|
497.
p. 178
In nomine Domini, amen. Nos cives Aretini, qui ad hoc breve seu instrumentum
iuramus, promittimus et iuramus ad sancta Dei evangelia vobis domino Guilielmo de
Persico senensi potestati et tibi Gionte Arzocchi camerario Comunis Senensis, recipientibus
vice et nomine Comunis seu comunitatis Senensis et pro dicta universitate et
communitate Senensi, quod ab hodie in antea dabimus studium et operam cum effectu,
quod pax et amor et concordia sint inter civitatem et Comune Senensium et civitatem
et Comune Aretinorum perpetuo. Et guardabimus et salvabimus Senenses omnes et
singulos in perpetuum in personis et rebus, ita scilicet quod non erimus in consilio
vel consentimento vel ordinamento seu facto quod perdant vitam vel membrum, vel
captionem patiantur, vel perdant bona, que secum habebunt vel pro eis erunt in tota
fortia vel districtu Aritii, quem modo civitas Aretina habet vel in antea habehit; et
siqua perderent, studium et operam dabimus, bona fide, sine guerra tamen facienda
et sine nostris expensis, ut ea recuperent et recuperata retineant.
Item inimicis Senensium, Florentinis videlicet et aliis, non dabimus aliquod auxilium,
adiutorium vel consilium in dicto vel facto contra Senenses vel contra Marturenses,
quos Senenses tenentur iuvare a Florentinis. Et vetabimus et contrariabimus in
quantum poterimus ne universitas civitatis nostre eis auxilium, adiutorium vel consilium
prebeat, ut dictum est de nobis; set resistemus nos et resistet universitas Comunis
Aritii dissuasionibus et verbis, ne Senenses offendant, et ne fiduciam de nobis
habeant contra Seuenses et adiutores suos.
Item studium et operam dabimus cum effectu in Comuni nostre terre in quantum
poterimus studiis et suasionibus, non tamen bellicosis factis inter nos, quod dissensio
et discordia sit de cetero inter Comune Florentinorum et Comune Aretinorum, donec
advenerit terminus, et completus fuerit, securitatis et compagnie que est inter Florentinos
et Aretinos.
Item ante dictum terminum vel postea non erimus in consilio vel ordinamento vel
facto, nec permictemus aliquo modo, quod renoventur iuramenta vel refirmentur vel
alia fiat de novo societas vel compagnia inter Florentinos et Aretinos nec nos societatem
vel compagniam cum Florentinis de cetero renovabimus, nec faciemus aliquo modo.
Et quandocumque ante terminum societatis inter Florentinos et Aretinos discordia fuerit
inter nos et ipsos talis, ut occasionem habere possimus discedendi ab eis et non observandi
quod iuratum est inter nos et ipsos, faciemus generalem societatem, compagniam
et iuram. Et faciemus quod faciet universitas nostra vobiscum, idest cum
Comuni et universitate Senensi contra Florentinos et contra omnem hominem comuniter
et divisim: illis exceptis a nobis quibus iuramento tenemur et a vobis quibus
iuramento tenemini, excepto imperatore Romanorum et nuntiis eius et episcopo
Aretino de proprio facto suo et sue eccllesie. Et non obligabimus nos de cetero
alicui vel aliquibus iuramento aliquo, nec consentiemus quod obbligetur universitas
nostre civitatis quo predicta possint impediri et non compleri. Et si ante predictum
terminum non poterimus habere occasionem faciendi vobiscum societatem et generalem
compagniam et iuram, statim, post completum, inter nos et dictos Florentinos ad unum
mensem post inquisitionem potestatis vel consulum Senensium, per se vel per suos
nuntios dictam generalem compagniam et iuram et societatem faciet universitas Aretinorum
cum universitate Senensi. Et tunc eligantur quattuor ex utraque parte qui iurent
concordare, statuere et ordinare de adiutorio et servitio et exercitu quomodo et qualiter
p. 179
fiat per Comune utriusque civitatis, et quomodo et qualiter fiat per divisum
de adiutorio militum et peditum ex utraque parte. Et interim non contrariabimus vos
nec contrariabit Comune Aritii contra omnes alius inimicos vestros, quos modo habetis
vel in antea habebitis. Et iuramus sic facere et observare, ut superius continetur, et
dare studium et operam ut sic faciat et observet comunitas Aretinorum. Et amor sit
et vigeat vel vigilet senper inter Senenses et Aretinos. Et si discordia apparuerit
inter utramque comunitatem dabimus studium et operam ut sit concordia et amor inter
eos; et reformetur quotiens contrafactum fuerit.
