|
+ In nomine domini vicesimo tertio anno principatus domni nostri Gisulfi gloriosi principis,
mense martio, secunda indictione. Ante me romoaldum iudicem coniuncti sunt alfanus lebita
et abbas ecclesie sancti mathei apostoli et evangeliste et sancti iohannis similiter apostoli et
evangeliste, quam romoaldus castaldus filius quondam petri construere fecit intra hanc salernitanam
civitatem super platea que ducit ad portam que rotensis dicitur, filius alderisii qui
olim notarius fuit et nunc monachus est, et rottelgrimus comes et iudex, et petrus germanus
filius grimoaldi qui postea monachus factus est et deget in monasterio sancte et individue trinitatis
constructum foris hanc civitatem, ad faciendum inter se convenientiam de ipsa ecclesia
et de rebus stabilibus et movilibus ipsi ecclesie pertinentibus et de aliis rebus qualiter inferius
describendum est. et ipsi germani clarificaverunt sibi pertinere integram ipsam ecclesiam sancti
mathei et sancti iohannis et omnes terras et casas et res staviles et moviles ipsi ecclesie pertinente
tam intra hanc civitatem quam et foris, et integram tertiam partem de duabus ecclesiis
que constructe sunt foris hanc civitatem quarum una in loco ubi casanoe dicitur ad onorem
sancti petri apostoli, et alia in loco propiciano ubi monte de spelengaru dicitur ad onorem
sancti angeli, et integram tertiam partem de omnibus rebus stavilibus et movilibus ipsis ecclesiis
sancti petri et angeli pertinentibus, et de integra ipsa ecclesia sancti mathei et sancti iohannis,
et de omnibus terris et casis et rebus stavilibus et movilibus ipsi ecclesie pertinentibus, et de
inclita ipsa tertia parte ipsarum aliarum ecclesiarum sancti petri et sancti angeli et ......
stabilium et movilium earum medietatem pertinere dixerunt ipsi iudici et reliquam medietatem
ipsi petro. Nunc vero, sicut ipsi petro congruum fuit, sua voluntate per convenientiam tradidit
ipsi iudici integram ipsam medietatem quam sibi pertinere dixit de iamdicta tertia parte
ipsarum ecclesiarum sancti petri et sancti angeli, et de omnibus rebus stavilibus et movilibus
earum pertinentibus, et integram ipsam medietatem de iamdicta ecclesia sancti mathei et
sancti iohannis et de omnibus terris et casis et rebus stavilibus et movilibus ipsi ecclesie
pertinentibus, excepto totam terram cum vinea et arbustis et vacuo quam ipsi ecclesie sancti
mathei et sancti iohannis pertinuit habere foris hanc civitatem in loco selecta, et inclita medietate
de tota terra cum vinea et castaneto et aliis arboribus quas similiter ipsi ecclesie sancti
mathei et sancti iohannis pertinuit habere foris hanc civitatem in loco uliaria cum vice de viis
earum. Nam illo alio quod ipse petrus sibi pertinere dixit ipsi iudici tradidit cum omnibus que
intra illud sunt cunctisque eius pertinentiis et cum vice de viis et anditis suis et cum omnibus
muniminibus ex eo continentibus; Ea ratione ut integrum illud quod ipsi iudici, ut suprascriptum
est, tradidit et illud quod ipsi iudici pertinere dixerunt, ut superius legitur, semper sit in potestate
ipsius iudicis et heredum eius, et liceat illum et eius heredes de eo facere quod voluerint.
