+ In nomine domini dei salvatoris nostri Ihesu Christi Imperante
domino nostro basilio magno Imperatore anno tricesimo primo: sed et constantino
magno Imperatore anno vicesimo octabo: die tertia mensis martii.
indictione quarta neapoli: Certum est me sergium venerabilem presbiterum
filio quidem iohannis calciolarii cui super nomen sardella: A presenti die
promicto vobis domino filippo umilem ygumeno monasterii sanctorum sergii
et baschii qui nuc congregatus est in monasterio sanctorum theodori
et sebastiani qui nominatur casapicta situm in viridiarium: et at cucta
congregatione monachorum memorati sancti et venerabilis vestri monasterii:
propter integra ecclesia vestra bocabulo sancte eufimie christi martira
qui sita exe videtur in regione ficariola iusta murum publicum: Ubi
domino bolente me ibidem custodem ordinastitis: in ea videlicet ratione ut
ego in memorata ecclesia vestra de dies omnem officium sacerdotalem facere
et exibere debeas bespertine seu missarum sollemnia et oris laudibus concinnatione
sibe ante ora sibe post ora exercere debeam ut apud deum michi
mercis atcrescat et coram ominibus laus: et pro alimoniis meis dedistitis
mihi seu tradidistitis idest integrum ortum qui est ante memorata ecclesia
vestra una cum cella qui est intus memoratum ortum seu piscina qui ibi
est et una cum omnia quantum at memorata ecclesia vestra pertinent beate
eufimie: et cum introitas suas et omnibus sivi pertinentibus: ut in mea sit
potestate omnibus diebus vite meae tenendi et dominandi quamque frugiandi
ut de ipsa frugium faciam ego omnia que boluero: et omnia quod ibidem
oblatam fuerit a biribus et a mulieribus meae sit potestatis: Si autem fuerit
inmovile aut qualecumque movilem maiore siat de memorata ecclesia: insuper
ego memorato sergio venerabili presbytero dimictere debeamus in memorata
ecclesia idest una planeta linea cum orareum et corporale: et pro
ipsum calicem sanctum ibidem dimictere promicto alia causa atbaliente tare
unum: insuper promicto vobis ut amodo et usque per totum magio mense
isto prossimo atbeniente conciare debeamus memorata ecclesia omnia quantum
ibidem at conciandum abuerit: et memorata cella amodo et usque: in
unum annum expletum similiter eas conciare debeamus insimul at omni
meo espendio: Verumtamen atsignastitis mihi a die presentis idest movilia
de memorata ecclesia in primis idest hunum pannum quod est osseccum
bonum cum una sindone insimul abbos desuper altare: et unum facietergium
stellatum plumatum: mappula maiore cum tres cruces de antisacu:
et alium exseccu pictulum: et quatuor mappule cum cruces de lintiscu:
et unum turabulum de ramme: et duas cruces: una ex ea ferrea: et
alia erea: et una coronella. de ramme: quaterni dui de festibitate memorate
sancte eufimie: et unum quaternum pictulum de festibitate sancti cerbasi:
et unum liber comitem plenarium manu francisca scripta: calicem sanctum
de stagnum super inargintatu: cum patina sua de stagnum: serolella
pictula hab aqua santificata: ut ec omnibus memoratis salbum facere
promicto in memorata ecclesia: tantummodo omni annue omnibus diebus
vite meae vobis posterisque vestris et in memorato sancto et venerabili vestro
monasterio dirigere debeamus dua paria de oblate. unum parium in nativitate
domini: et alium parium in sanctum pasce: et minime presummetis
bos aut posteris vestris me exinde foris eicere aut qualibet sacerdotem vel clericum
aut monachum super me ibidem ponere per nullum modum cuctis
diebus vite meae: post vero meum transitum cucta memorata integra ecclesia
et cum omnia memorata que mihi atsignastitis ut super legitur in vestra
vestrisque posteris rebertantur et sit potestate cuius iure exe bidetur:
quia ita nobis combenit: Si autem minime adimplebero de is omnibus memoratis
et in aliquit offensus fuero per quobis modum aut summissis personis
tuc compono ego omnibus diebus vite meae vobis posterisque: vestris
idest auri solidos biginti quactuor bythianteos et ec chartula ut super legitur
sit firma scripta per manum sergii curialis per memorata quarta indictione +
+ ego sergius presbyter subscripsi +
+ ego cesarius filius domini sergii monachi rogatus a suprascripto sergio
presbytero testi subscripsi +
+ ego iohannes filius domini elia rogatus a suprascripto sergio presbytero
testi subscripsi +
+ ego petrus filius domini petri rogatus a suprascripto sergio presbytero
testi subscripsi +
+ Ego sergius Curialis Complevi et avsolvi die et indictione memorata
quarta +
|