|
51
MLXXXVII
A. D. 1047
+ In nomine domini vicesimo nono anno principatus domni nostri guaimarii gloriosi
principis, et nono anno ducatus eius amalfi, quam et sexto anno principatus et ipsorum
ducatuum domni gisulfi eius filii eximii principis et ducis, mense augustus, quintadecima
indictione. Ego truppoaldus diaconus et medicus, quam et abbas ecclesie sancte marie,
que constructa est intus hanc salernitanam civitatem inter muro et muricino, et est pertinente
supradicte gloriose potestatis, Clarefacio, quoniam pars ipsius ecclesie a foris hanc
predictam cibitatem iusta fluvio lirno, ubi molina destructa sunt, et venit ad nos benedictus
filius hodelgardi capuano, et leo filius quondam stefani, et dixit mihi, ud si ei dederimus
unum sedium de ipsa molina de ...... annum ipsum molinum conciare et facere
da nobum, et ego facerem eorum ibi adiutorium. Unde ego per absolutionem invictissime
potestatis, cuius pertinet ipsa ecclesia, Ante presentia ademarii comitis et iudicis, una
cum predicte ecclesie, Tradidi ipsorum benedicti et leoni inclitum ipsum sedium de ipsum
molinum destructum pertinente ...... qui est iusta ipso flubio lirno et dicitur ad lu fusu.
Tali tinore, ud a presente illis et illorum heredibus tenere inclitum de ipso molinum
cum ista de ipso molinum et arcaturia sua, et cum sedio suo, et usus aquarum, et cum
pertinentia de ipsum molinum, qualiter ipsum molinum usus fuit abere, Ud illis et illorum
heredes et hominibus, qui ibi mittad in ipsa tradictione, fodere et palos figere, et
omnes illorum utilitatis ibi facere, et abere iusta rationem pro ……. et macenandum
ipsum molinum, et amodo et usque ad tempus in calendis september, quod facit unum annum
……. vel illorum eredes in pars de ipsa ecclesia de ipsum molinum nisi unum
modium de granum bonum plenum culmu ad modium qui ..... ista cives, ista nativitas
domini prius venientis et alium modium de granum bonum culmum ad ipsum modium
in pasca domini qui est prius veniente oc anno. In ipsa calendis september ad tempus
adsignent mihi, vel ad meos successores in pars ecclesie ipsum molinum conciatum bonum,
ud perfectum macenare possat, et ab ipse calendas september, inde sex anni completi,
ipsi benedictus et leo et illorum eredes teneant ipsum molinum, et vigilent, et custodiant,
et concient, ut me macenare possat. Et infra ipsi sex anni per omnes duos menses deant
in pars ipsius ecclesie quinque ...... granum bonum molitura usque ad ipsi anni completi
ad suprascriptum modium plene bene culme. A completi ipsi sex anni assignent
illis et illorum eredibus in pars predicte ecclesie inclitum ipsum molinum conciatum bonum,
sicuti sunt alia molina, qui sunt ibi vicina, et conciata taliter illud assignent ad
pars predicte ecclesie, cum mole et ferraturia sua, et cum sedio et arcaturia sua et cum
omni sua pertinentia, ud bene possat macenare, et illis et illorum eredes, et homines qui
ibi miserint, liceat inde exire cum omni causa eorum mobilia, quod iustum fuerit, et ire
ubi boluerint. Et ego dedi modo eorum adiutorium pro conciandum ipsum molinum quadraginta
auri tarenos et modium unum de grano et medium modiolum de fabe, et medium
assunia et due salme de vinum et unum pecuru, et fuste de ferrum et una securiccla
et anella tres. Unde in eo tinore per convenientiam guadiam dederunt ipsi prenominati
benedictus et leo, et fideiussorem mihi posuerunt iohannes filius quondam iohannis, qui
dictus est granito, et per ipsam guadiam obligaberunt se ipsis benedictus et leo et illorum
eredes, ud si omnia supradicta non adimpleberint in pars supradicte ecclesie, vel de
suprascriptis contradixerint, per ipsam guadiam obligaberunt se ipsis benedictus et leo et
illorum eredibus componere in pars ipsius ecclesie …… auri solidos constantinos. Veruntamen
hoc memoramus, ud si ipsum molinum infra ipsi sex anni non macenaberit pro
ructura ..… de ipso flubio, aud pro gente puplica, imputemus nos de ipso grano, quod
nobis dare debet infra ipsum annum, sicut iustum fuerit; et ad pignerandum obligavit
seipsum fideiussorem et suos eredes, si in pars ipsius ecclesie omnes rebus et causas suas
legitime et inlegitime ...... obligaberunt se ipsi benedictus et leo et illorum eredes, si
ad ipsum fideiussorem etiam personis eorum componendum et distringendum usque ad ...
virguli legit anni, et per omnes menses usque ad ipsi anni completi macenent in pars de
ipsa ecclesia quadtuor modia de granum ad suprascriptum modium, sine aliqua molitura
per supradicta guadia et obligata pena. et taliter scribere rogavimus te iohannem notarium.
+ Ego qui supra ademarius iudex.
| |