Necnon et ipse petrus tradidit iamdicto iudici vicem de via unde modo vadit per terram eius
dicti petri que coniuncta est cum fluvio auripo de loco sancto cipriano, ut ipse iudex et eius
heredes et homines quos voluerint licentiam eius haberet per ipsam vicem de via ire et redire
ad ipsum fluvium cum suis congruitatibus iusta rationem, et iamdicto fluvio et iuxta eum preter
molina et torna suas utilitates rationaviliter facere, et quanta voluerit ex ipsa aqua iusta rationem
aurire et facere ex ea quod voluerint; sicut tamen ut petrus et eius heredes et homines
quos voluerint potestatem habeant in iamdicta sua terra suas utilitates et molina et torna et
aquaria construere et edificare et facere qualiter voluerint. et in ipso fluvio suas utilitates iusta
rationem quando voluerint fluvio facere et habere et aquam ex ipso fluvio ad ea rationaviliter
ducere cum qua ipsa molina bene macinare et ipsa torna laborare valeant sicut meruerint, et ex
ipsa aqua per ipsam terram quo voluerint portare, et de iamdicto fluvio aqua aurire quanta
voluerint iusta ratione. Similiter et ipse petrus tradidit ipsi iudici vice in puteo qui est intra
sortionem ipsius petri de loco locubia quam venditam habet iohanni filio leonis et saraddo filio
nicolay et vicem de via ad eum per ipsam sortionem eiusdem petri quam ut dictum est vendidit,
unde aptum visum fuerit, ut omni tempore ipse rotelgrimus et eius heredes et homines quos
voluerint licentiam habeant per ipsam vicem de via ire et redire cum suis congruitatibus iusta
ratione, et de ipso puteo aquam quanta voluerint similiter iusta rationem aurire et portare ex
ea quod voluerint, et facere et iuxta ipsum puteum suas utilitates, ut iustum fuerit, facere et de
suprascriptis vicibus ut superius legitur faciant quod voluerint. Etiam et ipse petrus ipsi abbati
pro parte ipsius ecclesie sancti mathei et sancti iohannis per convenientiam, dum idonei
interessent homines, tradidit integras duas pecias de terris quas sibi in sorte obvenit ab ipso
iudice in loco riboalto; una ubi a la fornella dicitur et est per fines et mensuras: A meridie est
finis via erga ipsam viam recte mensurati passi quadraginta septem: Ab occidente est finis
aliorum, et passi centum viginti quatuor: A septentrione est finis aliorum, et passi quinquaginta
tres: Ab oriente est finis illud quod ipsi iudici in sorte evenit, et passi centum viginti quattuor.
Et alia que est illa parte ipso ribus altu ubi a la cisina dicitur que a parte orientis coniunctus
est ad viam. Et totam aliam peciam de terra vacua quam ei in sorte obvenit ab ipso iudice
in loco sancto martino de agello ubi a lu trausu dicitur, et est per fines: Ab occidente finis
aqua de trauso, a septentrione finis aliorum et rendet in septentrione erga fines aliorum, et
rendet in oriente secus fines aliorum usque in via. Ab oriente est finis ipsa via que discernitur
ab alia pecia ipsius iudicis: A meridie est finis terra quam ipsi iudici in sorte evenit cum
omnibus que intra ipsas pecias sunt cunctisque earum pertinentiis et cum vice de viis earum
et cum portione sua de muniminibus ex eo continentibus. Ea ratione, ut semper sit in potestate
ipsius abbatis et successorum eius et partibus ipsius ecclesie sancti mathei et sancti iohannis,
et liceat partem ipsius ecclesie de eo facere quod voluerint. Et ipse rottelgrimus et iamdictus
abbas querebantur quod ex ipsa terra cum vinea et arboribus et vacuo, et ex ipsa terra cum
vinea et castaneto et aliis arboribus et vacuo quas ipsi ecclesie sancti mathei et sancti iohannis
pertinuit et pertinet habere in suprascriptis locis selecta et uliaria nichil pars ipsius ecclesie
eveniret, eo quod ipse petrus et eius heredes totum illud de iamdicto loco selecto husufruendi
nomine sua potestate tenere debet dum ipse alfanus superstes fuerit, et illud de iamdicto loco
uliaria iohannes clericus qui abbas ipsius ecclesie fuit filius stephani et eius heredes tenere
debet usque viginti quatuor annos sua potestate, et de husufructu quod de ea exierit licitum eis
quod voluerit facere. Idcirco propter confirmationem harum traditionum ipse rottelgrimus et
iamdictus abbas per idipsam convenientiam tradiderunt ipsi petro integram suprascriptam
terram cum vinea et arboribus et vacuo quam ipsi ecclesie sancti mathei et sancti iohannis
pertinuit et pertinet habere in suprascripto loco selecta ubi a la longa dicitur super ecclesiam
sancti iohannis de eodem loco que est per fines et mensuras: A parte septemtrionis est finis via,
et passi centum octoginta sex: A parte orientis est finis alia via, et passi centum quinquaginta
duo: A parte meridie est finis sicut tota sepes discernit, et passi triginta octo: a parte occidentis
est finis alia via, et intra ipsam terram prope eam recte mensuratos passus ducentos decem et octo.
