89
+ In nomine domini dei salvatoris nostri Ihesu Christi Imperante domino
nostro basilio magno imperatore anno quinquagesimo sexto: sed et constantino
frater eius magno imperatore anno quinquagesimo tertio: die vicesima
tertia mensis februarii indictione quartadecima neapoli: Certum est nos sparano
primicerio qui nominatur milluso filio quondam leoni: et petro qui
nominatur rappulo filio quondam voni abitatoribus in loco qui nominatur
arinianum foris flubeum territorio plagiense: A presenti die promtissima
volumtate promittimus vobis domino pancrati venerabili igumeno monasterii
sanctorum sergii et bachii: qui nunc congregatus est in monasterio
sanctorum theodori et sebastiani quia appellatur casapicta situm in viridiarium
et at cuncta vestra congregatione monachorum memorati sancti et
venerabilis vestri monasterii propter castanietum bestrum qui abetis in illum
monte bestrum qui est in monte besubeo una cum scapules sues et cum
introitum suum et omnibus sivi pertinentibus: sicuti per fines illos exegregavimus:
hoc est da fine de rium bestrum qui nominatur de iohanne et quomodo
badit per ipso ribo usque in caput de mandra gentiula et usque at
illum termine vestrum marmoreum qui est fictus in memorata illa cerqua
que nominatur plumbatum et da inde quomodo descendit per illa
via qui badit per propria causa ipsius vestri monasterii et usque at illa
crucem: et da ipsa crucem quomodo descendit per ipsa via et redit usque
at memorato ribo de iohanne et usque at illa trasenda que nominatur
de arinianum: excepto illum coniolum qui est intus ec finis et alia una
petia que per chartula datum abetis at cesario qui nominatur piscopo de
memorato loco arinianum: insimul pertinente memorati vestri monasterii
sicuti continet firmissima chartula securitatis vestra que aput vos
exinde abetis: et a foris ipsis finis sunt terris ipsius vestri monasterii:
que in vestra reservastitis potestatem: quas vero memoratum castanietum
vestrum ut super legitur nobis nostrisque propriis heredibus dedistis at
lavorandum: in eo enim tenore ut in nostra nostrisque propriis heredibus
sint potestate eos tenendi et dominandi et ibidem insertas insertandi et
ipsum castanietum cum ipsum insertetum scoropandi et cultandi et de ipse
90
castanees et insertes curam et sollicitudinem abere debeamus: et quantas
castaneas et insertes omni annue ibidem deus dederis nos et propriis nostris
heredibus illes colligere et adunare debeamus absque omni fraudem et malo
ingenio: et dividamus illes inter nobis per medietate: vos et posteris vestris
medietate et nos et heredibus nostris similiter alia medietatem. et ipsa
medietate vestra nos et propriis nostris heredibus vobis vestrisque posteris
traere debeamus usque at illa obedientia vestra sancti basilii de nonnaria sine
omni amaricationem: verumtamen inter nobis ut illes cerques qui ibidem
sunt aut fueris in vestra vestrisque posteris illos reserbastis potestate pro
ipsa escas: et quandoque ipsas escas abueris licentiam et potestatem abeatis
ibidem porcis ponere absque damnietatem de ipsum castanietum et insertetum
que ibidem fecerimus ut super legitur: et amodo et usque in septem
annis expletis ante sorte superfluum vobis vestrisque posteris dare debeamus
de ipse castanee modia quinque: et da ipsis septem annis in supra ipsa
quinque modia moriantur: set dividamus illes da inde in antea per medietate
qualiter superius legitur: et non abeatis licentiam vos et posteris
vestris et memorato vestro monasterio: nobis nostrisque propriis heredibus
illos tollere per nullum modum nec per summissas personas: atimplentes
nos et nostris propriis heredibus omnibus memoratis per ordinem ut super
legitur: verumtamen stetit inter nobis ut si quis ex nos aut de nostris
propriis heredibus illos lavorare non volueris aut non potueris tunc rebertant
inter nobis nostrisque propriis heredibus at unus alterius in memorato
ordine et tenore ut super legitur: et quandoque nos et propriis nostris heredibus
illos abrenuntiare voluerimus licentiam et potestatem abeamus cum
omni sua meliorationem: quia ita nobis placuit: Si autem aliter fecerimus
de his omnibus memoratis per quobis modum aut summissas personas tunc
componimus nos et propriis nostris heredibus auri solidos duodecim bythianteos
et hec chartula promissionis ut super legitur sit firma scripta per manus
sergii tabularii per memorata quartadecima indictione + hoc signum + manus
memoratas personas quod ego pro eis subscripsi +
+ [… ……. ……. .. ….. ….. ….] +
+ Ego iohannes scriniarius testis subscripsi +
+ Ego gregorius scriniarius testis subscripsi +
+ Ego sergius tabularius Complevi et absolvi per memorata quartadecima
indictione +
|