+ In nomine domini nostri Ihesu Christi dei eterni. Quinto anno principatus
domini Laidulfi gloriosi principis mense februario undecima indictione.
Ideoquem nos i sumus iohanne et Summo germani langubardi capuani
qui sumus comorantes intus cibitate capuana et filii quondam summi
capuanis Sicut nobis abtuum et congruum est cum licere et iussionem prefati
gloriosi principis Per anc cartulam benumdedimus vobis bidelicet ligori
et stefani qui nuccupatur infermi filius quondam stefani neapolitani. qui
sitis commorantes intus cibitate neapoli. Idest quadtuor petie de terre nostre
quem habemus in finibus liburie loco qui nominatur quatra panis.
Prime ex ipse petie de terris finis habet de unu latere fine terra sichenolfi.
ex alio latere fine terra grasonis et landonis et petri habet per singula latera
in longum passos centum sexaginta octo. Unu capu tenet in terra que dicitur
campobiatole. Aliu capu tenet in bia publica habet per singula capita
per trabersum passos . . . . . . . . . . . . et tres. Ipsa secunda petia de terra ibique
in eodem loco quatra pane et nominatur terra ipsa ad bitalla que habet
finis terra ipsa hab uno latere terra turboaldi de quatra pane habet inde
in longum passos quadraginta et tres. Aliu latu tenet in terra de neapolitani
et inde abet passos quadraginta et quinque. unu capu tenet in terra
predicti turboaldi abet inde per trabersum passos viginti et octo. Aliu capu
tenet in terra gregorii neapolitani et inde abet passos triginta. tertia petia
in predictis finibus liburie et terra ipsa dicitur in cesarani. Que abet
finis terra ipsa hab uno latere tenet in terra maraldi in cilladibone. Aliu
latere tenet in terra de neapolitani. Unu capu tenet in terra nostra. Aliu
capu tenet in bia publica abet per singula latera in longum passos viginti
et duo. et per singula capita per trabersum abet passos decem et nobem.
Quarta ex ipsa petia de terra in eodem loco cesarani finis liburie et eadem
petia de terra hab uno latere fine terra sichenolfi comitis. ex alio latere
fine tertia terra abet per singula latera in longitudine passos quinquaginta.
unu capu tenet in terra maraldi habet exinde per trabersum passos
viginti et tres. Aliu capu tenet terra de homines de casale. abet exinde per
trabersum similiter passos viginti et tres. Ad mensura de passu landoni seniori
castaldei mensuratum. Ideo iamdicte quadtuor petie de terre qualiter
superius de fine in fine indicate et mensurate sunt una cum arboribus fructiferis
vel infructiferi et cum omnia intro se habentibus subter vel super
et cum biis suis ibidem intrandi et exiendi. Cuncte et integre iamdicte
per finis indicate et mensurate quadtuor petie de terris que ut diximus
vobis qui supra germani neapolitani ipse benumdedimus. Ad possessionem
vestram et de vestris heredibus. Abendi et possidendi et faciendi exinde omnia
que vobis placuerit. Simulque et benumdedimus vobis et aput vos remisimus
integre quadtuor scriptionibus nostris que sunt continente predicte
petie de terre prima ex ipse cartule est cartule que scripta est per sichebertum
notarium roborata per adelmundus iudex et per auretio seu et
per iaquintum et per marandi qui continet ipsa cartula tota prima petia
de terra. Ipsa secunda cartula que scripta est per sichelfrit clericum et
notarium que continet tota secunda petia de terra roborata per adelmundus
iudex et per pergolfus et per adoaldo et per landolfum. Ipsa tertia
cartula que scripta est per petrus notarius que continet predicta tertia
petia de terra. roborata per gariperto iudex. et per iohanne et per aldo.
Quarta scriptio est cartula que scripta est per petrus clericus et notarius
. . . . . liburie in plebe sancti donati que continet predicta quarta petia de
terra roborata per martinus presbiter et per bebetanium et per iohanne
presbiter et per petrus presbiter. Similiter ad possessionem vestram et de
vestris heredibus abendi et possidendi et faciendi exinde omnia que vobis
placuerit. Ita et ego sellecta relicta predicti summi et genitris predictorum
iohannis et summi et filia quondam martini. Declaro me abere quartam
partem in iamdictis per finis indicate et mensurate quadtuor petie de
terre quem predictis filiis meis vobis qui supra germani superius benumdederunt
et in iamdictis quadtuor scriptionibus que sunt cartule quem similiter
predictis filiis meis vobis superius benumdederunt et aput vos remiserunt ut
superius legitur pertinentes michi qui supra mulieris quartam ipsam exinde
per illum meum scriptum morgincap legibus a predicto summo viro meo emisso
quando me sibi in coniugio sociabit uxorem. quem oportet et est michi
qui supra mulieri quartam ipsam de omnia supradicta que prelegitur in
integrum benumdari. et Ideo ego iam nominata sellecta commonente lege
feci notitia a garofali germani mei et petri nepoti mei qui sunt propinquiores
parentibus meis. quibus una cum ipsis parentibus meis et cum predictis
filiis meis pariter andabimus presentia iohanni iudici capuane cibitatis
in cuius presentia diligenter fuit interrogata vel inquesitam ne fortasse
ha predictis filiis meis haliqua factam habere biolentiam. quibus ego locuta
sum dicendo nullam biolentiam patior set bona et spontanea mea boluntatem
anc benditio fieri dixi bolo. et secundum lege me benditricem feci. Itcirco
ego iam nominata sellecta tenentes mecum manibus suis predictis parentibus
meis in anc cartula pro stabilitate et cum eorum notitia. quam et consentientes
michi predictus iohannes et summo filiis et mundoalt meis in quorum mundium
me legibus subiacere prebideor. Per anc chartulam secundum lege benumdedi
vobis qui supra ligori et stefani neapolitani qui dicitur inferni integra
iamdictam quartam partem meam de iamdicto per finis indicate et mensurate
quadtuor petie de terre et de predictis quadtuor scriptionibus quod sunt
chartule qualiter superius disimus et michi exinde est pertinentes ut diximus
una cum arboribus fructiferis vel infructiferis et cum omnibus intro
se abentibus subter vel super et cum biis suis ibidem intrandi et exiendi.