Et inclitam medietatem de tota ipsa terra cum vinea et castaneto et aliis arboribus et vacuo
quam similiter ipsi ecclesie pertinuit habere iamdicto loco uliaria; et tota ipsa terra est per
fines et mensuras: A parte occidentis est finis via, et per eam mensurati passi sexaginta quattuor.
et revolvit in ipsa parte occidentis per ipsam viam passi sexaginta sex, et revolvit in parte
septentrionis per ipsam viam passi septuaginta unum. Ab ipsa parte septentrionis est finis
sicut medium podium et mediam sepem discernit, et iuxta ipsum podium et sepem mensurati
passi octoginta et medium, et revolvit in parte meridiei sicut media sepes discernit recte mensurati
intra ipsam terram iuxta ipsam sepem passi quindecim, et revolvit in parte orientis sicut
medium podium et mediam sepem discernit, et iuxta eam mensurati intra ipsam terram passi
sexaginta sex et medium. ab ipsa parte orientis est finis medium vallonem, et mensurati intra
ipsam terram prope ripam eiusdem vallonis sicut revolvit passi centum unum. Ab ipsa parte
meridiei est finis terra quam maraldus lebita socer ipsius iohannis clerici obligatam ipsi ecclesie
habet, et passi nonaginta duo. Et inclitam terram et casam ipsius ecclesie, quam preterito
tempore ipse petrus vendidit heredibus maraldi filii guisenardi, sicut eorum cartula continet,
et est intra hanc civitatem super ipsam ecclesiam cum omnibus que intra eamdem terram et
casam et iamdictam terram de suprascripto loco selecta per suprascriptas fines et mensuras, et
iamdictam medietatem de ipsa terra de suprascripto loco uliaria per iamdictas fines et mensuras
sunt cunctisque earum pertinentiis et cum vice de ipsis viis et anditis suis et cum omnibus
muniminibus ex ipsa terra de iamdicto loco selecto continentibus. Ea ratione, ut totum
et integrum illud quod ipse rottelgrimus et iamdictus abbas, ut suprascriptum est, ipsi petro
tradiderunt, semper sit in potestate ipsius petri et heredum eius, et liceat illum et eius heredes
de eo facere quod voluerint, et in omni deliveratione suprascriptis mensuriis iusto passu hominis
mensuratos. Et ipse abbas et successores eius a pars iamdicte ecclesie nullo tempore querere
presumant ipsos rottelgrimum et petrum et eorum heredes vel aliquem ex eis de omnibus rebus
movilibus ipsius ecclesie quas preterito tempore per quemlivet modum tulerunt, seu ipsi rottelgrimus
et petrus et illorum heredes inter se ex eis de rebus movilibus querere presumant per
quodlivet ingenium et per convenientiam ipse rottelgrimus et iamdictus abbas guadiam ipsi
petro dederunt, et fideiussorem ei posuerunt adenolfum filium quondam iohannis comitis; et per
ipsam guadiam ipse abbas obbligavit se et suos successores et partes predicte ecclesie semper
defendere ipsi petro et illius heredibus integrum illud quod ipse abbas et iamdictus rottelgrimus
eidem petro, ut suprascriptum est, tradiderunt ab omnibus hominibus quibus per ipsum abbatem
et per successores et antecessores suos illud vel ex eo quomodocumque datum aut obbligatum
vel manifestatum seu alienatum paruerit, et qui pro illorum parte et dato quascumque causationes
de eo ipsi petro et illius heredibus preposuerint; et ipse rottelgrimus per suprascriptam
guadiam similiter obligavit se et suos heredes semper defendere ipsi petro et eius heredibus
integrum illud quod ei ille et iamdictus abbas, ut suprascriptum est, tradiderunt ab omnibus
hominibus quibus per eum et per heredes eius qui illud vel ex eo quomodocumque datum aut
obbligatum vel manifestatum seu alienatum paruerit, et qui pro illorum parte et dato quascumque
cautiones de eo ipsi petro et eius heredibus preposuerint. Ab aliis autem hominibus et cum
voluerint ab omnibus hominibus ipse petrus et eius heredes potestatem habeant illud per se
defendere qualiter voluerint cum omnibus muniminibus et rationibus quas de eo ostenderint.
