|
498.
Anno Domini millesimo CCXXII, III idus septembris, indictione XI. Nos Stefanus
Nurbocti et Guidus Boste et Rainerius Pandicampi et Forzore Pauli confitemur in veritate
recepisse numeratus CCCCI libras denariorum Pisanorum monete a te Iohanne Pepi
de Serra procuratore Comunis Senensis, solvente nomine domini Guilielmi de Persico
potestatis senensis et Iunte Arçochi camerarii Comunis Senensis, et quactuor sindicis
Comunis Senensis et pro omnibus et singulis personis qui iuraverunt et promiserunt
et obligati sunt nobis solvere mille ottingentas libras denariorum Pisanorum monete,
ut in publico instrumento facto per manum domini Arnolfini iudicis et notarii continetur;
de quibus quadringentis et quinquaginta libris Pisanorum monete, que sunt ex mille octingentis
libris supradictis, promictimus tibi su(b) pena dupli dictorum denariorum,
exinde vel ideo recipienti nomine supradictarum personarum, nullam litem, nullam controversiam
facere, nec movere in aliquo tempore, et quod non dederimns ius nostrum
alteri; quam penam tibi et successoribus tuis dare promictimus si contravenire voluerimus
aut si apparebit ius nostrum alteri dedisse vel cessisse. Et liberamus omnes
supradictas personas ab omnibus obligationibus et promissionibus et a vinculo iuramenti
vel alio quocumque modo nobis teneantur, et obligati et adstricti sint, et omni
legum et iuris auxilio in his renuntiamus et exceptioni insoluti debiti et solemnitati
testium.
Actum in civitate Aretina, in ecclesia sancti Gregorii, coram Maçça Davini de Valcortese,
Tholomeo Affortçii, Orlando Griffoli et Tholomeo Cittadini Bernardi rogatis
testibus.
(Sn.) Ego Matheus domini imperatoris Henrigi notarius his omnibus interfui, et ut
legi scripsi rogatus.
| |