|
Cartula scripta per Iohannem notarium anno dominice
incarnationis millesimo septuagesimo secundo et tricesimo
anno principatus suprascripti domni Gisulfi, mense februario
decima indictione. Qualiter dum coram presentia
domni Maraldi pontificis predicti episcopii esset Sico iudex
et ibidem adessent Salernus cognomento Barbutus filius Iaquinti
clerici et Berga uxor eius, filia Iohannacii clerici,
Iohannes notarius, ipsius episcopii advocatus, ostenderat suprascriptum
preceptum quod ipse Petrus presbiter ostenderat,
quod
scriptum est per Aceprandum levitam et scribam sacri
palatii anno septimodecimo principatus ipsius domni
Gisulfi, mense septembri indictione duodecima,
quod ab utili anulo consignatum est. Et continebat qualiter
ipse domnus Gisulfus confirmaverat in ecclesia
Sancte Dei genitricis semperque virginis Marie ipsius
Pestani episcopatus, in qua ipse domnus Amatus episcopus
preerat, integras ipsas terras quas parti suprascripti
episcopii pertinebant per suprascriptas primam et secundam
et tertiam cartulas scriptas per ipsum Ademarium
notarium, cum omnibus que intra eas erant cunctisque
earum pertinentiis et cum vice de viis suis, ut semper
essent in potestate ipsius domni Amati episcopi et
successorum eius et partium suprascripti episcopii ad faciendum
de eo quod vellent, sicut ipsum preceptum
continet.
Et ipsi vir et uxor ostenderant unam
cartulam scriptam per Iohannem notarium tricesimo
quarto anno principatus suprascripti domni Guaimarii
et quarto anno principatus ipsius domni Guaimarii
eius filii, mense iulio quinta indictione.
Qualiter ante Ragemprandum et Romoaldum iudices
ipse Iaquintus clericus filius Iaquinti sculdais coniunctus
fuerat cum Grimoaldo germano suo, et ipse Grimoaldus
remiserat et tradiderat ei integram sortem
suam, quam ei pertinebat ab ipso genitore et genitrice
sua de rebus de Lucania et Apudmonte et per fines et
vocabula ipsorum locorum, ad faciendum ex ea ipse
Iaquintus et eius heredes quod vellent, sicut ipsa cartula
continebat, in qua ipsi Ragemprandus et Romoaldus iudices
subscripti erant.
Et ipsi Salernus et Berga manifestaverant ipsi domno
Maraldo episcopo de omnibus suprascriptis terris per ipsas fines
et mensuras quas ipsum preceptum continet, ad faciendum
ex eis ille et successores eius et pars eiusdem episcopii
quod vellent; et obligaverant se et suos heredes semper defendere
ipsi domno episcopo et successoribus eius et parti
ipsius episcopii de suprascriptis rebus medietatem de terra ubi
Modiolu et Serra de Stainu dicitur, quam totam dixerant esse
per fines: de una parte qualiter ascendebat per viam que
ducebat secus ipsum modiolum usque serram, alia parte
ibat per ipsam serram usque viam et per ipsam viam descendebat
usque fontanam que dicitur Iohannis Barbati, et revolvebat
per ipsam fontanam et recte ibat usque ipsum modiolum,
et ab ipso modiolo ibat usque priorem finem, cum
omnibus intra ipsam medietatem habentibus et suis pertinentiis
et cum vice illorum de ipsis viis, ab illis hominibus quibus
in ipsa cartula legitur, extra aliquanta terra intra suprascriptas
fines, quam ipsi vir et uxor nec se nec suos heredes
defendere obligaverant, que erat per fines et mensuras
sicut ipsa cartula continebat, in qua ipse Sico comes et iudex
et alii subscripti sunt.
| |