et per convenientiam et per suprascriptam guadiam ipse rottelgrimus obbligavit se et suos
heredes totam suprascriptam terram de iamdicto loco uliaria per suprascriptas fines et mensuras
in duas sortes dividere iuxta rationem cum vice de ipsis viis, et prius ipse petrus et
eius heredes comprehendant unam ex ipsis sortibus qualem voluerint, et reliquam comprehendant
ipse abbas et successores eius et pars iamdicte ecclesie pro parte eiusdem ecclesie, et
per partem firmarent inter se de eis per firma scriptione divisionis cum guadia et idoneo
fideiussore, et penam obbligavit, sicut lex et consuetudo istius est civitatis, ipsi petro et illius
heredibus iamdicta sorte quam comprehenserint defensatam sicut suprascriptum est. Tantum
ipse petrus et eius heredes dimittant tenere ipsam partem quam comprehenserint iamdictum
iohannem clericum et eius heredes usque completos ipsos annos, secundum textum eiusdem
cartule quam de eo firmatam habet, preter si ipse petrus et eius heredes cum ipso iohanne
clerico et cum eius heredibus aliquam convenientiam de eo fecerint. et ipse rottelgrimus et
eius heredes et iamdictus abbas et successores eius et pars iamdicte ecclesie similiter dimittant
tenere ipsum iohannem clericum et eius heredes iamdictam partem quam comprehenserint et
terram et casam intra hanc civitatem, quam similiter ipse iohannes clericus et eius heredes
tenere debent usque completos ipsos annos, sicut eius cartule continent, excepto si ex eo ipse
iudex et eius heredes et ipse abbas et successores eius et pars iamdicte ecclesie aliquam convenientiam
cum ipso iohanne clerico et cum eius heredibus fecerint. et si, sicut superius scriptum
est, ipse abbas et successores eius et pars iamdicte ecclesie ipsi petro et illius heredibus non
adimpleverint, et suprascriptam vel ex eis quicquam removere aut contradicere presumpserint,
per convenientiam per ipsam guadiam obbligavit se et suos successores et partes predicte
ecclesie componere ipsi petro et eius heredibus quingentos auri solidos constantinos. Si autem
ipse rottelgrimus iudex et eius heredes, sicut superius scriptum est, ipsi petro et illius heredibus
non adimpleverint et suprascriptam vel ex eis quicquam removere aut contradicere presumpserint,
per ipsam guadiam et convenientiam obbligavit se et suos heredes componere ipsi
petro et illius heredibus quingentos auri solidos constantinos, et sicut superius scriptum est
adimplere. Verumtamen et hoc addere iussimus quoniam convenit inter eos ut ipse abbas, dum
vixerit ipsas terras quas ipse petrus eidem abbati ut suprascriptum est tradidit, teneat vel ut
ipsam ecclesiam sancti mathei et sancti iohannis et terras et casas et res staviles et moviles
ipsius ecclesie pertinentes tenere debet sicut eius cartula continet. Post eius vero obitum redeat
in potestatem ipsius iudicis et heredum eius ad habendam in suprascripta ratione et de eo
faciant quod voluerint. et ipse petrus et eius heredes amodo et semper securiter habeant integrum
illud quod ipse abbas et iamdictus iudex ipsi petro, ut suprascriptum est, tradiderunt et
faciant ex eo quod voluerint ipsi petro et illius heredibus defensatum, sicut superius legitur.
de ipsis vero rebus movilibus quas preterito tempore ipsi iudex et petrus tulerint, ut suprascriptum
est, sic fieret sicut superius legitur: et ipse iudex et iamdictus petrus omuia suprascripta
fecerunt cum licentia ipsius genitoris sui quoniam olim ipse genitor eorum per absolutionem
domni leonis abbatis suprascripti monasterii sancte trinitatis ipsis rottelgrimo et petro licentiam
tribuit, ut cum ante meam presentiam venerint, licentiam haberent de rebus et causis suis
facere quod vellet. et ipse abbas alfanus suprascripta fecit cum licentia ipsius genitoris sui
ipsi genitori consentiente dominus iohannes venerabilis abbas monasterii sancte marie et sancti
benedicti quod constructum est intra hanc civitatem in orto magno sub cuius regula deget.
Quod autem superius disturbatum est legitur tertia pars omnium rerum stabilium et movilium
earum. Et inter virgulos superius legitur pertinere. et talia te iohannem notarium scribere
precepi.
+ Ego qui supra romoaldus iudex.
+ Ego iohannes notarius me subscripsi.
| |