Cuncta et integra predicta quartam partem meam vobis qui supra germani
exinde secundum legem benumdedi. Ad possessionem vestram et de vestris
heredibus abendi et possidendi et faciendi exinde omnia que vobis placuerit.
unde de omnia supradicta quem nos qui supra iohanne et summo et sellecta
mater et filiis que vobis superius secundum lege benundedimus nobis nec
uxori mee qui supra iohanne nec alii cuilibet exinde nullam reserbabimus. Set
cunctum et integrum ipsos vobis qui supra germani benumdedimus sicut
supra diximus. et per supradicta nostra benditione in presenti recepimus
pretium nos qui supra germani a vos qui supra germani emtoribus nostris.
Idest auro solidos vonos vizanteos triginta. et ego qui supra sellecta
benditris per ipsa mea benditione similiter recepit pretium per consensum
et boluntate dicti filii et mundoalt mei. Idest a vos qui supra germani
auro solidos vonos vizanteos decem. Sicut inter nobis combenit finitum
bero pretium. Ea etenim ratione quatenus ammodo et semper vos qui supra
ligori et stefano germani et vestris heredibus firmiter abeatis et possideatis
integra supradicta nostra benditione et faciatis exinde omnia que
vobis placuerit. et obligamus nos qui supra iohanne et summo et sellecta
mater et filiis tamen ego qui supra mulier cum consensum et boluntatem
supradicti filii et mundoalt mei unianimiter pariterque consensu nos et nostris
heredibus vobis qui supra ligori et stefani et ad vestris heredibus integra
supradicta nostra benditione defendere et antestare amodo et semper
ha parte uxori mee qui supra iohanne et ab aliis omnibus ominibus ab
omnique partibus a partibus nostre langobardorum. hostendente vos et vestris
heredibus nobis nostrisque heredibus quantas vices a talis partibus
ipsos defendere obligamus predictis quadtuor scriptionibus quod sunt cartule
quem vobis superius benumdedimus et aput vos remisimus salbe in
publicum iudicium ad relegendum et finem faciendum cum quo nobis necesse
fuerit iusta ratione et post perfectam finem salbe ipse aput retineatis in
supradicta ratione et quando volueritis vos qui supra germani et nostris
heredibus ex predicta nostra benditione exinde auctori et defensori fieri.
licentiam et potestatem habeatis inde auctori et defensori exere cum predicte
chartule quem vobis superius venumdedi et cum ista emptionis chartula
et cum aliis vestris et nostris rationibus amodo vel qualiter melius
potueritis ut licentiam et potestatem abeatis vicibus nostris vel de nostris
eredibus predicte chartule quem vobis superius venumdedi hostendere coram
potestatibus et iudicibus sibe a partibus nostre langobardorum seu
a partibus vestre neapolitanorum relegendum et fidem faciendum cum quo
vobis necesse fuerit iusta ratione et quando volueritis vos et vestris eredibus
quatenus debeamus vobis ipsos defendere et antestare a talis partibus in
ipsa ratione ut superius legitur eo quod in tali ratione ipsos venundedimus.
Si autem ipsos vobis a talis partibus defendi non potuerimus ut diximus
primis nos et nostris eredibus vobis et ad vestris heredibus de colludio legibus
vobis iurare obligamus et componamus vobis jam dictum pretium duplo
et duplo per adpretiatum quod tota nostra benditione aput vos in edificio aut
in quabis parte remelioratum paruerit. Nam si tum nos qui supra iohannes
et summo et sellecta mater et filiis vel nostris heredibus anc benditionis
cartulam aliquando per qualecumque ingenium disrumpere aut remobere
quesierimus et si non vobis et at vestris heredibus exinde fecerimus
et compleberimus ea omnia per ipsum ordine sicut superius legitur tunc
supradicta dupla vobis componamus et iam dicta benditio integra potestatis
vestre admictamus ad semper abendam. et taliter nos qui supra iohannes
et summo et sellecta mater et filiis tamen ego qui supra mulier una cum
consensu et boluntate supradicti filii et mundoalt meis et cum notitia de
predictis parentibus meis unianimiter pariterque consensum nos qui supra
mater et filiis secundum lege fecimus et te gaidolfus discipulus iohannis notarii
scribere rogabimus quem tu ipsos scripsistis per iussionem supradicti
gloriosi principis. Capua
+ ego qui supra iohannes index + ego maio + ego arehisi
|