|
p. 185
500.
In Christi nomine. Anno a nativitate Domini nostri Iesu Christi M.CC.XXII°, indictione
X a , XV° kls. decembris, Honorio papa tertio residente et Frederico imperante. In
presentia et testimonio dominorum Pagani archidiaconi aretini camerarii domini episcopi
aretini, Ildebrandini de Civitella, Iohannis Christiani, Talomei Forçe et Orlandi Griffi
ad hec spetialiter rogatorum testium. Dominus Martinus episcopus aretinus confessus
fuit se, nomine sni episcopatus, mutuo recepisse a Iohanne de Serra cive senensi C
libras bonorum denariorum senensinm, et illas in utilitatem dicti episcopatus expendisse
silicet quando ivit ad coronam imperatoris; quos denarios omnes eiusdem
menete bonos et sine malitia pro se et suis successoribus promisit per stipulationem
solvere et reddere eidem Iohanni, aut cui dare et concedere voluerit, omni exceptione
et occasione remota, deinde ad Testum omnium sanctorum proxime venturum vel ad
alium terminum comuniter indutiatum. Quod si non faceret, eidem Iohanni plus nomine
pene XX libras eiusdem monete solvere et dare promisit, et omne dampnum et
expensas, quod et quas pro predictis denariis recuperandis faceret vel substineret, restituere
suo simplici verbo sine sacramento et probatione, et post penam solutam et
omne dampnum resarcitum dictam summam C librarum incontinenti pagare et reddere
promisit eidem Iohanni; pro qua sorte, pena, dampnis et expensis se et bona ipsius
episcopatus obligavit eidem, et specialiter omnes fructus decimarum quas habet in toto
pleberio de Rapolano et in toto pleberio sancti Viti in Versure et in toto pleberio de
Cennano et in toto pleberio de Pava et in medietate pleberii Montispoliciani, et omnes
redditus quos habet vel de iure potest habere in Scialenga, in Berardenga et in toto
comitatu senensi, qui est in episcopatu aretino. Et predicta, nomine dicti Iohannis, se
constituit possidere, dans eidem liberam potestatem ex eis ingredi in tenutam, sua
auctoritate, sine legis vinculo et nuntio potestatis, ad habendum, tenendum, pignorandum
et omnia faciendum titulo quod eidem Io(hanni) placuerit, quousque sibi plene fuerit
satisfactum de dicta sorte, pena, dampnis et expensis. Renuntians in hoc facto omni
legum auxilio, privilegio fori, exceptioni pecunie non numerate et non recepte seu
alicuius deceptionis vel inductionis, omnique alii exceptioni reali vel personali sibi
competenti vel competiture iure civili vel canonico, usu vel consuetudine vel constituto.
Actum in civitate Aretina, apud Episcopatum, in domo canonicorum maioris ecclesie.
(Sn.) Ego Iacobus imperialis aule notarius predictis omnibus rogatus interfui,
scripsi, complevi et in publicam formam redegi.
| |