|
395.
Lucius episcopus servus servorum Dei dilectis filiis Presbitero preposito et capitulo
aretinis salutem et apostolicam benedictionem. Ea que a prelatis ecclesiarum provisione
rationabili statuuntur sedis apostolice convenit auctoritate firmari, ne super his materia
contentionis emergat, que a bono caritatis initium habuerunt. Eapropter, dilecti
p. 7
in Domino filii, vestris iustis postulationibus grato concurrentes assensu, donationes, concessiones,
confirmationes etiam super ecclesiis et aliis rebus, sicut antecessoribus vestris
et bone memorie Theobaldo, Helperto, Alberto, Arnaldo et Constantino episcopis rationabiliter
aretinis concesse sunt, et que in privilegio bone memorie Ieronimi quondam episcopi
vestri legittime continentur; libertates preterea et immunitates ab imperatoribus seu marchionibus
ecclesie vestre indultas, antiquas et rationabiles consuetudines vestras hactenus
observatas, vobis vestrisque successoribus auctoritate apostolica confirmamus et perpetuo
manere decernimus illibatas. Decimationes etiam ex terra illa, quam vos canonica sancti
Donati ex donatione imperatorum, marchionum et aliorum fidelium iuste ac sine controversia
possidetis, aut in futurum iustis modis, prestante Domino, poteritis adipisci,
presentis scripti patrocinio roboramus. Ordinationem insuper, custodiam et alia que
predecessores tui, filii preposite, a tempore Iocundi prepositi in plebibus, monasteriis,
canonicis et capellis de Scianinga Berardinga et Berardisca et aliis aretine diocesis canonice
habuerunt; oblationem etiam altarium ecclesie sancti Donati letaniarum, sicut
in scripto Arnaldi et Constantini aretinorum episcoporum rationabiliter continetur;
electionem quoque archidiaconi et primicerii, sicut a prefato Ieronimo quondam episcopo
vestro, canonice statutum fuisse dinoscitur, et in scriptis eius continetur expressum
et hactenus est observatum; donationem etiam quam Willielminus de Subiano et
filius eius, uxoribus eorum assensum prebentibus, et quantum ad eorum iura spectavit
ex integro largientibus de turri de Subiano, et aliis eorum possessionibus universis in
eodem castro et eius curte, in Nussa, Castellione et eorum pertinentiis et aliis locis
fecerunt, cum Deo et ecclesie vestre sua et se obtulerunt, sicut in istrumentis exinde
confectis legittime continetur; castrum preterea, quod Saxetum vulgariter nominatur,
sicut ipsum rationabiliter et sine controversia possidetis, cum eius curte; ecclesiam de
Radicata, cum omnibus pertinentiis eius; ecclesiam de Cruci cum omnibus pertinentiis
eius; castrum insuper quod Toppole dicitur, cum ecclesia et villa de Varrazano
et omnibus pertinentiis eorum, sicut ex concambio et transactione pro Modiona vobis
a Camaldulensibus venit, sicut instrumenta legittime continent, et actenus est observatum,
vobis vestrisque successoribus auctoritate apostolica confirmamus. Nulli ergo
omnino hominum liceat hanc paginam nostre confirmafionis infringere, vel ei ausu
temerario contraire. Si quis autem hoc attemptare presumpserit, indignationem omnipotentis
Dei et beatorum Petri et Pauli apostolorum eius se noverit incursurum. Datum
Velletri II nonas aprilis.
| |