+ In nomine domini dei salvatoris nostri Ihesu Christi Imperante domino
nostro basilio magno Imperatore anno tricesimo: sed et constantino magno
Imperatore frater eius anno vicesimo septimo: die vicesima quarta mensis
martii indictione tertia neapoli: Certum est me leone ferrarium filium quondam
leoni ferrarii cui super nomen rusco: a presenti die proptissima voluntatem:
venumdedi et tradidi vobis palumbo vicedomino filium quondam voni et
maria hoc hest iugales: idest una inferiora cellarei mei: qui est subtus superiora
dommui quidem leoni ferrarii filium quondam gregorii ferrarii et in
quantum subtus superiora dommui mee: posita in vico qui nominatur sancti
georgii in diaconia regionis summa platea: una cum aspectibus suis et cum
dua introita et omnibus sivi pertinentibus: qui coheret sivi a parte septemtrionis
cellarum tuum memorati palumbi sicuti inter se per trabersum duas
signatas grucis exfinat: et a parte meridiana coheret introitas in quo est posticum
et regias suas qui exiet in memoratum introitum: et a parte horientis
coheret cellareum memorati leoni ferrarii filio quondam memorati gregorii ferrarii
sicuti inter se parietem exfinat et a parte hoccidentis: coheret memorato
vico publico: et regias duas qui exiet in memorato bico: unde nihil mihi ab
intus ipsas coherentias exinde aliquod remansit aut reserbavi nec in aliena
cuiusque persona quod apsit commisit aut iam commictimus potestatem: set
a presenti die et deinceps: a me vobis memoratis iugales sit illos venumdatum
et traditum in vestra: vestrisque heredibus sit potestatem queque
exinde facere volueritis: et neque a me memorato leone ferrario neque a
meis heredibus nec a nobis personis summissis nullo tempore nucquam vos
memoratis iugales aut vestris heredibus: quod apsit abeatis exinde quacumque
requesitione aut molestia a nunc et in perpetuis: temporibus: insuper
et ab omni homine omnique persona: omni tempore ego memorato leo et
heredibus meis vobis vestrisque heredibus: illos in omnibus antestare et
defensare deveamus propter quod accepi a bovis exinde auri tari vyginti:
sicut inter novis combenit si autem aliter fecerimus de is omnibus memoratis
per quovis modum aut summissis personis: tunc compono ego et heredibus
meis vobis vestrisque heredibus auri solidos duodecim vyzanteos:
et hec chartula venditionis ut super legitur sit firma scripta per manu leoni
curialis per memorata indictione + hoc signum + manus memorati leoni
ferrarii quod ego qui memoratos ab eum rogatus pro eu subscripsi et
memorati tari traditos vidi +
+ ego theodorus filius domini ursi rogatus a suprascripto leoni testi
subscripsi et suprascripti tari traditos bidi +
+ ego leo filius domini iohannis rogatus a suprascripto leone testi
subscripsi et suprascripti tari traditos bidi +
+ ego iohannes filius domini gregorii monachi rogatus a suprascripto
leone testi subscripsi et suprascripti tari traditos bidi +
+ Ego leo Curialis Complevi et atpsolvi per memorata tertia indictionem +
|