutandi, salva uniuscuiusque iustitia.
p. 40
De cetero ducali edictu ststuimus, ut nullus marchio, comes, vicecomes, nulla persona
magna vel parva, nulla civitas, nulla omnino potestas prefatos fratres eorumque colonos
nec ecclesias nec capellas aliquo modo audeat molestare vel disvestire ve! inquietare
vel aliquam exactionem vel aliquod fodrum exigere vel accipere, excepto solo
misso nostro quem ad hoc specialiter destinaveirimus. Precipimus etiam ut neque episcopus,
neque ipse prepositus vel alia quelibet persona, aliquam potestatem habeat
predicta bona ecclesię Aretinę quę nunc habet vel in futurum iuste acquisierit, vendendi,
donandi vel aliquo mudo alienandi. Si quis vero huius nostri precepti violator estiterit,
sciat se compositurum auri purissimi libras mille; medietatem camerę nostre, et
medietatem canonicis Aretine ecclesię pro tempore constitutis. Quod ut uberius credatur,
et ab omnibus semper inviolabiliter observetur, presentem inde paginam conscribi
et impressione sigilli nostri insigniri iussimus, adhibitis idoneis testibus, quorum
nomina sunt: comes Godefredus de Veinsen, Conradus de Stuffel, Hermannus de Catena,
Henricus Faffus, Berlengerius de Oreim, Guido de Crema, Johannes de Berardo
de Castelione Aretino, Astancollus et Marcoaldus camerarius et multi alii.
Signum domini Filippi Tuscie gloriosissimi ducis. (Sd.) .
Acta sunt hec anno ab incarnatione Domini M . C . lxxxxvi, indictione XIIII, V° nonas
madii, regnante domino HENRICO romanorum imperatore gloriosissimo, anno imperii eius
quinto, ducatus vero domini Phylippi anno II. Datum apud Aritium per manum Helfrici
protonotarii.
| |