Home » Fonti documentarie » Codex diplomaticus Cavensis - 10 » 10.16 » Pag 54 - 55

10.16
54
55

54
+ In nomine domini nostri Iesu Christi. Anno ab incarnatione
eius millesimo septuagesimo quarto et tricesimo secundo anno
principatus domni nostri Gisulfi gloriosi principis, mense iulio
undecima indictione. Ante me Petrum iudicem Tanda filia
quondam Marini Atrianensis, que uxor fuerat Iohanni Atrianensis
qui dictus est Calbarusu, coniuncta est cum Leone filio quondam ...s
et ipsa Tanda clarificavit sibi pertinere terram cum vinea
deserta et canneto et aliis arboribus, que est foris hanc a Deo conserbatam
Salernitanam civitatem in loco Veteri, scilicet in plaia montis
qui dicitur dalle Traberse, quam dixerunt esse per fines et mensuras
iusto passu hominis mensuratas: a parte orientis est finis
fluvius qui Veteri dicitur et intra istam terram prope ipsum fluvium
recte mensurati passus quinquaginta nobem et medium; a
parte meridiei est finis aliorum qualiter media sepes discernit;
a parte occidentis est finis via et per eam mensurati secus ipsam
terram passus sexaginta septem et cubitum et palmum; a parte septemtrionis
similiter est finis via qualiter recte vadit usque ipsum
fluvium. et sicut ipsi Tande congruum fuit, bona sua voluntate, per
convenientiam per hanc cartulam secundum legem et Romanorum
consuetudinem venundedit ipsi Leoni pro parte monasterii Beati confessoris
adque pontificis Leonis quod domnus Leo veneravilis
abbas a nobo construere fecit fundamine in terra sua propria pertinente,
que est foris hanc predictam civitatem in suprascripto loco
Veteri, integram suprascriptam terram cum vinea deserta et canneto
et aliis arboribus, quam sibi ut dictum est clarificavit pertinere per
iamdictas fines et mensuras qualiter suprascriptum est, cum omnibus
intro eam abentibus cunctisque suis pertinentiis et cum vice de
ipsis viis. ea ratione ut integram suprascriptam venditionem qualiter
suprascriptum est semper sit in potestate ipsius domni abbatis
et successorum eius et partium suprascripti monasterii, et liceat
ipsum domnum abbatem et suos successores et partes suprascripti
monasterii de ea facere quod voluerint. et propter confirmationem
huius venditionis ipsa Tanda suscepit ab ipso Leone pro parte
suprascripti monasterii statutum pretium auri solidos tarenorum
ex moneta Amalfitanorum triginta et sex in omni deliberatione. et
per convenientiam ipsa Tanda secundum legem et Romanorum consuetudinem
guadiam ipsi Leoni pro parte suprascripti monasterii
dedit et fideiussorem ei pro ipsius monasterii parte posuit Marinum
Atrianensem qui dicitur Tarudulu filium quondam Leonis,
55
et per ipsam guadiam obligavit se ipsa Tanda et suos heredes semper
defendere ipsi domno abbati et eius successoribus et partibus suprascripti
monasterii integrum illud quod ipsi Leoni pro eiusdem
monasterii parte ut dictum est venundedit ab omnibus hominibus
et partibus, et ipsa Tanda tribuit licentiam ut, quando ipse
domnus abbas et suos successores et partes eiusdem monasterii
voluerint,potestatem habeant illud per se defendere qualiter voluerint
cum omnibus monuminibus et rationibus quas de eo ostenderint.
et si sicut superius scriptum est ipsa Tanda et suos heredes ipsi
domno abbati et eius successoribus et partibus suprascripti monasterii
non adimpleverint et suprascripta vel ex eis quicquam removere
aut contradicere presumpserint, per ipsam guadiam obligavit
se et suos heredes componere ipsi domno abbati et eius
successoribus et partibus suprascripti monasterii quinquaginta auri
solidos constantinatos et sicut superius scriptum est adimplere.
Et taliter tibi Iohanni notario scribere precepi. S.
+ Ego qui supra Petrus iudex. S.
Torna all'inizio