|
+ In nomine domini hoctabo decimo anno principatus domni nostri guaimari gloriosi
principis, mense magius, quarta indictione. memoratorium factu a nos andrea presbiter et
garofalus germani filii quondam ursi, eo quod ante presentia maioni presbiteri et abbati
ecclesie vocabulum sancti maximi de intus civitate salernitana, et una cum ipso abbas
adessent romoalt et petrus comitibus germani filii alfani comiti, qui sunt dominii ipsius
ecclesie, per bona combenientia per demandationem ipsius abbati et per largietatem ipsorum
comititus tradidit nobis iaquintus diaconus et vicedominum ipsius ecclesie de rebus,
quod pars ipsius ecclesie habet in locum ubi ad caminatella dicitur finibus nucerie, per
hec finis et mensurie: a pars occidentis fine via puplica, sunt inde passi triginta septem
et medium: a septemtrionis fine ipsius ecclesie, sunt inde quinquaginta hocto: ab oriente
fine similiter ipsius ecclesie, et inde sunt passi sexaginta duo: revolvente per ipsa fine in
pars occidentis sunt indeque passi viginti tres et cubitum unum: iterum revolvente per
eadem fine in pars septemtrionis sunt inde passi decem et hocto: iterum revolvente in
pars occidentis per ipsa fine et coniungente se ad ipsa via que est priora fine, sunt inde
passi triginta quadtuor, totum ad iusto passum homini mensuratum. hec vero rebus per
iamdicte finis et mensurie tota et inclita cum omnia infra se habentibus omnibusque
suis pertinentiis et cum vice de via sua illut nobis ipse iaquintus diaconus ad pastenandum
arbustum tradidit tali ordine, ut amodo usque duodecim anni completi ad nostram
et de nostris heredibus sint potestatem eos tenendum et dominandum, et fovee et omnis
nostre utilitatis iuxta rationem ibidem faciendum, et ibidem resideamus et abitemus et
pastenemus ibidem arbores et vites de bono vitineo seu arboribus pomiferis; et quantum
vinum et quodcumque frudium amodo usque decem anni inde tollere vel abere potuerimus,
totum nostre sint potestati, faciendi que voluerimus. ad completi autem ipsi amodo
duodecim anni, nos vel nostris heredibus habeamus in tota ipsa rebus per iamdicte finis
et mensurie perfectum arbustum factum, surtum et operatum secundum consuetudinem
loci uius, et sicut de tantos annos esse meruerit; et da completi ipsi duodecim anni in
antea omni tempore, dum nos et nostris heredibus illut tenere et lavorare voluerimus, licead
nos illut tenere et annualiter aptis temporibus lavoremus eos de super et de subter,
sicut locus iste meruerit, et totum eos per circuitum cludamus et clusum illut habeamus,
sicut meruerit, et ubi meruerit arbores et vites et propagines eos ibidem plantemus et
propaginemus, ut bene paread lavoratum et cultatum, quatenus proficiad et non dispereat;
et quantum vinum da ipsi decem anni in antea inde exierit, totum illut ibique ad
palmentum inter nos in tertiam partem dividamus, et omnem annum per vindemie faciamus
nos scire pars ipsius ecclesie, ut dirigat ibidem missum suum pro recipiendum ipsa
sua sortione de ipso vinum: ipso missum eidem ecclesie tollat inde una sorte quod est
tertiam pars, nos autem vel nostris heredibus tollamus inde duobus sortionibus, et pars
ipsius ecclesie adsignet nobis organeum bonum da vinum ad cellarium quod habuerit in
eodem locum nucerie, ubi ad li pariti dicitur, et nos ipsum annualiter apto tempore conciemus
bonum, sicut meruerit, et reponamus illum intus ipso cellarium, et ipsa sortione
de ipso vinum, quod a pars predicte ecclesie inde evenerit, nos illut portemus ad predictum
cellarium, et mittamus illut intus ipsum organeum; missum vero quod pars prefate
ecclesie per vindemie ibidem direxerit, nos illum nutriamus secundum nostra possivilitatem
et demus ei palmentatica iuxta ratione, et de quem annualiter in eadem rebus amodo et
semper seminaverimus, demus inde terraticum ad pars ipsius ecclesie secundum consuetudinem
loci uius; et si propter iram de seniorem, vel pro qualivet causa de hanc terra
exierimus et infra tribus anni reversi fuerimus hic ad abitandum, tunc ipso annum quando
redierimus, licead ille homo qui illut lavoraverit, ipso frudium de ipsum annum inde tollere,
et post ipsum frudium recollectum inclitum illut ad nostram et de nostris eredibus
perveniant potestatem, ad tenendum et lavorandum illut in supradicta ratione; et si da
ipsi duodecim anni in antea aliquando tempore ipsa rebus tenere et lavorare non voluerimus,
licead nos vel nostris heredibus inde exire et tollere inde redita et omnis nostra
causa movilia, et iret cum eo voluerimus, sine contrarietate predicte ecclesie, et tota ipsa
rebus operata et clusa remittamus ad potestatem ipsius ecclesie. unde per bona combenientia
per demandationem ipsius abbati et de ipsi domni ipsius ecclesie guadia nobis ipse
iaquintus diaconus dedit et mediatores nobis posuit petrus filius quondam benedicti et
ursus presbiter filius iohanni qui sunt abitatori in locum pau; et per ipsa guadia
. verumtamen et hoc recolimus,
quia per supradicta guadia obbligavimus nos et nostris eredibus, ut quanta poma de ipsi
decem anni in antea inde exierit, nos vel nostris eredibus apto tempore colligamus, et
tertiam partem inde demus ad pars iamdicte ecclesie, et due sortis inde nobis abeamus,
et hunc brebem scripsi ego ioannes clericus et notarius qui interfui.
+ ego qui supra maio presbiter et abbas
+ ego iaquintus diaconus et primicerius.
| |