Et hec omnia iurabunt ducentum homines de generali consilio Aritii ad inquisitionem
domini Guilielmi de Persico senensis potestatis vel nuntii eius cum litteris suis.
Et siqui decederint interim vel mutabuntur, submittemus et subrogabimus totidem
de melioribus et nobilioribus eiusdem civitatis Aritii qui erunt de generali consilio
campane. Et si contigerit quod usque in XI hominibus vel pautioribus de generali consilio
Aritii hec, que dicta sunt et superius centinentur, recusaverint iurare, subrogabimus
loco eorum totidem eque bonos, nobiles et potentes, sicut erunt illi qui ista iurare
et firmare recusaverint; et subrogati vel mutati debeant esse et sint de generali
consilio campane Aritii. Et credimus quod si terminus fuerit appositus inter Florentinos
et Aretinos, quod sit completus. Et promittimus vobis et iuramus, tactis sacrosanctis
evangeliis quod operabimns et faciemus quod de hinc ad tres mensos societas erit
inter comunitatem Senensium et comunitatem Aretinorum; quod iuramus facere et fieri
facere bona fide sine fraude, remota omni cavillatione et malo ingenio. Etsi infra hos
tres menses eam facere non poterimus, facere eam iuramus et fieri facere ad alium
competentem terminum et terminos competentes, quem et quos nobis dederit potestas
senensis qui tunc erit. Et hoc bona fide, remota omni fraude et malo ingenio, iuramento
tenentur Senenses Marturensibus, comiti Ildibrandino et fratribus, et Urbe(ve)tanis,
et Aretini solis Florentinis et non aliis. Qui post terminum completum inter se
et Aretinos non excipientur ab Aretinis tempore generalis societatis cum contrahetur
inter Senenses et Aretinos, set iurabunt specialiter contra eos, ut superius continetur.
Item si contigerit quod generalis societas et compagnia contrahatur, ut superius
continetur, et fiat inter Senenses et Aretinos, nos ducentum et quisque nostrum ab inde
non teneamur de isto iuramento prestito prius novo iuramento illius facture societatis
a nobis. Et postea teneamur, sicut ceteri Aretini qui iuraverint et non aliter.
Supradictum iuramentum et promissionem fecerunt cives Aretini qui inferius continentur,
sciliret Stephanus Nerbotti, Guido quondam Renaldi de Bostola, Forzore quondam
Pauli et Rainerius Pandicampi, qui iuraverunt et promiserunt, tactis sacrosanctis
evangeliis, domino Guilielmo de Persico senensi potestati et Gionte Arzocchi camerario
Comunis Senensis, recipientibus pro ipsa comunitate et nomine ipsius Comunis,
omnia supradicta observare facere et complere per singula capitula, ut superius continetur.
Actum prope civitatem Senensem, iuxta ecclesiam de Vignano, coram Anselmo iudice,
Incontrato Assaliti, Bonagnuda Camerate, Altavilla Cavalcantis, Iohanne de Serra
et Maçça de Aritio rogatis testibus, anno Domini millesimo CCXXII, die tertio nonas septembris,
indictione X.
(Sn.) Ego Arnolfinns iudex et nolariustotum quod superius legitur rogatus scripsi.
| |